भारतमा खाना पकाउने ग्यास लिक भएर बैतडीका एक जनाको मृत्यु भएको छ । आगलागी हुँदा बैतडीको पुर्चौडी नगरपालिका वडा नम्बर ६ भूमिराज कफलढुङ्गाका २० वर्षीय मदन अवस्थीको भारतको बेंगलोरमा मृत्यु भएको हो ।
केही दिन पहिले कोठामा खाना पकाउने बेला ग्यास लिक भएर आगलागी हुँदा उनी जलेर गम्भीर भएका थिए । आगलागीबाट जलेर गम्भीर भएका अवस्थीको शुक्रवार उपचारको क्रममा अस्पतालमा मृत्यु भएको पुर्चौडी नगरपालिका वडा नम्बर ६ का वडा अध्यक्ष नरेन्द्र साउदले बताए ।