कोरोनाको कारण गत बिहिबार मृत्यु भएकी सिन्धुपाल्चोककी २९ वर्षिया महिलाको श्रीमान र परिवारका अन्य सदस्यको कोरोना रिपोर्ट नेगेटिभ आएको छ । यसको मतलब उनीहरुमा कोरोना देखिएन ।
मृतक महिलाका श्रीमान्, छोरा, आमा र बहिनीको नमुना संकलन गरिएकोमा उनीहरु सबैको रिपोर्ट नेगेटिभ आएको हो । धेरैले नवजात शिशुको स्वास्थ्यमा चिन्ता गरेका थिए । उनको पनि धुलिखेल अस्पतालको प्रयोगशालामा गरिएको परीक्षणमा रिपोर्ट नेगेटिभ आएको छ ।
सिन्धुपाल्चोकको प्रशासनको समन्वयमा उनीहरुलाई घरमा लगिने, त्यहाँ लगेर १४ दिन क्वारेन्टाइनमा राखिने र त्यसपछि फेरि पीसीआर गरिने तयारी छ । उता हिजो पनि बाँके नरैनापुर ५ का २५ वर्षिय युवकको मृत्यु भएको थियो । त्यहाका संभावितहरुमा पनि जाँच गरिएको छ । उनी लकडाउनकै बीच भारतबाट नेपाल आएका थिए ।