Dhangadhi Khabar http://dhangadhikhabar.com Dhangadhi Khabar - Nepal's top news portal from Far west Nepal en-US hourly 1 Copyright 2022 Tue, 24 May 2022 07:39:41 +0545 कस्तो रह्यो धनगढी उप-महानगरको मेयरका रूपमा गोपाल हमालको पहिलो दिन ? http://dhangadhikhabar.com/news/46994 Tue, 24 May 2022 00:00:03 +0545 http://dhangadhikhabar.com/news/46994 सुदूरपश्चिम प्रदेशको एक मात्र उप-महानगरपालिका धनगढीका नवनिर्वाचित मेयर गोपाल हमालले पदभार ग्रहण गरेका छन् । धनगढी ।  सुदूरपश्चिम प्रदेशको एक मात्र उप-महानगरपालिका धनगढीका नवनिर्वाचित मेयर गोपाल हमालले पदभार ग्रहण गरेका छन् । स्वतन्त्रबाट चुनाव जितेका उनले सोमबार शपथ ग्रहण गरे लगत्तै उपमहानगरपालिको कार्यकक्षमा पदभार सम्हालेका हुन्।

 कसरी बित्यो मेयर हमालको पहिलो दिन ?

- हमालले बिहान १० बजे कैलालीका मुख्य निर्वाचन अधिकृत जयानन्द पनेरू समक्ष जिल्ला अदालतको हलमा शपथ ग्रहण पद तथा गोपनीयताको शपथ ग्रहण 

- १०ः३८ मा उपमहानगरपालिकामा आगमन सँगसँगै कर्मचारीहरुद्धारा स्वागत

- हमाल १०ः४५ बजे नगर प्रमुखको कार्यकक्ष बाहरि सचिवालयमा पुगेका थिए । 

- त्यस पश्चात् उनले हिन्दु धर्मको विधिअनुसार ११ बजेर १५ मिनेटमा हमालले पदभार ग्रहण गरेका थिए । भने सँग सँगै उनले धनगढी उपमहानगरपालिको पञ्चवर्षीय आवधिक योजना निर्माण सम्बन्धी प्रस्ताव सदर गरेका छन् ।

- त्यस्तै, उनी पदभार ग्रहण पछि लगत्तै भोजन गर्न गए । त्यस लगत्तै उप-प्रमुख तथा धनगढी उपमहानगरका १९ वटै वटाका नव निर्वाचित ना प्रतिनिधिलाई १ बजे पछि  शपथ ग्रहण गराए । 

- यस्तै, मेयर हमालले २ बजे पछि नगर कार्यपालिका को पहिलो बैठक समेत बसेका थिए । 

- भने उनले धनगढी उपमहानगरपालिका क्षेत्रमा सरसफाइमा काम गर्ने कर्मचारीहरूलाई सरसफाइ व्यवस्थापन गर्न र नगर प्रहरीहरूलाई सडकमा राखिएका निर्माण सामग्री हटाउन आदि निर्देशन सहितको छलफल र  प्रोत्साहन स्वरूप खादा लगाएर सम्मान समेत गरो थिए । 

]]>
http://dhangadhikhabar.com/uploads/gopl-hamalwith-prsaskiyaadhikeita_20220523235922.jpg कस्तो रह्यो धनगढी उप-महानगरको मेयरका रूपमा गोपाल हमालको पहिलो दिन ? http://dhangadhikhabar.com/news/46994
अन्तर्घात नेपाली काँग्रेसमा धर्म हो : नृप वड http://dhangadhikhabar.com/news/46993 Mon, 23 May 2022 22:20:19 +0545 http://dhangadhikhabar.com/news/46993 कांग्रेसले यसपल्ट पनि जनतासँग नजिक भएको मान्छे भन्दै नगरमा पुनः तत्कालीन मेयर नृपबहादुर वडलाई नै दोहोर्याउने निर्णय गर्यो। कांग्रेसले यसपल्ट पनि जनतासँग नजिक भएको मान्छे भन्दै नगरमा पुनः तत्कालीन मेयर नृपबहादुर वडलाई नै दोहोर्याउने निर्णय गर्यो। सुरुमा एकल जित्छौँ भनेर कांग्रेसको स्थानीय नेतृत्वले गठबन्धन रुचाएको थिएन।

तर, केन्द्रबाट नै उपमहानगरपालिकामा गठबन्धन भएपछि यहाँ कांग्रेसले मेयर तथा माओवादीले उपमेयर पाएको थियो। गठबन्धन हुँदा झन् जित्ने निश्चित भएको दाबी गरेका वड निर्वाचनमा भने नराम्रोसँग पराजित भए। उनी स्वतन्त्र उम्मेदवार गोपाल हमाल सँग १२ हजार ४८ मतले पराजित भएका थिए। 

अघिल्लो स्थानीय तहको निर्वाचनमा धनगढी उपमहानगरपालिकामा कांग्रेसले प्रमुख र उपप्रमुख दुवै पदमा जित हात पारेको थियो। तर यस पटक दुवै पद पद गुमाउँन पुगेको छ ।

- गठबन्धनसहितको कांग्रेसले धनगढीमा किन पराजय भोग्यो त? गठबन्धन नहुँदा पनि एक्लै जित्ने दाबी गरेको कांग्रेस धनगढीमा किन हार्यो?

सबैकुरा विश्वासमा हिँडियो। एकातिर गठबन्धन थियो। अर्कातिर पार्टीको पनि बलियो उपस्थिति भएको कुरा ११ जना वडाध्यक्ष जितेबाट पनि प्रमाणित हुन्छ। स्वतन्त्र उम्मेदवारले अधिकतर सपनाहरु देखाएका छन्। संस्थागत (दलीय) रुपमा जनताको मागहरु, आवश्यकताहरु पुरा गर्न सकेनौँ अब एक्लै मान्छेले गर्छ भन्ने जुन भ्रम फैलायौँ, यो भ्रमका कारणले गर्दा नसोचेको जस्तो नतिजा आयो। छिटोभन्दा छिटो दलीय व्यवस्थामा एकल भनेको के हुँदो रहेछ भन्ने धनगढीबासीले बुझ्छन्।

- गठबन्धनका दलबाट पनि साथ पाइएन भन्नुभएको हो? 

गठबन्धनबाट त शून्य नि, साथै भएन। गठबन्धनका सबै बिक्री भए। गठबन्धन नभएको भए बरु हामी चुनाव जितिहाल्थ्यौँ। १९ वटै वडामा र उपमेयरसहित हुन्थ्यो। टिम नै हुन्थ्यो। सहयोग हुन्थ्यो। चुनाव जितिन्थ्यो। गठबन्धन नभएको भए स्वतन्त्रले पनि धेरै खेल्न पाउँदैनथ्यो। म नराम्रोसँग हारेप नि माओवादीकी उम्मेदवार त जम्मा हजारपन्ध्र सय मतले मात्रै हार्नुभयो। माओवादीको ३ हजार ३५ सय भोट थियो भने गठबन्धन हुँदा हाम्रो पनि भोट जोडिएर १२ हजार भोट पाउनुभएको छ। गठबन्धनमा हामी(कांग्रेस)ले इमान्दारी देखायौँ। तर, गठबन्धनका अरु दल इमान्दारीसाथ लागेनन्। हामी एकल चुनाव लडेको भए जित्थ्यौँ।

- दलभित्रबाटै पनि अन्तर्घात भयो?

