कोरोना भाइरसको महामारी नियन्त्रणका लागि गरिएका सरकारी प्रयास पर्याप्त नभएको तथा लिइएका नीति ठीक नभएको भन्दै ब्राजिलका स्वास्थ्य मन्त्री नेल्सन तेइचले राजीनामा दिएका छन् ।
तत्कालीन स्वास्थ्यमन्त्री लुइज हेनरिके मान्देता गत मार्च १५ बर्खास्त भएपछि मन्त्री नियुक्त भएका तेइजले पनि राजीनामा दिएका हुन् ।
कोरोना भाइरसको महामारीसँग जुधिरहेको ब्राजिललाई संक्रमणबाट जोगाउन राज्यको कडा हुनुपर्नेमा लकडाउन खुकुलो बनाउने गरीका निर्णयहरू भएपछि तेइचले पनि राजीनामा दिएको बुझिएको छ ।
यसअघि तत्कालीन स्वास्थ्य मन्त्री मान्देताले पनि लकडाउन खुकुलो बनाउन नहुने बताइरहदा उनलाई राष्ट्रपति जायर बोल्सोनारोले बर्खास्त गरेका थिए ।
ब्राजिलमा कोरोना भाइरसको संक्रमणले १४ हजारभन्दा बढीको मृत्यु भइसकेको छ भने दुई लाख १८ हजार भन्दा बढी संक्रमित भएका छन् ।