तिमीबाट सिकोस सारा मान्छे मनाउनु पर्छ।
कसलाई कसरी झुकाउनु पर्छ उठाउनु पर्छ।
सायद यी नदीहरू ले पनि तिमीबाटै सिके
मान्छे कहाँ उतार्नु पर्छ, कहाँ डुबाउनु पर्छ।
कसले सिकायो तिमीलाई र जान्दा रहेछौ,
तोड्न पनि कमजोर ठाउँमा मर्काउनु पर्छ।
त्यो पनि तिम्रो पेशामा दक्षता हुन्छ जसरी
सपेरो नै जान्दछ सर्प कसरी नचाउनु पर्छ।
दर्ज छ हिसाब सबैका घातक प्रहारहरूको
भुल्ने छैन ऊ कसैलाई कसरी सताउनु पर्छ।
२०७८/१०/०२ महेन्द्रनगर