ट्रकले मोटरसाइकललाई ठक्कर दिँदा एक जनाको मृत्यु

फरार ट्रक चालकको खोजी कार्य जारी

धनगढी खबर    

ट्रकले मोटरसाइकललाई ठक्कर दिँदा एक जनाको मृत्यु
फाइल तस्विर

कैलालीमा ट्रकले मोटरसाइकललाई ठक्कर दिँदा एक जनाको मृत्यु भएको छ। घोडाघोडी नगरपालिका वडा नम्बर ५ डोकेबजारमा पश्चिमबाट पुर्व तर्फ गइरहेको सु प प्र ०१ ००८ प ५४७५ नम्बरको मोटरसाइकललाई विपरीत दिशाबाट आइरहेको लु १ ख ४६६६ नम्बरको ट्रकले ठक्कर दिँदा एक जनाको मृत्यु भएको हो।

मृत्यु हुनेमा मोटरसाइकल चालक कञ्चनपुरको बेलौरीका ५० वर्षीय बसन्तराज शर्मा रहेको छन्। उनी ट्रकको ठक्कर पछि घाइते भएको र उनको घोडाघोडी अस्पतालमा उपचारका क्रममा मृत्यु भएको प्रदेश ट्राफिक प्रहरी कार्यालय अत्तरियाले जनाएको छ। ट्रक चालक फरार रहेको र खोजी कार्य भइरहेको प्रहरीले बताएको छ।



आइतबार १२, मङि्सर २०७८ ०८:३९ मा प्रकाशित

Loading...

प्रतिकृया दिनुहोस