प्रदेश सभाको आजको बैठकमा भूमि ब्यवस्था, कृषि तथा सहकारी मन्त्री बिनिता चौधरीले शून्य समयमा उठेका प्रश्नहरुको जवाफ दिनुभएको छ ।
मन्त्री चौधरीले प्रदेश सभाको अध्यक्षता गरिरहनुभएकी उप सभाामुख निर्मला बडाल जोशीले शून्य समय र बिशेष समयमा सासंदहरुले उठाएका प्रश्नहरुको जवाफ दिन समय दिएपछि आफ्नो मन्त्रालयसित सम्बन्धित प्रश्न हरुकको जवाफ दिनुभएको हो ।
मन्त्री चौधरीले हिउँदे खेतीको समयमा जस्तो धानखेतीको बेला रसायनिक मल अभाव हुन नदिने गरी आफुले काम गरिरहेको बताउनुभयो । मलको आपुर्ति संघीय सरकारको कृषि मन्त्रालयबाट हुने भएकोले आफुले आपुर्तिका लागि पहल गरिरहेको उहाँले बताउनुभयो ।
उहाँले वीउ विजनमा पनि किसानहरुलाई अनुदान दिएको बताउनुभयो । कृषि अनुदानका लागि बिभिन्न कार्यविधिहरु आवश्यक परेको बिगतमा सहज रुपमा अनुदान नसकिए पनि कार्यविधि पारित भइसकेकोले अब सहज रुपमा उपलब्ध गराइने मन्त्री चौधरीले प्रदेश सभामा जानकारी दिनुभयो ।
मन्त्री चौधरीले कृषि सामग्री कम्पनी र साल्ट टे«डिङ कर्पोेरेसन लिमिटेड सित गरी यूरिया ४ य ९९ मेट्रिक टन, डिएपी २ सय २८ मेट्रिक टन र पोटास १ सय ३४ मेट्रिक टन माौज्दात रहेको जानकारी दिनुभयो ।
प्रदेश सभाको आजको बैठकमा भौतिक पूर्वाधार विकास मन्त्रालयले तयार गरेको सुदूरपश्चिम प्रदेश लोकमार्ग विधेयक प्रदेश सभामा टेबुल भएको छ । प्रदेश सभाको अर्को बैठकक भोली दिउँसो १ वजे बस्ने छ ।