प्रधानमन्त्री एवम् नेपाली कांग्रेसका सभापति शेरबहादुर देउवाले संसद्मा टेबल भएको एमसीसी जसरी पनि पास हुने बताएका छन्।
संसद भवनबाट बाहिरिने क्रममा प्रधानमन्त्री देउवाले विभिन्न व्यवधानका बाबजुद संसदमा टेबल भएको एमसीसी अर्को बैठकमा जसरी पनि पास हुने दावी गरेका हुन्।
'गठबन्धनभित्रैको किचलोलाई व्यवस्थापन नगरेरै एमसीसी टेबल गर्नुभयो? अब के हुन्छ?' भन्ने पत्रकारहरुको प्रश्नमा प्रधानमन्त्री देउवाले भने, 'अब के हुनु नि! अर्को बैठकमा पास हुन्छ।'
सभामुख अग्निप्रसाद सापकोटाले अर्को बैठक फागुन १२ गते बिहीबारसम्मका लागि प्रतिनिधि सभा बैठक स्थगित गरेका छन्।