धनगढी :निर्मला हत्या प्रकरण फेरि जटिल मोडमा पुगेको छ । प्रहरीले हत्यारा प्रक्राउ गरिसकेको र अनुसन्धान अन्तिम चरणमा रहेको बताईरहेका बेला हत्या स्वीकार गरेको भनिएका मध्ये विशाल चौधरी छुटेपछि निर्मला हत्या प्रकरण जटिल मोडमा पुगेको हो ।
अनुसन्धानका लागि भन्दै १८ दिनअघि मंसिर १९ गते पक्राउ गरिएका कञ्चनपुर भीमदत्त नगरपालिका १८ सालघारीका १६ वर्षीय विशाल चौधरीलाई रिहा भएका छन र उनलाई प्रहरीले शनिवार आफन्तको जिम्मा लगाएको छ ।
जिल्ला प्रहरी कार्यालय कञ्चनपुरका प्रहरी प्रवक्ता डीएसपी कृष्णराज ओझाले प्रहरी कार्यालयको रोहबरमा बालबालिका खोजतलास केन्द्रले विशाललाई परिवारको जिम्मा लगाएको जानकारी दिएका छन ।
चौधरीलाई हिरासतमै रहेका भीमदत्त नगरपालिका १८ भगतपुरकै प्रदिप रावलको बयानपछि महेन्द्रनगरमा पक्राउ गरि अनुसन्धानका लागि काठमाण्डौ पठाईएको थियो ।
उनीहरु दुवै जनाको डीएनए समेत परिक्षण गरिएको थियो । तर, अझै सार्वजनिक गरिएको छैन ।
शनिवार जिल्ला प्रहरी कार्यालयमा छुटेदै गर्दा विशालले भनेका छन, ‘कुटपिट गर्ने डरले हत्या गरेको हु भनेर प्रहरीलाई बताए ।’उनले शारिरीक र मानसिक यातना पनि दिईएको बताएका छन ।
साउन १० गते बलात्कारपछि हत्या गरिएकी निर्मला पन्तको हत्यारा अझै पक्राउ पर्न सकेको छैन ।
हत्यारा सार्वजनिक गर्न माग राखेर निर्मलाका बुवाआमाले कात्तिक २५ गतेदेखि जिल्ला प्रशासन कार्यालयको बाहिर सुरु गरेको अनिश्चितकालीन धर्ना जारी छ ।