एजेन्सी । मुंगको दालमा भिटामिन ए, भिटामिन सी, काब्र्स, एन्टीअक्सीडेन्ट जस्ता कैयौं गुणहरु पाइन्छन् ।
छालामा चमक ल्याउन, सनबर्नलाई हटाउन तथा दागधब्बाबाट छुट्कारा पाउनका लागि मुंग दाल एकदमै फाइदाजनक हुन्छ । त्यस्तै सुन्तलाको बोक्रामा पनि भिटामिन सी, फाइबर तथा पोलिफेनोल्स पर्याप्त मात्रामा पाइन्छ ।
यसको प्रयोग पनि छालालाई स्वस्थ बनाउन र उमेर बढ्दै जाँदा छालामा देखिने समस्याबाट छुट्कारा पाउनका लागि उपयोगी हुन्छ ।
मुंग दाल तथा सुन्तलाको बोक्राबाट बनेको फेस प्याकको प्रयोगले छालालाई निम्न फाइदाहरु प्राप्त हुन्छन्–
दागधब्बाबाट छुट्कारा
दागधब्बा तथा पिग्मेन्टेशनको समस्याबाट छुट्कारा पाउनका लागि यो फेस प्याकको प्रयोग गर्न सकिन्छ । सुन्तलाको बोक्रामा पाइने गुणले छालालाई गहिरो तरिकाले सफा गर्छ । यसलाई हप्तामा दुईपटक प्रयोग गर्दा फाइदा प्राप्त हुन्छ ।
अनुहारको चमक बढाउँछ
अनुहारको चमक बढाउनका लागि सुन्तलाको बोक्रा र मुंग दालबाट बनेको फेस प्याकको प्रयोग एकदमै फाइदाजनक हुन्छ । मुंग दालमा पाइने गुणले छालालाई पोषण दिने तथा चमक बढाउने काम गर्छ ।
सनबर्न हटाउँछ
गर्मीमा घामबाट हुने सनबर्नका कारण तपाईंको छाला कालो हुन सक्छ त्यसलाई कम गर्न पनि यो फेस प्याक एकदमै सहयोगी हुन्छ ।
बुढोपनबाट हुने समस्या
बढ्दो उमेरसँगै छालामा चाउरीपना आउन थाल्छ । छालालाई टाइट बनाउने तथा जवान बनाउनका लागि पनि यो फेस प्याक एकदमै उपयोगी हुन्छ । यसको प्रयोगले चाउरीपना आउन दिँदैन ।