कञ्चनपुरको भीमदत्त नगरपालिका–८ तिलाचौरमा रहेको धार्मिक पर्यटकीय क्षेत्र भम्केनीधाममा ७५ फिट अग्लो नेपाल आमाको मूर्ति निर्माण कार्य शुरु भएको छ । भ्याली कन्स्ट्रक्सन प्रालिले १० करोड ८१ लाखमा मूर्ति निर्माणको ठेक्का पाएको हो ।
महाकाली शारदापीठका जगतगुरु बालसन्त मोहनशरण देवाचार्यले मेचीकाली भ्रमण गरी मूर्ति निर्माणका लागि सुन, चाँदी, पित्तल, तामालगायतका धातु संकलनलन गरेका थिए । भ्रमणका क्रममा उनले एक करोड ८४ लाख ७२ हजार रकम संकल गरेका थिए ।
भीमदत्त नगरपालिकाकाले मूर्ति निर्माणका लागि एक करोड उपलब्ध गराउने घोषणा गरेको छ । मूर्ति निर्माणका लागि २२ देखि ३० टनसम्म धातुको प्रयोग हुने बताइएको छ ।
तीन वर्षभित्र निर्माण हुने मूर्ति निर्माणका लागि १२ हजार मजदूर आवश्यक पर्ने निर्माण कम्पनीले जनाएको छ। अष्टधातुको नेपाल आमाको ७५ फिट लामो मूर्ति बनेपछि नयाँ पर्यटकीय गन्तव्य स्थल बन्ने र यस क्षेत्रको महिमा बढ्ने जगतगुरुले बताए। तीन रोपनी क्षेत्रको जग्गामा मूर्ति राखिने छ।