बैतडी : बैतडीको तल्लोस्वराडमा बुधवार चितुवाको आक्रमणबाट एक महिला घाइते भएकी छन् ।
शिवनाथ गाउँपालिका–६ ओखेडानीकी ४८ वर्षीया हिउकला धनाडी चितुवाको आक्रमणबाट घाइते भएका जिल्ला प्रहरी कार्यालय बैतडीका निमित्त प्रहरी प्रमुख ग्रिन्द्र बहादुर बोगटीले जानकारी दिनुभयो ।
प्रहरीका अनुसार बुधवार खोलामा घाँसदाउरा काट्न गएका बेला धनाडीलाई चितुवाले आक्रमण गरेको जनाएको छ । घाइते धनाडीको मुखमा, दाँयाबाँया कुममा घाउ रहेको र उनको स्थानीय स्वास्थ्यचौकी उपचार भइरहेको छ ।