धनगढी । कैलालीको भजनी नगरपालिका ३ बाट बिहीबार प्रहरीले लागूऔषधसहित तीन जनालाई पक्राउ गरेको छ । पक्राउ पर्नेमा कैलाली बर्दगोरीया गाउँपालिका १ बस्ने १८ वर्षीय साहील ठाकुर र सुर्खेत चौकुने गाउँपालिका ४ विजौरा बस्ने १८ वर्षीय रमेश बुढाक्षेत्री छन् ।
उनीहरूका साथबाट सशस्त्र प्रहरीले ३ ग्राम ब्राउन सुगर र ४ वटा नाईट्रोभेट ट्याब्लेट फेला पारेको छ । लु ८१ प ५००३ नम्बरको मोटरसाइकलमा भारतबाट नेपालतर्फ आउँदै गरेका उनीहरूलाई सशस्त्र प्रहरी बल नेपाल बोर्डर आउट पोष्ट कुसुमघाटबाट खटिएको सशस्त्र प्रहरीले चेकजाँच गर्दा उनीहरुको साथमा उक्त लागूऔषध फेला पारेको हो ।
उनीहरू सवार मोटरसाइकलसमेत प्रहरीले बरामद गरेको छ । पक्राउ परेका दुवै जनालाई बरामद लागूऔषध तथा मोटरसाइकलसहित आवश्यक कारबाहीका लागि नेपाल प्रहरीलाई बुझाइएको छ ।