दार्चुला । दार्चुलामा राति साढे ८ बजेपछि देउसी भैलो खेल्न नपाइने भएको छ। शान्ति सुरक्षालाई मध्यनजर गर्दै तिहार पर्वको अवसरमा खेलिने देउसी भैलो राति साढे ८ बजेपछि नखेल्न जिल्ला प्रहरी कार्यालय दार्चुलाले आग्रह गरेको हो।
जिल्ला प्रहरी कार्यालय दार्चुलाका प्रमुख डिएसपी मनोहर प्रसाद भट्टका अनुसार बेलुकी ५ बजेदेखि राति साढे ८ बजेसम्म मात्रै देउसी भैलो खेल्न पाइने छ। यस्तै तिहारमा आतिशबाजी, पटका, भुइँचम्पाजस्ता प्रज्वलनशील पदार्थको उत्पादन, बिक्रीवितरण तथा प्रयोग नगर्न आग्रह गरिएको र यदि कसैले पटाका ओसारपोसार, विक्रीवितरण तथा पड्काएको भेटिए सार्वजनिक मुद्दासम्म चलाउने जनाइएको छ।