इतिहासमै दार्चुलाले पहिलो पटक सुदूरपश्चिम प्रदेशस्तरिय कबड्डी प्रतियोगिता जितेको छ ।
यहि असार २४ र २५ गते धनगढीमा सम्पन्न प्रदेश स्तरीय राष्ट्रपति रनिङ शिल्ड प्रतियोगितामा कबड्डी खेलमा महिला टोलिले प्रथम स्थान हासिल गरेको हो । राष्ट्रपति रनिङ शिल्ड प्रतियोगिताअन्तर्गत क्षेत्रिय खेलकुद प्रतियोगितामा महिलातर्फ लक्ष्मी ठगुन्ना, गायन्त्री धामी, वर्षा बोहरा, आशा कामी र मनिषा भट्ट छनौट भई २८ असारमा राष्ट्रिय प्रतियोगितामा सहभागिता जनाउने छन् । यस्तै एथलेटिक्सतर्फ त्रिपल जम्पमा दुर्गा महरा प्रथम, करातेमा समीक्षा बुढाथोकीले द्वितीय स्थान हासिल गरेका छन् ।