घरेलु टोली नेपालले जिम्बावे ‘ए’ विरुद्धको तेस्रो तथा अन्तिम टी२० खेलमा टस जितेर पहिला फिल्डङ गर्ने भएको छ ।
कीर्तिपुरस्थित त्रिवि क्रिकेट मैदानमा नेपालका कप्तान सन्दीप लामिछानेले टस जितेर पहिला फिल्डिङ गर्ने निर्णय लिएका हुन्।
पहिलो खेलमा ६ विकेटले पराजित नेपाललाई सिरिज बराबरी गर्न बुधबारको खेल जित्नै पर्ने दबाब छ । यता, जिम्बावे पनि बुधबार नेपाललाई हराउँदै सिरिजमाथि कब्जा जमाउन चाहन्छ।
नेपाल र जिम्बावेबीचको दोस्रो खेल भने वर्षाका कारण रद्द भएको थियो। नेपालले बुधबार दोस्रो खेलको टोलीलाई नै निरन्तरता दिएको छ।
नेपालको प्लेइङ—११ :
सन्दीप लामिछाने (कप्तान), कुशल भुर्तेल, आसिफ शेख (विकेटकिपर), करण केसी, रोहितकुमार पौडेल, दीपेन्द्रसिंह ऐरी, भीम सार्की, सोमपाल कामी, आदिल अन्सारी, अविनाश बोहरा र बसिर अहमद।