नेकपा एमालेका सांसद शेरबहादुर तामाङले गाँजा खेतीलाई नियमन तथा व्यवस्थापन गर्न बनेको विधेयक प्रतिनिधिसभामा ल्याउन सभामुखलाई आग्रह गरेका छन्।
संसदमा बोल्दै सांसद तामाङले गाँजासम्बन्धी विधेयक तत्काल छलफलमा ल्याउन माग गरेका हुन्। उनले भने, ‘हामीसँग भएको सम्भावनाको खोजी किन नगर्नेरु एउटा समृद्धशाली राष्ट्र बनाऔं त कसले हेप्छरु सभामुख महोदय, गाँजा खेतीलाई नियमन तथा व्यवस्थापन गर्न बनेको विधेयक तत्काल छलफलमा ल्याउन नियमावलीको व्यवस्थाअनुसार अनुमतिको लागि हार्दिक अनुरोध गर्छु।’
अन्तर्राष्ट्रिय कानुनले नै गाँजा लागुऔषध होइन औषधीय गुण भएको वनस्पति मानेको उनले जिकिर गरे।
‘गाँजा खेतीलाई नियमन तथा व्यवस्थापन गर्न बनेको विधेयक दर्ता भएको पाँच दिनपछि नै विश्व स्वास्थ्य संगठनको सिफारिसमा संयुक्त राष्ट्रसंघले सबै आफ्ना सदस्य राष्ट्रहरुलाई योसम्बन्धी के हो भनेर प्रश्न पठाएको थियो। त्यसमा नेपालले पनि सकारात्मक जवाफ पठाएको छ। गाँजा लागुऔषध होइन औषधीय गुण भएको वनस्पति हो भनेर अन्तर्राष्ट्रिय सम्झौतामा पनि हस्ताक्षर गरेको छ,’ उनले भने।