विश्वमा साढे चार महिनादेखि फैलिएको कोरोना भाइरसको महामारीले ब्राजिलमा १४ हजारभन्दा बढीको मृत्यु भएको छ ।
पछिल्लो २४ घण्टामा त्यहाँ ८२४ जनाको मृत्यु भएको छ । योसँगै मृत्यु हुनेको संख्या १४ हजार ८१७ पुगेको छ ।
एकै दिन १५ हजार ३०५ जनामा संक्रमण पुष्टि हुँदा कुल संक्रमितको संख्या २ लाख १८ हजार २२३ पुगेको छ ।
१ लाख १८ हजार ४३६ जनाको उपचार भइरहेको छ भने ८४ हजार ९७० जना संक्रमण मुक्त भएका छन् । उपचारारतमध्ये ८ हजार ३१८ जनाको अवस्था गम्भीर रहेको छ ।