धनगढी। बैतडीका एक किशोर धनगढीबाट बेपत्ता भएका छन् । बैतडीको पञ्चेश्वर गाउँपालिका कुलाउ बस्ने अर्जुन मङ्गोलाका १५ वर्षिय छोरा निरज धनगढीबाट बेपत्ता बेपत्ता भएका हुन् । उनि ४ दिनदेखि सम्पर्क विहिन रहेको उनका आफन्तले बताएका छन् ।
धनगढी त्रिनगर फुपुको घरदेखि कञ्चनपुरको पुर्नवास भिमबस्ति मामाको घर जाँदै गरेका निरज असार ३० गते बाटोबाटै बेपत्ता भएका आफन्त इश्वरी साउदले जानकारी दिइन् । निरज हराए पछि प्रहरीलाई पनि खबर गरेका उनको भनाई छ ।
कुलाउ घर भएका निरज कञ्चनपुर मामाको घरमा बसेर पढाइ गरिरहेका थिए । उनी कक्षा ९ मा अध्यानरत थिए । उचाई अन्दाजी ४ फिट ३ इन्च, गहुँगोरो वर्ण भएको निरजलाई भेटे नजिकको प्रहरी कार्यालय तथा ९८६८ ७८४५८४ नम्बरमा जानकारी गराइदिन बालकका आफन्तले अनुरोध गरेका छन्।