सबैलाई आफू राम्रो हुन मन पर्छ । तर वातावरण, मेकअपको अज्ञानता लगायतका विविध कारणले मानिसले सुन्दरतामा समय दिन पाउँदैनन् । कतिपयले समय दिएपनि सोचे अनुरुप सुन्दरता पाउन सक्दैनन् । यस्तोमा घामले छाला डढ्दा देखिने समस्या पनि एक हो ।
गर्मी मौसममा घुमघाम, स्वीमिङ पुल, पिकनिक र अन्य बाह्य गतिबिधिमा मानिस बढि जान्छन् । तर, योसँगै घाममा डढ्ने समस्या पनि आउँछ । यस्तोमा मानिसको सुन्दर, गोरो र चम्किलो अनुहार बनाउने रहर घामले डढेर कालो भएको छालाका कारण समस्या बनिदिन्छ । तर यसरी घामले डढेको छाला घरेलु सामानको प्रयोग गरे पहिलाको जस्तै गोरो र चम्किलो बनाउन सकिन्छ ।
आवश्यक साम्रग्री
– सानो कचौरा
– एउटा ब्रस
– दही
– बेसन
– टमाटर
– मह
एउटा कचौंरामा दुई चम्चा दही, एक चम्चा बेसन, आधा काटेको टमाटर र एक चम्चा मह मिसाएर राम्रोसंग घोल्ने । त्यहाँ बेसनको साना साना दानाहरु बन्न सक्छ ति मिहिन हुने गरी घोलिसकेपछि त्यसलाई अनुहार, घाँटी र गर्धनमा राम्रोसंग लगाउने । यो लेपलाई १५ देखी २० मिनेटसम्म राख्ने त्यसपछि मनतातो पानीले पखाल्ने । यो प्रकिया एक हप्तासम्म दोहोर्याउने । यसले तपाईको छालालाई सुन्दर र गोरो बनाउँछ ।