अन्तर्घात त नेपाली कांग्रेसमा स्वभाविक प्रक्रियाभित्र पर्छ। अन्तर्घात नेपाली कांग्रेसमा धर्म हो। त्यसको पनि धेरै समस्या थिएन। यसभन्दा अगाडिको चुनावमा पनि सातआठ हजार भोट विपक्षीमा हालेकै हो। अहिले पनि १४/१५ हजार भोट डाइभर्ट भयो। 

- अन्तर्घात गर्नेहरुलाई छानबिन, कारबाही होला नि?

केहीपनि हुँदैन। केही गरिँदैन। 

- वडातहसम्मै संगठन भएको दलीय व्यवस्थामा नागरिकले स्वतन्त्र उम्मेदवारलाई किन चुने होलान्?

धनगढीबासीले त्यो कुरा बुझेनन्। धनगढीबासीसँग म दैनिक रुपमा सँगै छु। संस्थागत रुपमा सँगै छु। समस्याहरु बुझेको छु। कोरानोकालमा घरघरमा गएर औषधि पठाएको छु। तर नगरबासीले एकैचोटि फरक पार्छ कि भन्ने सोच राख्नुभयो। एक्लो मान्छेलाई प्रमोट गर्दा के हुन्छ र संस्थागत मान्छेलाई चुन्दा के फरक हुन्छ भन्ने बुझिएन। यो ह्विम ल्याउनुमा मिडियाका साथीहरुको पनि भूमिका रह्यो। 

मेरो पार्टीभित्र ३५ वर्षको लगानी छ। ५ वर्ष पदीय रुपमा बसे पनि ३० वर्ष मैले समाजमा सेवा गरेको छु। मैले दुई वटा चुनाव लडेँ तर व्यवसायीहरुबाट एक रुपैयाँ उठाएको छैन। तर जो हामीसँग चुनाव लडेको उम्मेदवार हुनुहुन्छ, उहाँले हर पसलबाट सगुनका रुपमा पैसा उठाउनुभएको छ। पहिलो र अहिलेको चुनावमा पैसा उठाएर खर्च गरेर पचाउनुभएको छ। 

- स्वतन्त्र उम्मेदवारले नगर विकास गर्न सक्दैनन् भन्ने दोहोर्याउन खोज्नुभएको हो?

जुन बजेट मैले चलाएको हो, त्यही बजेट हो। अन्यत्र आकासबाट बजेट आउने, घरघराना बेचेर लगाउने होइन। ४० हजार ५ सय सेवा सुविधा नखाने भनेर ह्विम फैलाइदिए। त्यो ४० हजार ५ सयले कहाँको विकास हुने रैच थाहा भएन मलाई। भ्रमहरु फैलाइएको छ। त्यो भ्रमहरु उहाँले कसरी व्यवस्थापन गर्नुहुन्छ, त्यो उहाँको कार्यक्षमतामा निर्भर रहला। 

- अब कसरी अघि बढ्नुहुन्छ ?

मेयर नतिजे पनि हाम्रो एउटा टिम (११ वडा) चुनिएको छ। तिनलाई सञ्चालन गर्छु। रचनात्मक रुपमा सहयोग हुन्छ। धनगढीलाई बनाउनेकुरामा ५ वर्षसम्म मेरा पछाडि लागेका व्यक्तिहरुलाई अघि लिएर जान्छु। म राजनीति गर्ने मान्छे हुँ। हिजो पनि जनताको बीचमा थिएँ। आज पनि जनताको बीचमा छु र भोलि पनि जनताकै बीचमा हुनेछु। म व्यक्ति होइन, संस्था हो। अहिले पनि धनगढीमा कांग्रेसको बहुमत छ। अहिलेका पदाधिकारी सफल हुनु भनेको कांग्रेस नै सफल हुनु हो। मैले गर्नसक्ने सहयोग, मैले गर्नसक्ने बजेटको व्यवस्थापन मैले गर्छु। मेरो पूर्ण रुपमा सहयोग हुन्छ। अहिले सबैकुरा सकिएको छैन। प्रदेश, संघको चुनाव छ। ती उम्मेदवारहरुलाई जिताउनुछ। म त्यसमा अघि बढ्छु। 

- धनगढीमै कांग्रेसले हारेपछि यस क्षेत्रबाट चुनाव लड्ने तयारी गरेकी आरजु देउवा राणालाई पनि अप्ठेरो पर्ने देखियो नि?

होइन, पर्दैन। अहिले के भएको हो हामी खोजी गर्छौँ। कसरी, किन भयो? मैले के अपराध गर्या रैछु, जान्न एक हप्ताभित्र सेड्युल बनाएर टोलटोलमा जान्छु। काम नगरेको हो कि, तपाईंहरुका कुरा नसुनेको हो पत्ता लगाउँछु। 

]]>
http://dhangadhikhabar.com/uploads/Nirpa-bdr-odd_20220523223233.jpg अन्तर्घात नेपाली काँग्रेसमा धर्म हो : नृप वड http://dhangadhikhabar.com/news/46993
हवाई भाडा बढ्यो : धनगढीको भाडादर कति हजार ? http://dhangadhikhabar.com/news/46992 Mon, 23 May 2022 21:32:12 +0545 http://dhangadhikhabar.com/news/46992 पेट्रोलियम पदार्थको मूल्य वृद्धिसँगै हवाई इन्धनको समेत मूल्य बढेपनि वायुसेवा कम्पनीहरुले हवाई भाडा बढाएका छन्  । पेट्रोलियम पदार्थको मूल्य वृद्धिसँगै हवाई इन्धनको समेत मूल्य बढेपनि वायुसेवा कम्पनीहरुले हवाई भाडा बढाएका छन्  । सोमबार एक सूचना जारी गर्दै वायु सेवा सञ्चालक संघले आन्तरिकतर्फ न्यूनतम ९० रुपैयाँदेखि अधिकतम ४४५ रुपैयाँसम्मले भाडा वृद्धि गरेका हुन् । 

संघका अनुसार सबैभन्दा बढी काठमाडौं–धनगढीको भाडा ४४५ रुपैयाँले बढेको छ भने काठमाडौं–सिमरा ९० रुपैयाँले बढेको छ । योसँगै अब काठमाडौंदेखि धनगढीको हवाई भाडा १५ हजार ६६५ रुपैयाँ पुगेको छ । 

यस्तै काठमाण्डौ–नेपालगञ्जको भाडा १२ हजार ८९५, भद्रपुरको ११ हजार ९३५ रुपैयाँ, विराटनगर ९ हजार ३२५, जनकपुर ४ हजार २५०, भरतपुर ४ हजार ४३५, पोखरा ६ हजार ३०५ रुपैयाँ, भैरहवा ७ हजार ८८० रुपैयाँ पुगेको छ । 
बढेको भाडा आगामी बुधबार अर्थात् जेठ ११ गतेदेखि लागू हुने संघले जनाएको छ । 

आइतबार एक सूचना जारी गर्दै नेपाल आयाल निगमले पेट्रोल/मट्टितेल र डिजेलको समान प्रतिलिटर १० रुपैयाँले मूल्य वृद्धि गरेको थियो भने यता हवाई इन्धनको समेत प्रतिलिटर १० रुपैयाँले मूल्य वृद्धि गरेको थियो । खाना पकाउने एलपी ग्यासको भने एकैपटक २०० रुपैयाँ मूल्य वृद्धि गर्दै निगमले प्रतिसिलिन्डर १८०० रुपैयाँ पु¥याएको छ । 

 

