धनुषा । धनुषामा ट्याक्टर र मोटरसाइकलमा ठोक्किँदा दुई जनाको मृत्यु भएको छ ।
जनकपुर–ढल्केबर सडकखण्ड अन्तर्गत लक्ष्मीनियामा गए राति भएको दुर्घटनामा मोटरसाइकलमा सवार लक्ष्मीनिया गाउँपालिका– ४ सपही का ४५ वर्षीय रामएकवाल ठाकुर र ६० वर्षीय सत्यनारायण साहको मृत्यु भएको प्रहरीले जनाएको छ ।
राति ९ बजेतिर ज १ त ५२४५ नम्बरको ट्याक्टरले ज १० प ६४२९ नम्बरको मोटरसाइकललाई ठक्कर दिएको थियो ।
दुवै शव पोस्टमार्टमका लागि जनकपुरस्थित प्रादेशिक अस्पतालमा राखिएको धनुषाका प्रहरी नायब उपरीक्षक वेदप्रसाद गौतमले जानकारी दिए ।