तिम्रै लागि भनेर गएको छोरा फर्केर आएन।
त्यो दिन देखि उज्यालोमा अनुहार देखाएन।
मैले छोरा गुमाएर संविधान आयो भन्दै थिए
एक थान बुढा-बुढी सबै गुमाएर केही पाएन।
चर्का नारा क्रान्तिका कुरा सब कोरा गफ भए
जनता लडे नेताले त कहिल्यै बन्दुक समाएन।
त्यहीँ युद्धमा गोली लागेर त अयोग्य भएको हुँ
तर मेरै बलिदानीले बनेको फौजमा म सुहाएन।
म सडकमा झरेर पो ऊ दरवार उक्लिएको हो
खाएको मात्रै खबर सुनिन्छ अघायो अघाएन।
तिम्रो विजयको अबिर त्यहीँ बचेको सिन्दुर हो
प्रिय युद्धमा गएपछि प्रियसीले सायद लगाएन।