]]>
http://dhangadhikhabar.com/uploads/nepalairline_20211206073953.jpg हवाई भाडा बढ्यो : धनगढीको भाडादर कति हजार ? http://dhangadhikhabar.com/news/46992
धनगढीका नवनिर्वाचित जनप्रतिनिधीहरुलाई सुशासनसहितको समृद्ध धनगढी बनाउन चन्दको आग्रह http://dhangadhikhabar.com/news/46991 Mon, 23 May 2022 18:11:34 +0545 http://dhangadhikhabar.com/news/46991 धनगढी उपमहानगरपालिकामा नगर प्रमुख पदमा नेकपा एमालेका उम्मेदवार रहेका रणबहादुर चन्दले नवनिर्वाचित जनप्रतिनिधीहरुलाई समृद्ध धनगढी बनाउने गरी काम गर्न आग्रह गरेका छन् । धनगढी । धनगढी उपमहानगरपालिकामा नगर प्रमुख पदमा नेकपा एमालेका उम्मेदवार रहेका रणबहादुर चन्दले नवनिर्वाचित जनप्रतिनिधीहरुलाई समृद्ध धनगढी बनाउने गरी काम गर्न आग्रह गरेका छन् । सोमबार धनगढीमा पत्रकार सम्मेलनको आयोजना गर्दै नेता चन्दले पार्टीको प्रतिबद्धता पत्रको मर्मअनुसार कार्य गर्न नवनिर्वाचित नगर नेतृत्वहरूलाई सुशासनसहितको समृद्ध धनगढी बनाउने गरी काम गर्न आग्रह गरेका हुन् । 

‘नगर प्रमुख गोपाल हमाल र उपप्रमुख कन्दकला रानालगायत १९ वटै वडाका अध्यक्ष र सदस्यहरूलाई बधाईसहित उत्कृष्ट कार्यकालको लागि शुभकामना व्यक्त गर्दछु’ उनले भने ‘सुशासनसहितको समृद्ध धनगढी बनाउन साथ सहयोग र सहकार्य गर्दै अघि बढ्ने प्रतिबद्धता गर्दछु ।’ 

उनले छोटो प्रचार प्रसारको समय, स्वतन्त्र उम्मेदवारको पाँच वर्षदेखिको पूर्व तयारी, नेकपा एमालेलाई पाँच दलीय गठबन्धनमार्फतको चौतर्फी घेराबन्दी र लामो समय पार्टीको एकता–विभाजन जस्ता कार्यले प्रमुख पदमा हार व्यहोर्नु परेको बताए ।

उनले व्यक्ति वा दलको सफलता वा असफलता मुख्य कुरा नभएको र ठुलो बलिदानी र सङ्घर्षबाट स्थापित गरेको सङ्घीय लोकतान्त्रिक गणतन्त्रले सफलता प्राप्त गर्नु महत्त्वपूर्ण भएको बताएका छन् ।  

त्यस्तै, चन्दलेले आफू पराजय व्यहोर्नु भन्दा पनि नगर उपप्रमुखसहित छ वटा वडामा वडा अध्यक्षसहित सदस्यहरू निर्वाचित हुनुमा विजयी भएको बताएका छन् । भने उनले निर्वाचनलाई सफल बनाउन खटिएका कर्मचारीदेखि सम्पूर्ण आम मतदाता प्रति आभार पनि व्यक्त गरेका छन् । 

]]>
http://dhangadhikhabar.com/uploads/Ranabdr_Chand_20220427205429.jpg धनगढीका नवनिर्वाचित जनप्रतिनिधीहरुलाई सुशासनसहितको समृद्ध धनगढी बनाउन चन्दको आग्रह http://dhangadhikhabar.com/news/46991
‘भ्रष्टाचार मुद्दा’ खेपिरहेका कैलालीको मोहन्याल गाउँपालिकाका अध्यक्षले लिए सपथ http://dhangadhikhabar.com/news/46990 Mon, 23 May 2022 17:55:07 +0545 http://dhangadhikhabar.com/news/46990 कैलालीको मोहन्याल गाउँपालिकाका नवनिर्वाचित अध्यक्ष देवी दत्त उपाध्यायले जिल्ला अदालत कैलालीमा सपथ ग्रहण गरेका छन। धनगढी। कैलालीको मोहन्याल गाउँपालिकाका नवनिर्वाचित अध्यक्ष देवी दत्त उपाध्यायले जिल्ला अदालत कैलालीमा सपथ ग्रहण गरेका छन। उनी नेकपा माओवादी केन्द्रका तर्फबाट निर्वाचित भएका हुन।

यसअघि निर्वाचन आयोगले उनलाई सपथ नगराउन निर्देशनसमेत दिएको थियो। तर, आज उनले सपथ लिएको कैलालीका मुख्य निर्वाचन अधिकृत जयानन्द पनेरुले बताए। मोहन्याल गाउँपालिकाको प्रमुखमा बुधबार दिउँसो सम्पन्न मतगणनाअनुसार तीन हजार १३४ मत प्राप्त गर्दै उपाध्याय अध्यक्षमा निर्वाचित भएका हुन्।

प्रमुख निर्वाचन अधिकृतको कार्यालयका अनुसार उनी ४१९ मतान्तरले विजयी भए। उनका निकटतम् प्रतिद्वन्द्वी एमालेका धरम थापा मगरले दुई हजार ७१५ मत प्राप्त गरे।

]]>
http://dhangadhikhabar.com/uploads/bharstachar-mohanyal-updhyaa_20220523175449.jpg ‘भ्रष्टाचार मुद्दा’ खेपिरहेका कैलालीको मोहन्याल गाउँपालिकाका अध्यक्षले लिए सपथ http://dhangadhikhabar.com/news/46990
कैलालीको घोडाघोडीका नगरप्रमुख रावतद्वारा पदभार ग्रहण http://dhangadhikhabar.com/news/46989 Mon, 23 May 2022 17:48:29 +0545 http://dhangadhikhabar.com/news/46989 कैलालीको घोडाघोडी नगरपालिकाको नवनिर्वाचित नगरप्रमुख खडक बहादुर रावतले पदभार सम्हालेका छन् । कैलाली । कैलालीको घोडाघोडी नगरपालिकाको नवनिर्वाचित नगरप्रमुख खडक बहादुर रावतले पदभार सम्हालेका छन् । सोमबार जिल्ला अदालत कैलालीमा मुख्य निर्वाचन अधिकृत जयानन्द पनेरूबाट पद तथा गोपनीयताको शपथ लिएपछि घोडाघोडी नगरपालिकाको कार्यकक्षमा पुगेर पदभार सम्हालेका हुन् ।

उनी नगरपालिका पुग्दा कर्मचारीहरूले भव्य स्वागत गरेका थिए । रावतले आर्थिक वर्ष भित्रै भूमिहीन सुकुम्वासी, भूमिहीन दलितहरूलाई जग्गा उपलब्ध गराउन तथा अव्यवस्थित बसोबासीहरुलाई व्यवस्थापन गर्ने प्रस्ताव सदर गर्दै पदभार सम्हालेका छन् ।

खडक बहादुर रावत समक्ष प्रमुख प्रशासकीय दीपक कुमार आचार्यले पेस गरेको प्रस्तावमा अगामी आर्थिक वर्ष २०७८/७९ देखी लागु हुने गरी भूमि सम्बन्धी समस्या समाधान आयोग, लागत सङ्कलन इकाईबाट भुमिहिन,दलित, भूमिहीन सुकुम्वासी, अव्यवस्थित बसोबासीहरुको लागत सङ्कलन गर्ने कार्य सम्पन्न भई तथ्याङ्क प्रविष्ट कार्य भई रहेकाले उक्त कार्यलाई तोकिएको समयमै सम्पन्न गर्ने गरी आवश्यक कार्य अगाडि बढाइने जनाइएको छ  ।

