एजेन्सी । छालालाई स्वस्थ राख्नका लागि विभिन्न खाले सौन्दर्य सामग्रीहरुको प्रयोग गरिन्छ । ती मध्ये एउटा हो शीट मास्क । के तपाईंलाई थाहा छ शीट मास्कको प्रयोग गर्दा छालालाई कति धेरै फाइदाहरु हुन्छन् ? यस्ता छन् फाइदा ।
शीट मास्क पातलो फ्याब्रिक जस्तो कपास, रेयन र फाइलबाट बनेको हुन्छ । शीट मास्क एक्टिव इन्ग्रीडेन्ट्सले भिजेको हुन्छ । अनुहारमा शीट मास्कलाई सजिलै प्रयोग गर्न सकिन्छ । यसलाई लगाउन त्यति धेरै समस्या हुँदैन ।
छालालाई हाइड्रेट राख्नका लागि शीट मास्क एकदमै फाइदाजनक हुन्छ । यसले छालामा नमी आउनुका साथै छालालाई मोइस्चराइज पनि गर्ने काम गर्छ । शीट मास्क लगाइरहने गर्दा छाला पनि उज्यालो देखिने गर्छ । यसले तपाईंको छालालाई जवान बनाइराख्न पनि सहयोग गर्छ ।
शीट मास्कको प्रयोग गरिसकेपछि आराम महसुस हुन्छ । त्यसैले यसको प्रयोग गर्नु पर्दछ । छालाको प्रकृति तथा आवश्यकता अनुसार शीट मास्कहरु पाइन्छन् जसलाई त्यही रुपमा प्रयोग गर्न सकिन्छ । तपाईं यसको प्रयोग कुनै पनि बेला कहीँ पनि गर्न सक्नुहुन्छ । यसलाई सजिलै झोलामा बोकेर हिँड्न पनि सकिन्छ ।
विशेषगरी यात्राका क्रममा अनुहारको सुरक्षा तथा सौन्दर्यलाई मेनटेन गरिराख्नका लागि शीट मास्क लिएर हिँड्नु एकदमै राम्रो हुन्छ । साथै यसलाई कुनै पनि बेला प्रयोग गर्न सकिने भएकाले अन्य धेरै सामग्री तथा पार्लरमा जाने झन्झट पनि हुँदैन ।