पछिल्लो २४ घन्टामा थप २३ जनामा कोरोना संक्रमण पुष्टि भएको छ। पाँच हजार दुई सय २२ जनाको नमुना परीक्षण गर्दा २३ जनामा संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार तीन हजार सात सय ८० जनामा पिसिआर परीक्षण गर्दा १५ जना र एक हजार चार सय ४२ जनामा एन्टिजेन परीक्षण गर्दा आठजनामा संक्रमण पुष्टि भएको हो।
सोही अवधिमा कोरोना संक्रमणका कारण मृत्यु हुनेको संख्या शून्य रहेको छ भने दुई सय १५ जना संक्रमित निको भएका छन्। हाल देशभर सक्रिय संक्रमितको संख्या एक हजार पाँच सय ५८ रहेको छ।