गठबन्धनकाका सहयात्री दल, समाजसेवी, बुद्धिजीवी, प्राज्ञिक व्यत्तित्वहरु सँग सर सल्लाह,समन्वय,सहकार्य गरेर समृद्ध घोडाघोडी नगरपालिका अगाडि बनाउनको लागी आफूहरूले प्रयत्न गर्ने खडक बहादुर रावतले बताएका छन् । जनताले गठबन्धनका उम्मेदवारलाई नगरपालिकाको बागडोर समाल्ने जिम्मा दिएको हुँदा इमान्दारीता पूर्वक जनताको सेवा गर्ने उनको भनाई छ ।

]]>
http://dhangadhikhabar.com/uploads/Ghodaghodika-meyour-rawat_20220523174819.jpg कैलालीको घोडाघोडीका नगरप्रमुख रावतद्वारा पदभार ग्रहण http://dhangadhikhabar.com/news/46989
कञ्चनपुरमा कांग्रेस , एमाले र माओवादी विजयी भएका पालिका हरु को विवरण http://dhangadhikhabar.com/news/46988 Mon, 23 May 2022 14:44:33 +0545 http://dhangadhikhabar.com/news/46988 कञ्चनपुरका नौ वटै पालिकामा स्थानीय तहको निर्वाचनको मतगणना सकिएको छ। कञ्चनपुर । कञ्चनपुरका नौ वटै पालिकामा स्थानीय तहको निर्वाचनको मतगणना सकिएको छ। 

 यो संगै नेकपा एमाले ले मात्र तीन पालिका हासिल गरेको छ । नेपाली कांग्रेसले चार नगर र एउटा गाउँपालिकामा विजयी हासिल गरेको छ ।

 भीमदत्त, बेदकोट, कष्णपुर तथा पुनर्वास नपा र बेल्डाँडी गाउँपालिकामा नेपाली कांग्रेसले जीत हासिल गरेको छ । 

त्यसैगरी एमालेले दोधारा–चाँदनी र शुक्लाफाँटा नगरपालिका तथा लालझाडी गाउँपालिकामा जीत हासिल गरेको छ । 

त्यसैगरी स्थानीय तहको निर्वाचनमा नेकपा माओवादी केन्द्र ले  बेलौरी नगरपालिका जितेको छ । 

नगरप्रमुखमा भीमदत्तमा नेपाली कांग्रेसका पदम बोगटी, बेदकोटमा कांग्रेसकै भोजराज बोहरा, कृष्णपुरमा कांग्रेसका हेमराज ओझा, पुनर्वासमा तोयराज शर्मा र बेल्डाँडी गाउँपालिकामा कांग्रेसका हरिचन्द्र राना निर्वाचित भएका छन् ।

त्यस्तै दोधारा–चाँदनीमा एमालेका किशोरकुमार लिम्बू, शुक्लाफाँटामा एमालेकै रणबहादुर महरा र लालझाडीमा निर्मल राना नेतृत्वमा पुगेका छन् । त्यसैगरी माओवादीका पोतिलाल चौधरी बेलौरीको नेतृत्वमा दोस्रो पटक पुगेका हुन् । 

 नेकपा माओवादी केन्द्रसित गठबन्धन गरेर चुनावी मैदानमा उत्रिएको नेकपा एकीकृत समाजवादी ले पालिका जित्न सकेन् । ९२ वडा रहेको कञ्चनपुरमा यसपटक दुई वडाध्यक्ष स्वतन्त्रबाट निर्वाचित भएका छन् ।

भीमदत्त–१३ मा रामचन्द्र बोहरा र पुनर्वासमा श्रवण रानाले विजयी भएका छन्। त्यसैगरी उपप्रमुख मा नौ पालिकामध्ये सात उपप्रमुख एवं उपाध्यक्ष नेपाली कांग्रेसले जितेको छ । दोधारा–चाँदनी, भीमदत्त, बेदकोट, शुक्लाफाँटा, कृष्णपुर र पुनर्वास नगरपालिका तथा बेल्डाँडी गाउँपालिकामा कांग्रेसले उपप्रमुख जितेको हो ।

]]>
http://dhangadhikhabar.com/uploads/300px-Kanchanpur_20220425093555.png कञ्चनपुरमा कांग्रेस , एमाले र माओवादी विजयी भएका पालिका हरु को विवरण http://dhangadhikhabar.com/news/46988
लामो र स्वस्थ जीवन चाहनुहुन्छ ? निद्रा लाग्दैन भने गर्नुस् यी उपाय http://dhangadhikhabar.com/news/46987 Mon, 23 May 2022 14:29:14 +0545 http://dhangadhikhabar.com/news/46987 तपाईँ लामो र स्वस्थ जीवन चाहनुहुन्छ भने मिठो निद्रामा समय खर्च गर्नुहोस्, निन्द्रा विशेषज्ञ म्याथ्य वाकर भन्छन्। काठमाडौं ।  तपाईँ लामो र स्वस्थ जीवन चाहनुहुन्छ भने मिठो निद्रामा समय खर्च गर्नुहोस्, निन्द्रा विशेषज्ञ म्याथ्य वाकर भन्छन्। युनिभर्सिटी अफ क्यालिफोर्निया, बर्कलीका मनोविज्ञान प्राध्यापक वाकरले थुप्रै अध्ययनमा सहभागी भएका लाखौँ मनिसको तथ्याङ्क अध्ययन गरेका छन्।

निद्रा सबैभन्दा प्रजातान्त्रिक र निःशुल्क उपलब्ध सबैभन्दा राम्रो स्वास्थ्य सेवा प्रणाली हो, उनी भन्छन्। पचास वर्षको अध्ययन एवम् अनुसन्धानपछि अबको विषय निद्राले हामीलाई के गर्छु भन्ने होइन कि निद्राले फाइदा नगर्ने केही छ कि भन्नेमा केन्द्रित हुन थालेको छ।

निद्रा नपुगेमा हाम्रो शरीर र मस्तिष्कले राम्रो काम गर्दैन। अहिलेसम्म अध्ययनकर्ताहरूले निद्राले फाइदा नगर्ने स्वास्थ्यसम्बन्धी कुरा पत्ता लगाउन सकेका छैनन्।

विज्ञानले अहिलेसम्म पत्ता लगाएको कुरो भनेको निद्राको अभावमा हाम्रो शरीर र मस्तिष्कमा नाटकीय असर गर्छ भन्ने हो। विकसित मुलुकमा मानिसहरूको ज्यान लिइरहेको अल्जाइमर्स, क्यान्सर, मुटु र धमनीसम्बन्धी रोगहरू, मोटोपन, डिप्रेशन, चिन्ता र आत्महत्याको पनि निद्राको अभावसँग केही न केही सम्बन्ध पाइएको छ।

निदाएको अवस्थामा मानव शरीरका सबै प्रणालीहरूको ुनवीकरणु हुन्छ। निद्रा पुगेन भने तिनमा असर पर्छ। तर निद्रा भने प्राकृतिक हुनुपर्छ। निद्राको औषधिले क्यान्सर, सङ्क्रमण र मृत्युको सम्भावना बढाउँछ।

तर विकसित मुलुकको तथ्याङ्क हेर्दा हिजोआज मानिसहरू कम सुत्न थालेको स्पष्ट हुन्छ। हिजोआज मानिसहरू एक सय वर्षअघिको भन्दा औसतमा कम सुत्छन्।

दैनिक सातदेखि नौ घण्टा सुत्दा पर्याप्त निद्रा पुग्छ। पर्याप्त सुत्नु शारीरिक र मानसिक स्वास्थ्यका लागि मात्रै होइन, रचनात्मकता र सृर्जनशीलताका लागि पनि महत्त्वपूर्ण छ।

