सर्वाेच्च अदालतले जे फैसला गरे पनि हामीलाई स्वीकार छ : उपप्रधानमन्त्री पोखरेल

धनगढी खबर    

सर्वाेच्च अदालतले जे फैसला गरे पनि हामीलाई स्वीकार छ : उपप्रधानमन्त्री पोखरेल

उपप्रधानमन्त्री एवं नेकपा ओली समूहका नेता ईश्वर पोखरेलले प्रतिनिधि सभा विघटनबारे सर्वोच्च अदालतले गर्ने फैसला आफूहरूलाई स्वीकार हुने बताएका छन्।

ओली समूहका अध्यक्ष एवं प्रधानमन्त्री केपी शर्मा ओलीले संसद् पुनर्स्थापना भए पनि आफूहरूको राजनीति नसकिने बताएको भोलिपल्ट नेता पोखरेलले सर्वाेच्च अदालतले जे फैसला गरे पनि मान्ने हुने धारणा सार्वजनिक गरेका हुन्।

ओली समूहनिकट प्रेस संगठनको चितवन जिल्ला समितिले आज (मंगलबार) आयोजना गरेको पत्रकार सम्मेलनमा पोखरेलले भने, ‘सर्वोच्च अदालतले जे फैसला गर्छ त्यसलाई नमान्ने भन्ने कुरा लोकतन्त्रमा हुँदैन।’

यस्तै उनले चुनावमा जाने कुरालाई पनि अलोकतान्त्रिक र प्रतिगमन भन्न नमिल्ने जिकिर पनि गरे। त्यस क्रममा नेता पोखरेलले प्रचण्ड–नेपाल पक्षको अकर्मण्यताका कारण नेकपा फुटेको आरोप पनि लगाए।

उनले भने, ‘नेपाली जनतालाई, कम्युनिस्ट आन्दोलनका कार्यकर्तालाई दुःखी बनाउने, पीडा दिने घटना घटेको छ, हामी सबै दुःखी छौं।’



मङ्गलबार ११, फागुन २०७७ १०:०९ मा प्रकाशित

#प्रतिनिधि सभा विघटन #सर्वाेच्च अदालत #ईश्वर पोखरेल
Loading...

प्रतिकृया दिनुहोस