धनगढी । सुदूरपश्चिम प्रदेशको अस्थायी मुकाम समेत रहेको धनगढी उप-महानगरपालिका वडा नं. ३ मा नेकपा एकका तर्फबाट अध्यक्ष पदका उम्मेदवार ओमविक्रम चन्दले चुनावी प्रतिबद्धता पत्र सार्वजनिक गरेका छन् । चन्दले जनता माझ विभिन्न १९ शीर्षकमा प्रतिबद्धता जनाउँदै विजयी भए पाँच वर्षमा उल्लेखित सबैका गर्ने प्रतिबद्धता जनाएका हुन् ।
चन्दले जनतामाझ गरेका १९ शीर्षक सहितको प्रतिबद्धता पत्र जस्ताको त्यस्तै:
नेपाल कम्युनिष्ट पार्टी (एकिकृत समाजबादी) धनगढी उप-महानगरपालिका वडा नं. ३ स्थानिय तह निर्वाचन, २०७९ चुनाव चिन्ह कलम लम चिन्ह लिएर आदरणीय वडा नं. ३ बासी आमाबुवा, दिदीबहिनी, दाजुभाईहरू, यहि २०७९ वैशाख ३० गते सम्पन्न हुन गैरहेको स्थानिय तहको निर्वाचनमा नेपाल कम्युनिष्ट पार्टी (एकिकृत समाजबादी) को तर्फबाट वडा अध्यक्ष, महिला सदस्य, दलित महिला सदस्य र सदस्य पदका उम्मेदवारहरुलाई कलम चिन्हमा मदतान गरि बिजय गराईदिन हुन हार्दिक अनुरोध गर्दछौं।
हाम्रा प्रतिबद्धताहरू :
१. योजना निर्माण:
वडाको अवस्था र आवश्यक्ताको पहिचान गरी पंच वर्षीय योजना निर्माण गरि कार्यान्वयन गरीनेछ ।२. पाँच बर्ष भित्र वडालाई लागूऔषध मुक्त वडाको रुपमा स्थापित गरिनेछ ।
३. छाडा पशु चौपायको उचित व्यवस्थापन गरिनेछ । बडा भित्र रहेको गौशालालाई व्यवस्थित र उत्पादनमूलक बनाउन हरेक बर्ष बजेट बिनियोजन गरिनेछ ।
४. जनताको अधिकारः निःशुल्क स्वास्थ्योपचार:
+ वडाको बजेट बिनियोजन गर्दा स्वास्थ्य उपचारलाई एक नम्बरमा राखिने छ ।+ स्वास्थ्य केन्द्रमा प्रयाप्त औषधि, उपकरण र जनशक्तिको व्यवस्था गरि वडा बासीलाई गुणस्तरीय स्वास्थ्य सेवा प्रदान गरिनेछ । आकस्मिक स्वास्थ्य सेवाका लागि वडामा एम्बुलेन्स सेवाको व्यवस्था गरिनेछ ।
+ स्वास्थ्य बिमा कार्यक्रमलाई प्रभावकारी रुपमा कार्यान्वयनमा ल्याइनेछ । ५. शिक्षामा सुधार प्रगतिको आधार:
+ सामुदायिक वा सरकारी बिद्यालयको शैक्षिक गुणस्तर सुधार गरिनेछ, सामुदायिक विद्यालयलाई बिद्यार्थी र अभिभावकका लागि आर्कषणयुक्त बनाइनेछ।
+ गरिव तथा जेहेन्दार बिद्यार्थीहरुका लागि छात्रवृतिको ब्यबस्था गरिनेछ ।
+ कृषि, स्वास्थ्य, प्रबिधिमा उच्च शिक्षा हासिल गर्न गरिव तथा जेहेन्दार बिद्यार्थीहरुका लागि छात्रवृति र सहयोगको ब्यवस्था गरिनेछ ।
६. स्वच्छ खानेपानी
+ “एक घर एक धारा, पुर्ण सरसफाई हाम्रो अभिभारा" भन्ने नाराका साथ खानेपानि र सरसफाई जस्तो जनताको आधारभूत आवश्यक्तालाई पुरा गरिनेछ ।
+ बिपन्न समुदायमा निःशुल्क खानेपनी ब्यवस्थाका लागि पहल गरिनेछ।७. उद्यमशिलता विकासका लागि विशेष योजना
+ बजारको माग अनुसारका दक्ष जनशक्ति उत्पादनका लागि विशेष योजना बनाई बिभिन्न सिपमूलक तालिमहरु संचालन गरि स्वारोजगारी सिर्जना गरिनेछ । तालिममा यूवा तथा बिपन्न बर्गलाई प्राथमिकता दिइनेछ ।
८. खेलकुद, सम्मान र पुरस्कारको व्यवस्था
+ युवाहरुको शारिरिक र मानसिक विकासका लागि खेलकुदका विभिन्न प्रतियोगिताहरु आयोजना गरिनेछ ।
+ वडा भित्रको सार्वजनिक स्थानमा साना खेल मैदानहरुको निर्माण र संरक्षण गरिनेछ ।
+ फाप्ला क्रिकेट मैदानको यथासक्य चाडो निर्माणका लागि आवश्यक पहल गरिनेछ।