सात घण्टाभन्दा कम सुत्ने मानिसहरूको शरीर र मस्तिष्कमा असर हुन थाल्छ र रोगको प्रतिरोध गर्ने क्षमतामा असर गर्छ। निदाउनु भनेको तकियामा टाउको राख्नु मात्रै होइन। विश्वका धेरै मानिसहरूलाई निदाउन गाह्रो हुन्छ।

विश्वका धेरै ठाउँमा हिजोआज अँध्यारो हुँदैन। किनभने हामी धेरैजसो कृत्रिम उज्यालोमा समय बिताउछौँ । अहिले हाम्रो जीवनमा धेरै धपेडी पनि हुन्छ। अनि हामी नपुगेको निद्रा पुर्‍याउन खालि समयको सदुपयोग पनि गर्दैनौँ। ुगएको समय गयो,ु वाकर भन्छन्।

ह्वाई वी स्लीप हामी किन सुत्छौँ  पुस्तकका लेखक  वाकरले निम्न सुझाव दिएका छन्।

१- सुत्ने र उठ्ने समय नियमित बनाउनुहोस्

दिउँसो सुत्न रमाइलो होला तर राति निद्रा नपर्न सक्छ। सधैँ एउटै समयमा सुत्न जानुहोस् र उठ्ने समय पनि नियमित होस्। सबैभन्दा महत्त्वपूर्ण कुरा जागा रहने समय निश्चित राख्नु हो। यसले गर्दा शरीरले सुत्ने समयमा निद्रा पार्न सहयोग गर्छ।

२- अँध्यारोमा बस्नुहोस्

सुत्नुभन्दा एक घण्टा पहिल्यै नीलो प्रकाशका स्रोतहरू बन्द हुनुपर्छ । निद्राका लागि आवश्यक महत्त्वपूर्ण हार्मोनका लागि शरीरले अँध्यारो खोज्छ।

विकासको एउटा नराम्रो पक्ष भनेको हामी निरन्तर उज्यालोमा हुन्छौँ। सुत्नुअघि कोठाको उज्यालो कम गरेर हामी अँध्यारो बनाउन सक्छौँ।

यसको अर्थ मोबाइल वा टीभी वा कम्प्युटरको स्क्रीनबाट पर रहनु पनि हो। स्क्रीनले ुनीलो प्रकाशु निकाल्छ जसले निद्राको हार्मोन मेलटोनिनको प्रभावलाई निस्तेज पारिदिन्छ।

त्यसैले सुत्नुभन्दा एक घण्टा पहिल्यै नीलो प्रकाशका स्रोतहरू बन्द हुनुपर्छ।

३-तापक्रम घटाउनुहोस्

कोठाको तापक्रम कम राखे निद्रा पर्न सजिलो हुन्छ। प्राकृतिक रूपमै तापक्रम २४ घण्टाभित्र कहिले कम कहिले बढी हुन्छ। तापक्रम घट्दा निद्रा पनि पर्छ। तर हिजोआज हामी एउटै तापक्रममा बस्न खोज्छौँ। निद्रा पर्न हाम्रो मस्तिष्क र शरीरको भित्री तापक्रम झन्डै एक डिग्री सेल्सियसले घट्नुपर्छ।

त्यसैले तापक्रम नियन्त्रण गर्न मिल्ने अवस्थामा १८ डिग्री सेल्सियसमा सुत्नुहोस्।

४-ओछ्यान सुत्नका लागि मात्रै

निद्रा पुर्‍याउने मानिसहरू खुसी हुन्छन्। सुत्न र अन्य सीमित क्रियाकलापका लागि मात्र ओछ्यानमा जानुहोस्। खाना खान, पढ्न वा खेल्न होइन।

हाम्रो मस्तिष्कले छिट्टै दुई वस्तुबीच सम्बन्ध स्थापित गर्छ। त्यसैले हामीले ओछ्यान सुत्नका लागि होु भन्ने सन्देश दिनुपर्छ। यदि ओछ्यानमा २० मिनेटसम्म निदाउन सकिएन भने उठेर केही बेर हिँड्ने, पढ्ने वा अरू केही काम गरेर अलमलिनुपर्छ। त्यसो गर्दा फेरि सुत्न सजिलो हुन सक्छ।

५-कफी कम खानुहोस्

कफी खानु निद्राका लागि राम्रो होइन। दिउँसो हामी कोला, कफी, चिया वा अन्य पेयपदार्थ पिउँछौँ। तिनमा हुने क्याफिन र थिनजस्ता तत्त्वले हाम्रो स्नायुप्रणालीमा रमाइलो प्रभाव देखाउँछन्।

तर प्राध्यापक वाकरको सल्लाह यस्तो छस् सुत्नु १२ घण्टाअगाडि मात्रै कफीजस्ता पेय पदार्थ पिउनुहोस्।

कफीको हाफ लाइफ हुन्छ। त्यसैले यसको प्रभाव छ घण्टासम्म आधा र नौ घण्टासम्म तीनचौथाइ एक्प्रेसो खाएजति बाँकी हुने उनी बताउँछन्।

त्यसैले सुत्ने बेलामा रगतमा कफीको मात्रा बाँकी नभएकै राम्रो हुन्छ।

६ -मदिराबारे विचार गर्नुहोस्

प्राय मानिसहरू मदिराले निद्रा पार्छ भन्छन्। तर यो सत्य होइन। मदिरा पिएर लागेको निद्राले स्वास्थ्य र सपनालाई राम्रो गर्दैनन्।

एजेन्सी

]]>
http://dhangadhikhabar.com/uploads/stressed_out_anxious_having_trouble_sleeping_try_yoga_nidra_main_20220523142909.jpg लामो र स्वस्थ जीवन चाहनुहुन्छ ? निद्रा लाग्दैन भने गर्नुस् यी उपाय http://dhangadhikhabar.com/news/46987
मंकीपक्सको संक्रमणबाट बच्न सरकारले चाल्यो कदम ,व्यक्तिगत सरसफाई र क्वारेन्टाइनमा बस्न आग्रह http://dhangadhikhabar.com/news/46986 Mon, 23 May 2022 14:18:20 +0545 http://dhangadhikhabar.com/news/46986 मंकीपक्सको संक्रमण फैलिनसक्ने भन्दै सरकारले विशेष सावधानी अपनाउन नागरिकहरुलाई आग्रह गरेको छ  । काठ्माडौँ । मंकीपक्सको संक्रमण फैलिनसक्ने भन्दै सरकारले विशेष सावधानी अपनाउन नागरिकहरुलाई आग्रह गरेको छ  ।

अहिले विश्वमा मंकीपक्सको संक्रमण फैलिरहेकोले नेपालमा पनि सम्भावित खतरा हुनसक्ने भन्दै त्यसतर्फ सचेत रहेर स्वास्थ्य सतर्कता अपनाउन आग्रह गरेको हो ।

न्युज एजेन्सी नेपालसँगको कुराकानीमा स्वास्थ्य तथा जनसंख्या मन्त्रालयका सहप्रवक्ता डा. समीरकुमार अधिकारीले मंकीपक्सको संक्रमणबाट बच्न व्यक्तिगत सरसफाई र क्वारेन्टाइनमा बस्ने कुरालाई ध्यान दिनुपर्ने बताए । 

उनले विदेशबाट आउने नेपाली नागरिक र विदेशी नागरिकले कम्तिमा दुई हप्ता अनिवार्य क्वारेन्टाइनमा बस्ने, सकेसम्म बाहिरी कुनैपनि सामानहरु नछुने र छोइहाले साबुनपानीले तत्काल सफा गर्नुपर्ने बताए ।

