गोला प्रथाबाट पेसी तोक्ने नियमावली पास गर्न ‘फुलकोर्ट’ बैठक

धनगढी खबर    

गोला प्रथाबाट पेसी तोक्ने नियमावली पास गर्न ‘फुलकोर्ट’ बैठक

 

गोलाप्रथाबाट पेसी तोक्ने बारेको कार्यविधि र नियमावली पारित गर्न ‘फुल कोर्ट’ बैठक भोलि बस्दै छ । फुल कोर्टमा सर्वोच्च अदालतका सबै न्यायाधीशहरू हुन्छन् ।

बैठकमा नेपाल बार एसोसिएनको प्रतिनिधि पनि सहभागी हुने भएका छन् । प्रधानन्यायाधीश चोलेन्द्र शम्शेर जबराले बारका प्रतिनिधिलाई फुल कोर्ट बैठकमा सहभागी गराउने भएका हुन् ।

बैठकमा प्रधानन्यायाधीशसँग सम्बन्धित विवादबारे पनि छलफल हुने भएको बारका महासचिव लीलामणि पौडेलले बताए । आज पनि त्यसबारे बारका प्रतिनिधिले जबरासँग छलफल गरेको पौडेलको भनाइ छ । सो क्रममा जबरा गोलाप्रथाबाट मुद्दाको पेसी तोक्न राजी भएका थिए । 

जसअनुसार नमुनाको रूपमा पर्सिदेखि गोलाप्रथाबाट सर्वोच्च अदालतमा मुद्दाको पेसी तोकिने भएको छ । मंसिरदेखि भने उच्च र जिल्ला अदालतबाट पनि गोलाप्रथाबाटै पेसी तोकिने भएको छ । 

न्याय क्षेत्रमा चर्चित रहेको ‘बेन्च सपिङ’ गोलाप्रथा वा अटोमेसन प्रणालीबाट पेसी तोकिए न्यूनीकरण हुने न्यायाधीश हरिकृष्ण कार्की नेतृत्वको समितिले बुझाएको प्रतिवेदनमा उल्लेख छ । 



आइतबार ०७, कार्तिक २०७८ ०५:४६ मा प्रकाशित

#सर्वोच्च अदालत

आगामी निर्वाचनमा कुन पार्टीले जितोस चाहानुहुन्छ?

Loading...

प्रतिकृया दिनुहोस