बझाङ । बझाङ जिल्लामा ९ दिनदेखि टेलिफोन सेवा अवरुद्ध हुँदा निर्वाचनसँग सम्बन्धित सूचना आदानप्रदानमा समस्या भएको छ ।
नेपाल टेलिकम बझाङका कार्यालय प्राविधिक कैलाश यादवका अनुसार श्रीभावरमा हावाहुरीका कारण टावरको रेडियो लिङ्कमा समस्या भएपछि टेलिफोन सेवा अवरुद्ध भएको हो ।
निर्वाचनको समयमा टेलिफोनमा अवरुद्ध हुँदा सूचना आदानप्रदान गर्न समस्या भएको जिल्ला निर्वाचन कार्यालय बझाङका कम्प्युटर अपरेटर प्रेम बहादुर बोहराले जानकारी दिए ।
यस्तै चुनावको मुखमा आपसी सञ्चार र समन्वय गर्न कठिन भएको स्थानीय नेता, कार्यकर्ताको भनाइ छ ।बिरामी भएका व्यक्तिलाई अस्पताल ल्याउन पनि सञ्चार समस्याले एम्बुलेन्स तत्काल पठाउन नसकिने भएको छ ।