सहप्रवक्ता अधिकारीले मंकीपक्सको संक्रमणबाट बच्न सरकारले आवश्यक कदम चालिसकेको समेत बताए ।

सीमा नाकाहरुमा निगरानी बढाएको समेत उनको भनाइ छ ।

विश्व स्वास्थ्य संगठनको केन्द्रिय, क्षेत्रीय र नेपालमा भएको कार्यालयसँग नियमित सम्पर्कमा रहेर प्राप्त प्राविधिक सुझावका आधारमा आवश्यक निर्णय गर्दै जाने पनि बताए ।
 


 

]]>
http://dhangadhikhabar.com/uploads/ministry_of_health_ImKLgsOMVL_20220523141813.jpg मंकीपक्सको संक्रमणबाट बच्न सरकारले चाल्यो कदम ,व्यक्तिगत सरसफाई र क्वारेन्टाइनमा बस्न आग्रह http://dhangadhikhabar.com/news/46986
सुन्दरी प्रतियोगितामा बलात्कारको आरोप लागेका मनोज पाण्डे माथि मुद्दा चलाउने तयारी http://dhangadhikhabar.com/news/46985 Mon, 23 May 2022 14:09:43 +0545 http://dhangadhikhabar.com/news/46985 सुन्दरी प्रतियोगितामा सहभागी भएकी तत्कालीन किशोरीलाई करणी गरेको अभियोग लागेका मनोज पाण्डेलाई प्रहरीले थुनामा राखेर अनुसन्धान गर्ने म्याद लिनका लागि काठमाडौँ जिल्ला अदालतमा सोमबार पेश गर्ने भएको छ।
काठमाडौँ – सुन्दरी प्रतियोगितामा सहभागी भएकी तत्कालीन किशोरीलाई करणी गरेको अभियोग लागेका मनोज पाण्डेलाई प्रहरीले थुनामा राखेर अनुसन्धान गर्ने म्याद लिनका लागि काठमाडौँ जिल्ला अदालतमा सोमबार पेश गर्ने भएको छ।

पक्राउ गरेपछि २४ घण्टाभित्र अदालतमा उपस्थित गराउनुपर्ने कानुनी व्यवस्था भएको भएपनि आइतबार सार्वजनिक विदा भएको कारण शनिबार पक्राउ परेका पाण्डेलाई उपस्थित गराउन लागिएको हो।

जबरजस्ती करणीसम्बन्धी अभियोग लगाउन हदम्याद नाघेपछि पाण्डेलाई मानव बेचबिखन तथा ओसारपसार ऐन २०६४ अनुसार मुद्दा चलाउने तयारी प्रहरीले गरेको छ।

सोमबार संसदको महिला तथा सामाजिक समितिमा उपस्थित भएर गृहसचिव टेकनारायण पाण्डेले उनलाई ऐनको दफा ४ (२)(ख) बमोजिमको कसरी गरेको अभियोगमा मुद्दा चलाउने तयारी सरकारले गरेको जानकारी दिए।

आठ वर्षअघि भएको घटनाको तत्कालीन कानुनमा भएको हदम्याद र त्यसपछि बनेको मुलुकी अपराध संहिता २०७४ ले दिएको हदम्यादसमेत नाघेपछि प्रहरीले हदम्याद आकर्षित नहुने मानव बेचबिखन तथा ओसारपसार ऐन अन्तरगत मुद्दा चलाउने तयारी गरेको हो।

तत्कालीन कानुनमा करणीको हदम्याद ३५ दिन र नाबालिकको हकमा उमेर पुगेको एक वर्षसम्म उजुरी दिन सकिने नजिर थियो।

पक्राउ परेका पाण्डेलाई मानव बेचबिखन तथा ओसारपसार ऐन २०६४ को दफा ४ (२) (ख)अनुसार मुद्दा चलाउन उनलाई एक वर्षदेखि दुई वर्षसम्म कैद हुने व्यवस्था छ।

उक्त कसुर गरे बापत अभियुक्त हुने सजायबारे उल्लेख गरिएको छ, ‘शोषण गर्ने उद्देश्यले दफा ४ को उपदफा (२) को (ख) बमोजिम नेपालभरको एक ठाउाँबाट अको ठाउाँमा लैजानेलाई एक वर्षदेखि दुई वर्षसम्म कैद र विदेश लगेको भए दुई वर्षदेखि पाँच वर्षसम्म कैद’

एक ब्यूटी प्याजेन्टको क्रममा आयोजकले नै आफूमाथि बलात्कार गरेको दाबी गर्दै एक युवतीले सामाजिक सञ्जालमा भिडियो सार्बजानिक गरेकी थिइन्।

भिडियो सार्वजनिक भएपछि हदम्याद सम्बन्धी कानुनलाई संशोधन गर्नुपर्ने आवाज चर्को रुपमा उठेको छ। तर पाश्चदर्शी कानुन बनाएर सजाय गर्न नपाइने फौजदारी न्यायको सिद्धान्त भएकाले पाण्डेलाई मानव बेचबिखन ऐन अन्तरगत नै मुद्दा चलाउनुपर्ने निष्कर्षमा सरकारी पक्ष पुगेको छ।


 

]]>
http://dhangadhikhabar.com/uploads/Manoj-pandey-aaropi-blatkar_20220522224155.jpg सुन्दरी प्रतियोगितामा बलात्कारको आरोप लागेका मनोज पाण्डे माथि मुद्दा चलाउने तयारी http://dhangadhikhabar.com/news/46985
भरतपुरमा रेनुको १० हजार बढीको अग्रता http://dhangadhikhabar.com/news/46984 Mon, 23 May 2022 13:55:11 +0545 http://dhangadhikhabar.com/news/46984 भरतपुर महानगरपालिकामा  रेनु दाहालले १० हजार २५७ मत अन्तरले अग्रता लिएकी छन्। भरतपुर  । भरतपुर महानगरपालिकामा  रेनु दाहालले १० हजार २५७ मत अन्तरले अग्रता लिएकी छन्।

उनले ४४ हजार ४५५ मत पाउदा नेकपा एमाले का विजय सुवेदीले ३४ हजार २९८ मत प्राप्त गरेका हुन्। स्वतन्त्र उम्मेदवार जगन्नाथ पौडेलले १३ हजार ५८३ मत प्राप्त गरेका छन्।

उपप्रमुखमा चित्रसेन अधिकारीले ४५ हजार ६९४ मत प्राप्त गरेका छन्। उपप्रमुखमा राप्रपाकी हिमला गुरुङले २७ हजार ११६ मत प्राप्त गरेकी छन्। महानगरमा हालसम्म एक लाख ११ हजार २७३ मतगणना सकिएको छ। अहिले वडा नं २५ र २६ को मतगणना जारी छ। 

भरतपुरमा एक लाख २७ हजार ८३९ मत खसेको छ। भरतपुरमा अहिलेसम्म २४ वडाको मतगणना सम्पन्न भएको छ। उनन्तीस वडा रहेको यस पालिकाको मतगणना आज रातिसम्ममा सम्पन्न हुने अनुमान गरिएको छ।

]]>
http://dhangadhikhabar.com/uploads/renu-bijay-bhartpur_20220515142124.jpg भरतपुरमा रेनुको १० हजार बढीको अग्रता http://dhangadhikhabar.com/news/46984
धनगढीको विकासका लागि पञ्चवर्षीय योजना संगै उपमहानगरपालि मा मेयर हमालको इन्ट्री http://dhangadhikhabar.com/news/46983 Mon, 23 May 2022 13:45:12 +0545 http://dhangadhikhabar.com/news/46983 धनगढी उपमहानगरपालिको मेयरमा गोपाल हमालले पञ्चवर्षीय आवधिक योजना निर्माण सम्बन्धी प्रस्ताव सदर गर्दै इन्ट्री गरेका छन्। धनगढी । धनगढी उपमहानगरपालिको मेयरमा गोपाल हमालले पञ्चवर्षीय आवधिक योजना निर्माण सम्बन्धी प्रस्ताव सदर गर्दै इन्ट्री गरेका छन्। 

