चौधरी बुक डिपोका सञ्चालक(सञ्जयकुमार चौधरी)ले धनगढी मेनरोडसँगै जोडिएको आफ्नो बुक डिपोको घर देखाउँदै ‘आफ्नो घर, संरचना गएपनि तोड्न तयार छु’ भन्दै भिडियोमा बोल्नुभएको छ । उहाँले देखाउँनुभएको घर उहाँको नभई स्व.हरीनारायण श्रेष्ठको हो । त्यो अहिले उनको छोराहरुको नाममा छ । नगरपालिकाले १५–१५ बाटो छोड्नुभन्दा उहाँहरुको पूरै घर जान्छ ।
पसलको संरचना सबैले भत्काउँने हुन्, उहाँले मात्रै होइन तर मिडियामा प्रचार गरिएजस्तो घर घर चाहिँ उहाँको हाईन र उहाँले तोड्नुपर्दैन् । यसले एउटा गलत सन्देश दिएको छ ।
नगरपालिकाले भनेजस्तो सडकको बीचबाट १५–१५ मिटर दायाँबाट छोड्दा चौधरी बुक डिपाछेउकै डा.शुसिल भण्डारीको घर पनि ३ देखि ४ फिटबाहेक पूरै जान्छ । सिद्धार्थ अपसेट अगाडी पट्टीको घरपनि पूरै जान्छ । पूरानो दुगड निवासदेखि सिटी पोलीक्लिनिक हुँदै कैलाली अस्पतालसम्मका घरहरु १० देखि १२ फिट मात्रै बाँकी रहन्छन् । दूरसञ्चारको अगाडि पट्टीको १२ वटा सटर भएको घरमा पनि १० फिटजति बाँकी रहँला बाँकी जान्छ । दूरसञ्चारकै पश्चिम साइडका घरहरुमा पनि क्षति पुग्छ ।
अर्को कुरो नगरपालिकाले १५ मिटरबाहेक थप ६ मिटर छोड्नुपर्ने भनेको छ । त्यो भनेको चाँही सोझै पछाडिको जग्गा धनीसँग उहाँहरुको सेटिङ हो कि भन्ने आशंका समेत उब्जाएको छ ।
यो दशैंको बेला बजार हटाउने भनेर जुन छापामार शैलीमा सुचना निकालिएको छ, यसले व्यापारीहरु आतंकित भएका छन् । व्यापारी समान लिन काठमाण्डौमा जाने कि नजाने दोधारमा छन् । भाटभटेनी आएपछि सुकेको धनगढीका व्यवसायीलाई यो सुचनाले आतंक फैलाएको छ ।
रामलाल श्रेष्ठ(प्रमुख प्रशासकीय अधिकृत, उपमहानगरपालिका)सरको हरेक सेटिङ पनि भाटभटेनीका संचालकसँग भईरहन्छ । त्यही भएर यिनले भाटभटेनीसँग मिलेर हामीलाई विस्थापित गर्ने मौका खोजेका हुन कि भन्ने व्यापारीलाई परेको छ ।
उपमहानगरपालिकाले १५ मिटरको बाटो रेखांकन कहाँबाट कसरी हुन्छ देखाउँन सकेका छैन । अब पुरानो बाटो हेर्ने हो भने अहिले मुल सडक जहाँ छ, त्यो भन्दा हल्का उत्तर तिर पर्छ । कैलाली नालामा अहिले जुन पुल भनेर देखिन्छ । त्यो पुलभन्दा उत्तरपट्टी पहिले काठको पुल थियो । नक्सामा अहिलेपनि बाटो छ । त्यहाँबाट रेखांकन गर्ने हो कि? त्यो १५ मिटरको लाइन उहाँहरुले कहाँबाट निकाल्नु हुन्छ? त्यसमा उहाँहरु क्लियस हुनुहन्न ।
केही अध्ययन नै नगरी एकै चोटी छापामार शैलीमा जो ३५ दिन भित्र खाली गर्न भन्ने सूचना आयो । त्यो कहिलेको निर्णयबाट भन्ने पनि आएन । सामान्य व्यक्ति फलानो ठाउँमा उपस्थित हुनु भन्ने ठाउँमा मेयर(गोपाल हमाल)को साइन भएको देख्छु । त्यहाँ रामलाल श्रेष्ठले मात्रै सुचना भए । श्रेष्ठ अलि बाठो भएर भाटभटेको ईसारामा यो विज्ञप्ति निकालेको होकी भन्ने व्यापरीहरुको आशंका हो ।
सिटी पोलिक्लिनिकवाला घर चाँही मेरो हो । १५ मिटर रोडले लगेपछि मेरो घर १० फिट मात्रै बाँकी रहन्छ । त्यसमा अझै ६ मिटर(सेडब्याक) छोड्नु भनेको छ । त्यो मेरो बुबाले दुख गरेर बनाएको घर हो । मेरो सबै भाईहरुले पढेको त्यही घरको भाडाबाट हो । त्यो घरमा हाम्रो भावनात्मक र पैत्रिक सम्बन्ध छ । त्यो पूरै घर विस्थापित हुने अवस्था आयो भने हामीले सम्पुर्ण सम्पत्ती लगाएर मुद्दा लाड्नुपर्ने स्थिति आउँछ । हामी घरधनी संरचना तोडन मन्जुर छौ, बाटोचौडा गर्नमा हाम्रो विमति हुन्न । तर १५ मिटर गर्दा पुरै विस्थापित हुने गरिदिन सकिदैँन । नत्र मद्दा हाल्दा जित्नेमा हामी ढुक्क छौं ।
कसैलाई विस्थापित गर्नेभन्दा पनि हामीले शहर व्यवस्थित गर्ने हो । कैलाली पुलदेखि पूर्व हेर्दा धेरैजसो जग्गा सरकारी छ । मैले दुई मिटर तोड्नुपर्ने अवस्था आयो भने सरकारीतिर ५ मिटर तोड्नुपर्छ । सरकारीतिर बढी तोडिएको ३ मिटरलाई पार्किस्थलङ बनाउँ । सडक बढाउँने विषयमा हामीपनि सकरात्मक छौं, हुनुपनि पर्छ । तर एककित्ता पछाडिको मान्छेलाई ल्याएर मिडियामा बोलाएर अझ चिढाउँने काम गरेभने त्यसले झन द्वन्द्व पैदा गर्छ ।