सुदूरपश्चिम प्रदेशका सामाजिक विकास मन्त्री कृष्णराज सुवेदीले ले प्रदेश सरकारबाट कञ्चनपुर जिल्लामा निर्माण भइरहेका बिभिन्न योजनाहरुको बुधबार निरिक्षण गर्नुभएको छ ।
सामाजिक विकास मन्त्रालयले प्रदान गरेको बजेटबाट निर्माण भइरहेको भीमदत्त नगरपालिका वडा नम्बर २ को सरस्वती माध्यमिक विद्यालय उल्टाखामको दुई तले चार कोठे भवन, वेदकोट नगरपालिका वडा नम्बर ६ मुसेपानीको स्वास्थ्य चौकी भवन, शुक्लाफाँटा नगरपालिकाको वडा नम्बर ६ कसरौलको खेल मैदान र वडा नम्बर ३ को विद्यालय भवनको मन्त्री सुवेदीले निरिक्षण गर्नुभएको हो । मन्त्री सुवेदी संगै उद्योग पर्यटन, वनतथा वाताववरण राज्य मन्त्री प्रकाश रावल र सोही क्षेत्रका प्रदेश सासंद लाल बहादुर खड्का पनि उपस्थित हुनुहुन्थ्यो ।
चालू आर्थिक बर्षको असार मसान्त सम्म निर्माण सम्पन्न भइसक्नुपर्ने भवनहरुमा निर्माणको काम चलिरहेको छ भने खेल मैदान निर्माण सम्पन्न भइसकेको छ । मन्त्री सुवेदीले निरिक्षणका क्रममा असारमै सबै काम सम्पन्न गरिसक्न निर्देशन दिनुभएको छ ।