काठमाडौं । ओमानमा जारी प्रतियोगितामा सेमीफाइनल खेलमा पराजित भएको नेपालले आज हङकङसँग तेस्रो स्थानका लागि खेल्न लागेको हो।
खेल अपराह्न सवा ४ बजे हुनेछ। सेमिफाइनल खेलमा नेपाल शुक्रबार युएईसँग पराजित भएको थियो। दोस्रो सेमिफाइनलमा आयोजक ओमानसँग हङकङ पराजित भएको थियो।
तेस्रो स्थान हात पार्न सके नेपालले एसिसी इमर्जिङ टिम्स एसिया कपमा स्थान पक्का गर्नेछ।
सेमिफाइनलमा पराजित भएसँगै नेपाल एसिया कप २०२५ का लागि भने छनोट हुन असफल भएको थियो।
अब इमर्जिङ टिम्समा स्थान बनाउन आजको खेलमा नेपाललाई जित्नुपर्नेछ।
यसअघि समूह चरणको खेलमा नेपालले हङकङलाई ८ विकेटले पराजित गरेको थियो।