उनले प्रमुख प्रशासकीय अधिकृत रामलाल श्रेष्ठले पेश गरेको फाइलमा हस्ताक्षर गर्दै सो निर्णय गरेका हुन्। 

हमाल समक्ष प्रमुख प्रशासकीय अधिकृत रामलाल श्रेष्ठले पेश गरेको प्रस्तावमा अगामी आर्थिक वर्ष २०७९र८० देखि २०८३र८४ सम्मको पहिलो पञ्चवर्षीय आवधिक योजना बनाइ कार्यान्वयनमा लैजाने उल्लेख छ। 

निर्णय पुस्तिकामा भनिएको छ, ‘स्थानीय सञ्चालन ऐन २०७४ मा भएको व्यवस्थालाई दृष्टिगत गर्न आवश्यक प्रक्रियागत कानून चालु आर्थिक वर्षमा अगाडि बढाउन र यसको लागि बजेट विनियोजन भैसकेकोले सो कार्य गर्नु मनासिवदेखि आवश्यक निर्णयार्थ पेस गरेको छु।’ 

पदभार ग्रहणपछि संक्षिप्त प्रतिक्रिया दिंदै मेयर हमालले धनगढीको विकासका लागि योजनाबद्व रूपमा काम थाल्ने उद्देश्यले पहिलो पञ्चवर्षीय आवधिक योजना बनाएर अगाडि बढ्ने बताएका छन्।


 

]]>
http://dhangadhikhabar.com/uploads/gopal-hamal-manonayan1_20220424114716.jpg धनगढीको विकासका लागि पञ्चवर्षीय योजना संगै उपमहानगरपालि मा मेयर हमालको इन्ट्री http://dhangadhikhabar.com/news/46983
डिलाशैनी गाउँपालिकाको अस्थाई पालिका बिद्यालयलाई हस्तान्तरण गरी नमुना बिधालय बनाउने तयारी http://dhangadhikhabar.com/news/46982 Mon, 23 May 2022 13:29:48 +0545 http://dhangadhikhabar.com/news/46982 डिलाशैनी गाउँपालिकाको अस्थाई पालिका केन्द्र बन्द गर्ने निर्णय भएको छ । धनगढी । डिलाशैनी गाउँपालिकाको अस्थाई पालिका केन्द्र बन्द गर्ने निर्णय भएको छ ।

५ बर्ष देखि संचालनमा रहेको अस्थाई केन्द्र सोमबार देखि बन्द गर्ने निर्णय गरेको छ ।डिलाशैनिका नवनिर्बाचित जनप्रतिनिधिले पालिकाका सबै काम डिलाशैनी गाउँपालिकाको वडा नम्बर ७ धामिगाउँबाट गर्ने निर्णय गरेका छन् ।

अब पालिकाका सबै काम धामिगाउँबाट हुनेछन गाउँपालिका अध्यक्ष सन्तोष प्रकाश जोशिका अनुसार ,पन्शेराको अस्थाई केन्द्र आज बाट बन्द गरिएको छ । अस्थाई केन्द्रको भवन महादेव माध्यमिक बिद्यालयलाई हस्तान्तरण गरेर यो बिधालय लाई नमुना बिधालय बनाउने गाउँपालिका अध्यक्ष सन्तोष प्रकाश जोशिले जानकारी दिए ।

]]>
http://dhangadhikhabar.com/uploads/281951953_737769434234308_3383259805840949702_n_20220523132910.jpg डिलाशैनी गाउँपालिकाको अस्थाई पालिका बिद्यालयलाई हस्तान्तरण गरी नमुना बिधालय बनाउने तयारी http://dhangadhikhabar.com/news/46982
०७४ सालमा प्रदेशमा ठुलो बनेको नेकपा एमाले दोस्रोमा झर्यो , कांग्रेस पहिलो http://dhangadhikhabar.com/news/46981 Mon, 23 May 2022 13:21:32 +0545 http://dhangadhikhabar.com/news/46981 सुदूरपश्चिम प्रदेशमा स्थानीय तहको परिणाम हेर्दा नेपाली कांग्रेस पहिलो पार्टी बन्ने पक्का भएको छ । धनगढी । सुदूरपश्चिम प्रदेशमा स्थानीय तहको परिणाम हेर्दा नेपाली कांग्रेस पहिलो पार्टी बन्ने पक्का भएको छ । प्रदेशका ८६ स्थानीय तहको मतगणना सम्पन्न भएको छ। प्रदेशका ८८ मध्ये ८६ पालिकाको अन्तिम मत परिणाम सार्वजनिक भएको हो।

सार्वजनिक मतपरिणाम अनुसार नेपाली कांग्रेसले ३९ स्थानीय तहमा विजयी भएको छ। कांग्रेसले डोटीका ७, बझाङका ६, अछामका ६, डडेल्धुराका ५, कञ्चनपुरका ५, बैतडीका ४, बाजुराका तीन र कैलालीका तीन स्थानीय तह जितेको छ।

०७४ सालमा नेपाली कांग्रेसले प्रदेशका ३८ स्थानीय तहमा जितेको थियो। यस्तै २०७४ सालमा प्रदेशमा ठुलो पार्टी बनेको नेकपा एमाले यस पटक दोस्रोमा झरेको छ। एमालेले २५ पालिकामा जित्दा नेकपा माओवादी केन्द्रले १४ पालिकामा प्रमुख र अध्यक्ष जितेको छ।

एमालेले दार्चुलाका ५, बाजुराका ५, बैतडीका ४, बझाङका ३, कञ्चनपुरका ३, कैलाली र अछाम २(२ तथा डोटीको एक स्थानीय तहमा जितेको हो । माओवादी केन्द्रले दार्चुलाका चार, बझाङ, डडेल्धुरा र कैलालीका २-२, बैतडी, डोटी अछाम र कञ्चनपुरका एक(एक स्थानीय तहमा जितेको छ।

५ महिना अगाडि मात्रै दर्ता भएको नागरिक उन्मुक्ति पार्टीले प्रदेशमा चार र एकीकृत समाजवादीले दुई पालिकामा जित निकाल्दा दुई पालिकामा स्वतन्त्र उम्मेदवार विजयी भएका छन् । अब प्रदेशका दुई नगरपालिकाको अन्तिम मतपरिणाम मात्रै सार्वजनिक गर्न बाँकी रहेको छ।


 

]]>
http://dhangadhikhabar.com/uploads/Congress-yada_20220305083055_20220501083943.jpg ०७४ सालमा प्रदेशमा ठुलो बनेको नेकपा एमाले दोस्रोमा झर्यो , कांग्रेस पहिलो http://dhangadhikhabar.com/news/46981
अक्टोबरबाट पुराना आईफोनमा ह्वाट्सएप नचल्ने http://dhangadhikhabar.com/news/46980 Mon, 23 May 2022 13:12:12 +0545 http://dhangadhikhabar.com/news/46980 तपाईं आईफोन ५ अथवा ५सी प्रयोगकर्ता हो र त्यसमा ह्वाट्सएप प्रयोग गर्दै हुनुहुन्छ भने ह्वाट्सएपले आगामी महिनाबाट त्यस्ता फोनमा सपोर्ट बन्द गर्ने भएको छ । काठमाडौं ।  तपाईं  आईफोन ५ अथवा ५सी प्रयोगकर्ता हो र त्यसमा ह्वाट्सएप प्रयोग गर्दै हुनुहुन्छ भने ह्वाट्सएपले आगामी महिनाबाट त्यस्ता फोनमा सपोर्ट बन्द गर्ने भएको छ । ह्वाट्सएपको बेटाबारे जानकारी दिने संस्था वाबेटाइन्फोका अनुसार कम्पनीले आईओएस १० र आईओएस ११ मा आधारित फोनमा सपोर्ट बन्द गर्ने तयारी गरेको हो ।

