नेकपा माओवादी केन्द्रनिकट अखिल क्रान्तिकारीका अध्यक्ष पञ्चा सिंहसहित नेता कार्यकर्ता घाइते भएका छन् ।
अमेरिकी सहायता परियोजना एमसीसी सम्झौताविरुद्ध प्रदर्शनका क्रममा बानेश्वर क्षेत्रमा प्रहरीसँग झडपका क्रममा अध्यक्ष सिंहसहित एक दर्जन नेता कार्यकर्ता घाइते भएको अखिल क्रान्तिकारी केन्द्रीय कार्यालयले जनाएको छ ।
घाइते हुनेमा केशव रावल, समीर लुइँटेल, क्षितिज सापकोटा, विमल पौडेल, पुरुषोत्तम यादवलगायत एक दर्जनभन्दा बढी नेता कार्यकर्ता छन् । उनीहरुको विभिन्न अस्पतालमा उपचार भइरहेको छ ।
त्यसैगरी प्रहरीले दर्जन बढी वाईसीएल र अखिलका कार्यकर्तालाई नियन्त्रणमा लिएको छ ।