बैतडीमा प्रहरी हिरासतमा रहेका थुनुवामा कोरोना संक्रमण देखिएको छ। जिल्ला प्रहरी कार्यालयको हिरासतमा रहेका एक थुनुवामा संक्रमण देखिएको हो।
चार थुनुवाको स्वाब परीक्षणका लागि पठाइएको र एक जनाको रिपोर्ट आएकोमा उनको कोरोना संक्रमण देखिएको बैतडीका प्रहरी प्रमुख डीएसपी दिल्लीनारायण पाण्डेले बताए।
भारतबाट चैत ६ गते नेपाल आएका उनी कर्तव्य ज्यानको मुद्दामा वैशाख १५ गते पक्राउ परेका हुन्। थुनुवामा कोरोना संक्रमण देखिएपछि जिल्ला प्रहरी कार्यालय सिल गरिएको छ।