राष्ट्रिय प्रजातन्त्र पार्टीका अध्यक्ष कमल थापाले कञ्चनपुरमा भारतीय सीमा सुरक्षा बल (एसएसबी)ले सीमाक्षेत्रमा एक नेपालीलाई गोली प्रहार गरी घाइते बनाएको घटनाप्रति भर्त्सना गरेका छन् ।
मंगलबार बिहान ट्वीट गर्दै उनले घटनाको छानविन गर्न र भारत सरकारसँग बिरोध प्रकट गर्न सरकारको ध्यानाकर्षण गराएका छन् ।
सोमबार साँझ कञ्चनपुको दोधारा चाँदनी नगरपालिकास्थित नेपाल–भारत सीमाक्षेत्रमा एसएसबीले चलाएको गोली लागेर स्थानीय नरेन्द्र सुनार घाइते भएका थिए ।
घुँडामा गोली लागेका सुनालको महाकाली अस्पतालमा उपचार भइरहेको छ । भारतीय बजारबाट फर्कने क्रममा जंगल क्षेत्रमा उनलाई गोली प्रहार गरिएको थियो ।
कञ्चनपुरको दोधारा चाँदनी नपास्थित नेपाल-भारत सीमामा भारतीय सुरक्षाकर्मीले सोमबार नेपाली नागरिक नरेन्द्र लुहारमाथि गोली प्रहार गरेको घटनाको घोर भत्सर्ना गर्दछु।घटनाको छानबिन गर्न,भारत सरकारसँग बिरोध प्रकट गर्न र दोषीलाई कारबाही गर्न @kpsharmaoli @MofaNepal को ध्यान आकर्षित गर्दछु