+ वडामा स्थायी बसोबास भएका खेलाडीहरु मध्ये राष्ट्रिय र अन्तराष्ट्रिय प्रतियोगितमा पदक प्राप्त गर्ने खेलाडीहरुलाई निश्चित रकम पुरस्कार सहित कदर पत्र प्रदान गरिनेछ ।
९. पार्क र सडकहरूमा फलफुलका बिरुवा
+ वडा भित्र उपलब्ध सार्वजनिक स्थानमा पार्क (बगैचा) निर्माण गरिनेछ ।+ वडा भित्रका सडकहरुको दाया बाया समुदायको सहभागितामा फल फुलका बिरुवा रोपी सौन्दर्य बढाउने र तिनको संरक्षण गर्ने।
१०. पुस्तकालयः
पठन पाठनको संस्कृति विकास गर्न समुदायको सहभागितामा सुबिधा सम्पन्न पुस्तकालयको स्थापना गर्न योजना निर्माण गरि कार्यान्वयन गरिनेछ ।
११. बालबालिकाहरूका लागि विशेष कार्यक्रम
+ हरेक टोलमा बाल स्याहार केन्द्रको स्थापना गरिनेछ । यसबाट काममा जाने श्रमिक वर्गलाई विशेष मद्दत पुग्नेछ ।
+ अभिभावक गुमाएका बालबालिकाको भरणपोषण, संरक्षण र अध्ययनमा सहयोग पुयाउन बाल संरक्षण कोष स्थापना गरिनेछ ।
+ वडालाई बाल श्रममुक्त बनाउन विशेष जोड दिइनेछ।
+ बाल उद्यान निर्माणका लागि ब्यवस्थित योजना निर्माण गरिनेछ ।
१२. ज्येष्ठ नागरिको सम्मान समुदायको ज्ञान
+ जेष्ठ नागरिक हाम्रो समाजका सम्मानित नागरिक हुन। बिभिन्न दिवस तथा पर्बहरुमा जेष्ठ नागरिकहरुलाई सम्मान गरिनेछ ।
+ जेष्ठ नागरिकहरुलाई विभिन्न धार्मिक, पर्यटकिय र मनोरम स्थानहरुको भ्रमणका लागि प्रत्येक वर्ष जेष्ठ नागरिक देशदर्शन कार्यक्रम संचालन गरिनेछ ।
१३. महिलाको हित घरपरिवार सुरक्षित
+ महिला माथिको बिभेद र अपमान तथा महिला हिंसा अन्त गर्न र महिलालाई समान अधिकार, सम्मान र अवसरमा प्राथमिकता दिइनेछ ।
+ समाजिक कलङ्कका रुपमा रहेका बोक्सी, छाउपडी लगाएतका कुप्रथाहरुको सामूल नष्ट गर्न सचेतनामूलक कार्यक्रम संचालन गरिनेछ ।
+ महिला अधिकार संरक्षण समिति गठन गरि उनिहरुको अगुवाईमा सशक्तिकरण कार्यक्रम संचालन गरिनेछ ।
+ महिलाहरुको आर्थिक सशक्तिरणका लागि आवश्यक्ताका आधारमा विभिन्न सिपमूलक तालिमहरु संचालन गरिनेछ ।
१४. इन्टरनेट नपुगेको समुदाय र बस्तीमा निःशुल्क इन्टरनेटको व्यवस्था गरिनेछ ।
१५. भूमिहीन सुकुम्बासी र अव्यवस्थित बसोबास
+ भूमिहिन सुकुम्बासी र अव्यवस्थित बसोबासीको समस्या समाधानका लागि सम्बन्धित निकायमा आवश्यक पहल र पैरवि गरिनेछ ।
१६. बिपद व्यवस्थापन:
+ वडाको संकटासन्नता तथा क्षमता विश्लेषण गरि बिपद् पूर्वतयारी तथा प्रतिकार्यको योजना बनाई कार्यान्वयन गरिनेछ ।
+ मोहना नदिमा ब्यवस्थित तटबन्ध निर्माणका लागि माथिल्लो तहका सरकारहरुसंग पैरवि गर्ने ।
+ डुवानको समस्या समाधान गर्न वडा भित्रका सबै सडकमा व्यवस्थित नालाको निर्माण र ढलको व्यवस्थापन गरिनेछ ।
१७. आधुनिक प्रविधिको प्रयोग :
+ वडा सरकारका सम्पूर्ण कार्यलाई प्रविधि मैत्री बनाइनेछ ।
+ वडाले प्रदान गर्ने बिभिन्न सेवाका लागि आवश्य निबेदनका लागि बडा एपको बिकास गरि प्रयोगमा ल्याइनेछ ।
+ वडा बाट गरिने ठेका पट्टाका कार्यहरुलाई ईबिडिङबाट टैन्डर भर्ने व्यवस्था गरिनेछ ।
१८. वडा भित्र रहेका विभिन्न धार्मीक स्थलहरुलाई पर्यटकीय क्षेत्रका रुपमा विकास गर्न गुरु योजना निर्माण गरि कार्यान्वयनमा ल्याइनेछ ।१९. वडा भित्रका मुख्य मुख्य चोकमा सोलार बत्तीको व्यवस्था गरिनेछ ।