बैतडी : जिल्ला ट्राफिक प्रहरी कार्यालय बैतडीले गत आर्थिक वर्ष २०७६/७७ मा १३ लाखभन्दा बढि राजस्व संकलन गरेको छ ।
ट्राफिक नियम उल्लंघन गर्ने साना ठूला सवारी साधनबाट गत आर्थिक वर्षमा रू। १३ लाख २७ हजार राजस्व संकलन गरेको हो । गत आर्थिक वर्षमा ट्राफिक नियम उल्लंघन गर्ने २ हजार ३७३ सवारी साधनहरुलाई कारबाही गरिएको थियो ।
कोभिड(१९ महामारीबाट बच्न सरकारले चैत्रदेखि गरेको लकडाउनका कारण सवारी साधनहरु नचल्दा राजस्व संकलनमा कमी आएको जिल्ला ट्राफिक प्रहरी कार्यालय बैतडीका प्रमुख राजेन्द्र सिंह रावलले बताए ।
गत आर्थिक वर्षमा २ हजार ३७३ सवारी साधन कारबाहीमा परेका थिए । जसमा सबैभन्दा बढि कारबाहीमा पर्ने जीप र कार रहेका छन् ।
गत आर्थिक वर्षमा ३ हजार ४२ साना ठूला सवारी साधनलाई कारबाही गरिएको थियो । विशेष गरी लाइन्सेन नभएको, क्षमताभन्दा बढी यात्रुहरु ओसारपसार गर्ने र कागजपत्रहरु नभएका सवारी साधनहरुलाई कारबाही गरिएको जिल्ला ट्राफिक प्रहरी कार्यालय बैतडीले बताएको छ ।