गुगलले करीब २५० भन्दा बढी मोबाइल एपहरुमाथि प्रतिबन्ध लगाएको छ । गुगलले आफ्नो प्ले स्टोरबाट एन्ड्रोइड एपमा रहेका ती एपले प्रयोगकर्तामाथि अनधिकृत गतिविधि गरेको आरोप लगाउँदै प्रतिवन्ध लगाएको हो ।
प्रतिवन्ध लगाइएका एपले एन्ड्रोइड प्रयोगकर्ताहरुलाई अनावश्यक विज्ञापनहरु देखाउने लगायतका कार्य गरी आफ्नो नियम उल्लंघन गरेकाले प्रतिबन्धित लगाइएको गुगलले जनाएको छ ।
गुगलको सेक्योरिटी समूहले ती एप्लिकेसनविरुद्ध कारवाही गर्ने निणर्य गर्दै एपहरुलाई ब्लक गरेको जनाएको छ । प्रयोगकर्ताहरुलाई अनावश्यक तथा भ्रमपूणर् विज्ञापन देखाएर दुःख दिएका ती एपहरु ब्लक गरेसँगै गुगलले आफ्ना एन्ड्रोइड फोनमा RAINBOWMIX ग्रुपका एपहरु भएमा तत्कालै डिलिट गर्न आग्रह गरेको छ ।
लामो समयदेखि गुगलका नियमहरु उल्लंघन गर्दै आएको उक्त ग्रुपका विषयमा विषयमा शोधकर्ताहरुले White Ops नामक संस्थाको सहयोगमा तथ्यहरुको खुलासा गरेका थिए । त्यससँगै गुगलले उक्त समूहका एपहरुमाथि कारबाही गरेको हो ।