आफ्नै व्यवहारका कारण अदाम जेनलाई युनाइटेड एयरलान्इन्सको उडानबाट निकालिएको छ । उनले महिलाको पेन्टीलाई फेस मास्कको रुपमा लगाएका कारण विमानबाट निकालिएको हो ।विमानभित्रका अर्का यात्रुले उनको फुटेज खिचेर अनलाईनमा व्यापक सेयर गरेका थिए ।
उक्त फुटेजमा देखिए अनुसार अदाम जेनेले गुलाबी थोङ्ग (एक प्रकारको पेन्टी) लाई मास्क झैँ नाक र मुख छोपिने गरी लगाएको देख्न सकिन्थ्यो । विमान फोर्ट लाउडरडालेबाट वासिङटनका लागि उडान भर्ने तयारीमा थियो ।विमानभित्रका एक कर्मचारीले भने,‘तपाईँलाई विमानबाट निकालिँदैछ ।
हामी तपाईँलाई यात्रा गर्न अनुमति दिदैनौँ ।’फ्लोरिडाका जेनेले पनि भनेको सुन्न सकिन्छ, ‘किन ?’ ? जवाफमा कर्मचारीले मास्कको उचित प्रयोग बारे जानकारी दिए ।
३८ वर्षका ती व्यक्तिलाई विमानबाट निकालिएपछि विमानभित्रका अन्य यात्रीले यसको समर्थन गरे । ती व्यक्तिको व्यहार देखेर धेरैजना बाहिरिनका लागि आफ्नो सिटबाट उठिसकेका थिए ।
उक्त घटनापछि जेनले एउटा भिडियो पनि खिचेका छन् जसमा उनले विमानभित्र मास्कलाई अनिवार्य गरिएको नियमको विरोधमा आफूले यस्तो मूखर्तापूर्ण व्यवहार गरेको स्पष्टिकरण दिएका छन् ।
युनाइटेड एयरलाइन्सको वेबसाइटका अनुसार विमानभित्र यात्रुले नाक र मुख दुबै छोपिने गरी मास्क लगाउनुपर्छ । जेनले यो शर्त पेन्टीले पूरा गरिदिएको बताए ।
उनका अनुसार उनलाई युनाइटेड एयरलाइन्सको विमानमा प्रतिबन्ध गरिएको र यस्तै व्यवहार गरेका कारण डेल्टा एयरलाइन्सबाट पनि निकालिएको बताए ।