नेकपा एमाले निकट अनेरास्ववियु कैलालीले सुदूरपश्चिमको मुख्यमन्त्री तथा मन्त्रीपरिषद्को कार्यालय अगाडि प्रदर्शन गरेको छ।
राजनीतिक अस्थिरता, निर्दलीय सोच र प्रवृत्तिविरुद्ध एकजुट बनौं ताजा जनादेशको पक्षमा जनमत सिर्जना गरौं’ भन्ने नारासहित अनेरास्ववियुले प्रदर्शन गरेको हो।
विद्यार्थी तथा शिक्षकलाई कोरोना खोप उपलब्ध गराउनुपर्ने, परीक्षा र शैक्षिक सत्र सुचारु गर्नुपर्ने लगायतका माग पनि अघि सारिएको छ। उनीहरूले मुख्यमन्त्री कार्यालयको गेट अगाडि व्यानर र प्लेकार्डसहित प्रदर्शन गरेका हुन्।