नेपाली महिला फुटबल टोली र बंगलादेशबीचको दोस्रो अन्तर्राष्ट्रिय मैत्रीपूर्ण खेल आइतबार (आज) साँझ ५ बजे त्रिपुरेश्वरस्थित दशरथ रंगशालमा हुँदैछ ।
पहिलो मैत्रीपूर्ण खेलमा २–१ जित हात पारेको घरेलु टोली नेपाल आज पनि सोहि नजितालाई दोहो¥याउने प्रयासमा हुनेछ । बंगलादेश पनि पहिलो खेलमा बेहोरेको हारको बदला लिने दाउमा छ ।
इतिहसालाई हेर्ने हो भने नेपाल बंगलादेशमाथि हाबी हुँदै आएको छ । यी दुई टोली हालसम्म ७ खेलमा आमने सामने भएका छन् । जसमा नेपाल ६ खेलमा विजयी हँदा १ खेल बराबरीमा सकिएको छ ।
दुवै टोलीले एएफसी महिला एसियन कप छनोटको तयारीस्वरुप मैत्रीपूर्ण खेल खेलिरहेका हुन् । छनोटमा नेपाल हङकङ र फिलिपिन्ससँगै समूह ‘एफ’ मा रहँदा बंगलादेश रहेको समूह ‘जी’ मा जोर्डन र इरान छन् ।