धनगढी : सप्तरीकाे धार्मिक सभामा सहभागी भएका कैलालीका ६ जनासहित ३२ जनाकाे काेभिड-१९ परीक्षण रिपाेर्ट नेगेटिभ आएको छ।
कैलालीका विभिन्न स्थानबाट सप्तरीकाे धार्मिक सभामा सहभागी भएका सातजनाकाे उद्धार गरिएकाे थियाे। उनीहरूमध्ये ६ जनाकाे रिपाेर्ट नेगेटिभ देखिएकाे छ। एकजनाकाे भने रिपाेर्ट आउन बाँकी छ ।
धनगढीको पशुपन्छी अन्वेषण प्रयोगशालाको आरटीपीसीआर मेसिनमा परीक्षण गरिएका ३३ मध्ये ३२ जनाको रिपोर्ट नेगेटिभ आएको प्रयोगशाला स्रोतले बतायो।
आज परीक्षण गरिएका ३२ नमूनामध्ये कैलाली, कञ्चनपुर, बैतडी, अछाम, कञ्चनपुर र दार्चुलाबाट संकलित २६ र सातवटा धनगढी तथा अत्तरियाबाट उद्धार गरिएका व्यक्तिकाे नमूना रहेकाे प्रयाेगशालाले जनाएकाे छ।