निर्वाचन आयोगले प्रदेश तथा प्रतिनिधिसभा सदस्य निर्वाचनको समानुपातिकतर्फको बन्द सूची रहेकामध्ये नाम हटाइएका उम्मेदवारहरूको विवरण सार्वजनिक गरेको छ । विभिन्न पार्टीबाट बन्द सूचीमा नाम रहेकामध्ये सुदूरपश्चिमबाट २५ जनासहित ५५० जनाको नाम आयोगले हटाएको हो ।
उमेर नपुगेका, जरिवाना नतिरेका तथा सरकारी नियुक्ति लिएर बसेका लगायतको नाम बन्द सूचीबाट हटाइएको हो। आयोगका अनुसार प्रदेशसभातर्फ सुदूरपश्चिम प्रदेशबाट २५ जनाको नाम बन्द सूचीबाट हटेको छ ।
यस्तै प्रदेश १ मा ४५ जना, मधेस प्रदेशबाट ८४, बागमती प्रदेशबाट ७१, गण्डकी प्रदेशबाट २२, लुम्बिनी प्रदेशबाट ७८, कर्णाली प्रदेशबाट २२ र बन्द सूचीबाट हटेको छ । यसै गरी प्रतिनिधिसभातर्फ २०३ जनाको नाम बन्द सूचीबाट हटेको छ ।