विश्वभर थप ४ लाख २८ हजार ३८० जनामा कोरोना संक्रमण पुष्टि भएको छ ।
यही अवधिमा ३ लाख ६० हजार ७४२ जना संक्रमणमुक्त भएका छन् भने ५ हजार २८८ जना संक्रमितको मृत्यु भएको छ।
ओल्डोमिटरको तथ्यांकअनुसार अमेरिकामा ६० हजार २१०, बेलायतमा ४४ हजार ९१७, रुसमा ३५ हजार ६८१, टर्कीमा २४ हजार ८५६ र ब्राजिलमा २ हजार ५९४ जनामा संक्रमण पुष्टि भएको हो ।
यसैगरी कोरोनामुक्त हुनेमा अमेरिकामा ८५ हजार ७२, टर्कीमा २८ हजार ९३५, रुसमा २८ हजार ७१३, ब्राजिलमा ८ हजार ३२५ जना छन् ।
मृत्यु हुनेमा रुसमा एक हजार २४१, अमेरिकामा ३४९, टर्कीमा १९३, ब्राजिलमा १२० र बेलायतमा ४५ जना छन् ।
यसअघि सोमबार ३ लाख ८५ हजार ३१ जना संक्रमित थपिएका थिए भने ४ हजार १०६ जना संक्रमितको मृत्यु भएको थियो ।
यससँगै विश्वभर कुल संक्रमितको संख्या २५ करोड ८३ लाख ३७ हजार ५१ पुगेको छ । तीमध्ये २३ करोड ३७ लाख ६० हजार १०६ जना निको भइसकेका छन् भने ५१ लाख ७३ हजार ८८५ जना संक्रमितको मृत्यु भएको छ ।