धनगढी । डोटीमा तिन महिने सिलाई कटाई तालिम सम्पन्न भएको छ ।
जिल्लाका शिखर नगरपालिका र दिपायल सिलगढी नगरपालिकामा रहेका महिलाहरुलाई २०७९ फागुन ७ गते देखि मानविय सेवामा अनेकौं प्रयास नामक संस्थाले तालिम सञ्चालन गरेको थियो ।
जिल्लामा रहेका महिलाहरुलाई उधमी बनाउने उदेश्य उक्त तालिम सञ्चालन गरेको संस्थाका अध्यक्ष भक्तराज जोशी बताए । उनले भने हामी र हाम्रो संस्थाको उदेश्य भनेको सबैलाई रोजगारी सिर्जना गर्नु हो । हामी यसैलाई आत्मसाथ गर्दै अगाडी बढेका छौं ।
तालिम पश्चात उक्त महिलाहरुलाई मेसिन,बस्ने कुर्सि र सबैलाई एक नासको पोशाक पनि हस्तान्त्रण गरीएको छ ।
उक्त तालिममा दिपायल सिलगढी नगरपालिकाका २० जना र शिखर नगरपालिकाका १७ गरी ३७ जनालाई तालिम दिएको थियो ।
संस्थाले सिप मुलक तथा किसानहरुलाई कृषि उपकरणहरु बितरण गर्दै आएको छ ।