सुदूरपश्चिम प्रदेश मन्त्री परिषदको बैठकले सुदूरपश्चिम प्रदेश स्वरोजगार विकास कोष सम्बन्धमा ब्यवस्था गर्न बनेको विधेयक २०७५ लाई स्वीकृति प्रदान गरेको छ ।
मन्त्रीपरिषदको शुक्रबारको बैठकले आर्थिक मामिला तथा योजना मन्त्रालयले तयार गरेको विधेयकलाई प्रदेश सभामा पेश गर्ने गरी स्वीकृति प्रदान गरेको मुख्यमन्त्री त्रिलोचन भट्टका प्रमुख स्वकीय सचिव शिब ओलीले जानकारी दिनुभयो ।
प्रदेश सरकारले चालू आर्थिक बर्षको बजेटमा स्वरोजगार विकास कोष बनाउँदै युवाहरुलाई स्वरोजगार बनन प्रेरित गर्ने कार्यक्रम शुरु गर्ने घोषणा गरेको थियो । यस्तै मन्त्रीपरिषदको शुक्रबारकाके बैठकले मुख्यन्त्री अन्तर प्रदेश कप खेलकूद प्रतियोगिता ब्यवस्थापन निर्देशिका २०७५ पनि पारित गरेको छ ।
मुख्यमन्त्री कप अन्तर प्रदेश खेलकूद प्रतियोगिता आगामी चैत ३, ४ र ५ गते प्रदेशको राजधानी धनगढीमा आयोजना हुँदैछ । यस प्रतियोगितालाई ब्यवस्थापन गर्न निर्देशिका पारित गरिएको हो ।
प्रतियोगितामा ७ वटै प्रदेशका खेलाडी सहभागी हुने र अतिथिको रुपमा सबै प्रदेशका मुखयमन्त्रीहरुकको उपस्थित रहने मुख्यमन्त्री तथा मन्त्रीपरिषदको कार्यालयले जानकारी दिएको छ ।