धनगढी ।
अब कैलालीको त्रीनगर भन्सार , गौरीफन्टानाका भएर भारत जाने नेपाली यात्रुका हकमा यातायात सम्बद्ध ट्राभल एजेन्सीहरुले केहि नियमको पालना गर्नु पर्ने भएको छ ।
जिल्ला प्रहरी कार्यालय कैलालीले ट्राभल एजेन्सीहरुलाई भारत जाने नेपालीको हकमा निम्न कुरा गर्न नपाईने गरि चार बुदे लिखित सहमति गराएको हो । जसमा सिट क्षमता भन्दा बढी यात्रु राख्न नपाईने , महिला तथा जेष्ठ नागरिकलाई सुरक्षित गन्तव्यमा पुर्याउनु पर्ने , गाडी बिग्रेको अवस्था बाहेक अन्य कारणले गन्तव्यमा पुग्न ढिलाई गर्न नपाउने र तोकिएको भाडादर बाहेक अतिरिक्त शुल्क लिन नपाईने जस्ता कुराहरु उल्लेख गरिएका छन् ।
यही जेठ ३१ गते भारतको ब्याङ्ग्लोर हिंडेको गाडी ४ गते बिहान ५ बजे सम्म २ जना बिरामी सहित ६० जना यात्रु बिच बाटोमा अलपत्र परेका थिए ।
३ जना भारतीय ड्राइभर र एक जना खलासी मिलेर हाकी रहेको श्री त्रीवेणि बडिमालिका टुर एण्ड ट्राभल को एन एल -0१ -बि -२३३५ नम्बर को गाडी आन्द्रा र कर्नाट्कका को बिचमा रोकेर बसेको थियो ।
धनगढी र अत्तरीया लगायतका विभिन्न टुर एण्ड ट्राभल एजेन्सीहरु, श्री केदार,सुर्मासमैजी,खप्तडसैपाल ,रणसैनि र श्री लाटाकाफली टुर एण्ड ट्राभल बाट जेठ ३१ गते ब्याङ्ग्लोरका लागि उनीहरुले लागि टिकट लिएका थिए ।
यात्रु बाट टिकटको पैसा लिएर गाडी र ट्राभल एजेन्सीका एजेन्ट जगत मल्ल र महेन्द्र जोशी भारतीय ड्राइभर लाई पैसा नै नदिई फरार भएका थिए साथै उनीहरुले बसमा सवार महिला माथी दुर्ववहार समेत गरेका थिए ।
यात्रु बाट टिकट को पैसा लिएर गाडी मलिक र ट्राभल एजेन्सीले हामीलाई लाई पैसा नै दिएको छैन , अब यस अगाडि हामी गाडी चलाउदैनौ भन्दै ड्राइभरहरुले आन्द्रा र कर्नाट्कका को बिचमा रोकेर यात्रुहरुमाथि कुटपिट समेत गरेको यात्रुहरु ले दुखेसो पोखेपछि धनगढी खबरले यात्रुहरु को उद्दारका लागी जिल्ला प्रहरी कार्यालय मार्फत अनुसन्धान प्रक्रिया अगाडि बढाएको थियो
परिणाम स्वरुप ४ गते दिउँसो १ बजे तिर सम्पुर्ण यात्रुहरु आ आफ्नो गन्तव्यमा पुगेको यात्री अरुण मल्लले बताएका थिए ।
यसरी अब उप्रान्त यस किसिमका कार्य गरेको पाईएमा प्रचलित कानुन बमोजिमको सजाय भोग्न तयार रहेको प्रतिबद्धता समेत यातायात सम्बद्ध एजेन्सीहरु ले जनाएका छन् ।
जिल्ला प्रहरी कार्यालय कैलालीले उक्त गाडी मालिक र ट्राभल एजेन्सीका व्यक्तिहरु लाई छोडेको छ । साथै यसरी यात्रुहरु दुख दिने एजेन्टलाई समेत कानुनु दायरामा ल्याउने आदेश दिएको छ ।
साथै भारत जाने यात्रुहरुले यात्राका दौरान यसप्रकारका कष्ट भोग्नु परेमा जिल्ला प्रहरी कार्यालय कैलालीले उजुरी गर्न अनुरोध गरेको छ ।
धनगढी खबरको निरन्तरको खबरदारी संगै अब कैलालीको त्रीनगर भन्सार , गौरीफन्टानाका भएर भारत जाने नेपाली यात्रु हरुले बस यात्राका दौरान हुने हैरानी बाट राहत पाउने भएका छन् ।