यो हिसाबले आईफोन ५ अथवा ५सीका प्रयोगकर्ता प्रभावित हुने जनाइएको छ । किन भने आईफोन ५ अथवा ५सीले आईफोन १२ तथा त्यो भन्दा पछिका आईओएस भर्सन सपोर्ट गर्न सक्दैन । यसको अर्थ यी दुई डिभाइसले आउने महिनाबाट सेक्युरिटी लगायतका कुनै पनि अपडेट प्राप्त गर्ने छैनन् ।

वाबेटाइन्फोलाई प्राप्त नोटिफिकेशन अनुसार आईओएस ११ मा आउँदो अक्टोबर २४ बाट सपोर्ट बन्द हुनेछ । यसको अर्थ यदि तपाईं आईफोन ५ अथवा ५सी प्रयोगकर्ताको हो र ह्वाट्सएप तपाईंको प्रमुख म्यासेजिङ एपमा पर्छ भने कम्पनीले सपोर्ट बन्द गर्नु पूर्व अर्को डिभाइस प्रयोग गर्नुको अर्को विकल्प रहँदैन् । 

]]>
http://dhangadhikhabar.com/uploads/whatsapp_20210125150903.jpg अक्टोबरबाट पुराना आईफोनमा ह्वाट्सएप नचल्ने http://dhangadhikhabar.com/news/46980
जेलमा सजाय काटिरहेका कपिल शर्मा सो का सिद्दु ले गरे दाल रोटी खान अस्वीकार http://dhangadhikhabar.com/news/46979 Mon, 23 May 2022 13:05:42 +0545 http://dhangadhikhabar.com/news/46979 भारतीय कांग्रेस नेता नवजोत सिंह सिद्धू आजकाल पटियाला जेलमा बन्द छन् । भारतीय कांग्रेस नेता नवजोत सिंह सिद्धू आजकाल पटियाला जेलमा बन्द छन् । उनी ३३ वर्ष पुरानो रोड रेज मुद्दामा सर्वोच्च अदालतद्वारा दिएको सजाय काटिरहेका छन् । 

यसैबीच सिद्धूले जेलमा दाल–रोटी खान अस्वीकार गरेका छन् । उनले पटियालाको राजिन्द्र अस्पताल लगिएको छ । जहाँ उनको स्वास्थ्य परीक्षण गरिँदै छ ।

जेल प्रशासनले मेडिकल बोर्डको गठन गरेको छ । यो बोर्डले सिद्धूका लागि डाइट प्लान तयार गर्नेछ । सिद्धूले आफूलाई गहुँसँग एलर्जी भएका कारण उनले जेलको खाना अस्वीकार गरेका छन् । उनले जेलको दाल–रोटी खाइरहेका छैनन् । उनले सलाद खाएर मात्रै दिन कटाइरहेका छन् ।

]]>
http://dhangadhikhabar.com/uploads/siddhu_Edo4eZwhof_20220523130343.png जेलमा सजाय काटिरहेका कपिल शर्मा सो का सिद्दु ले गरे दाल रोटी खान अस्वीकार http://dhangadhikhabar.com/news/46979
उद्घाटन, सम्मान जस्ता कार्यक्रममा नअल्झाई जनताको काम गर्ने वातावरण बनाइदिन धनगढी उपमहानगरपालिकाका मेयर हमालको आग्रह http://dhangadhikhabar.com/news/46978 Mon, 23 May 2022 12:54:42 +0545 http://dhangadhikhabar.com/news/46978 धनगढी उपमहानगरपालिकाका नवनिर्वाचित ले उद्घाटन तथा स्वागत सम्मान जस्ता काममा आफूलाई नअल्झाउन धनगढीवासीलाई आग्रह गरेका छन्। धनगढी  । धनगढी उपमहानगरपालिकाका नवनिर्वाचित ले उद्घाटन तथा स्वागत सम्मान जस्ता काममा आफूलाई नअल्झाउन धनगढीवासीलाई आग्रह गरेका छन्।

धगढीवासीले चुनावबाटै सम्मानजनक मत दिइसकेकाले अब काम गर्ने वातारण सिर्जना गरिदिन उनले फेसबुकमार्फत आग्रह गरेका छन्।

उनले लेखेका छन्, ‘यहाँहरुको अमूल्य मतबाट धनगढीको अभिभावकको जिम्मेवारीमा पुगाइसकेपछि अब मैले निर्वाह गर्नुपर्ने जिम्मेवारी पूरा गर्न मेरो सम्पूर्ण समय आजैदेखि लगाउने भएको हुँदा कृपया धनगढीवासी र यहाँका संघसंस्थाहरुलाई अति आवश्यक काम बाहेक उद्घाटन, सभा सेमिनार, स्वागत, सम्मान कार्यक्रम आदिमा नअल्झाई मलाई जनताको काम गर्ने वातावरण बनाइ सहयोग गरिदिनहुन हार्दिक अनुरोध गर्दछु।’

]]>
http://dhangadhikhabar.com/uploads/262584503_1642538365921152_1455720923046037559_n_20220523125434.jpg उद्घाटन, सम्मान जस्ता कार्यक्रममा नअल्झाई जनताको काम गर्ने वातावरण बनाइदिन धनगढी उपमहानगरपालिकाका मेयर हमालको आग्रह http://dhangadhikhabar.com/news/46978
आलु खेती तर्फ किसानहरू लाई व्यवसायिक बनाउने कृषि अधिकृत जोशीलाई ३० किलोको माला ले अभिनन्दन http://dhangadhikhabar.com/news/46977 Mon, 23 May 2022 11:59:46 +0545 http://dhangadhikhabar.com/news/46977 डडेल्धुरामा पहिलोपटक सरकारी कर्माचारीलाई अभिनन्दनसहित बिदाइ गरिएको छ। डडेल्धुरा । डडेल्धुरामा पहिलोपटक सरकारी कर्माचारीलाई अभिनन्दनसहित बिदाइ गरिएको छ। 

प्रधानमन्त्री आधुनिकीकरण परियोजना इकाई डडेल्धुराका कार्यालय प्रमुख खेमराज जोशीलाई अभिनन्दन गरिएको हो। विगत ५ वर्षदेखि आलु सुपरजोनको क्षेत्रमा काम गर्दै आएका वरिष्ठ कृषि अधिकृत जोशीलाई किसानहरुले ३० किलोको माला र बाजागजासहित जिल्ला सदरमुकामको बागबजार परिक्रमा गराएर अभिनन्दन गरेका छन्।  
 
आलु सुपरजोनमार्फत् प्रविधि प्रर्दशन, मल्चिङ प्रविधिबाट आलुखेती सुरु, व्यवसायीक आलु खेतीमा किसानहरूलाई अभिप्ररित गर्नुका साथै आलु खेतीका रूपमा जिल्लाको अमरगढी– १ भेटा, गन्यापधुरा गाउँपालिका–१ भातकाँडा, अजयमेरु गाउँपालिकाका विभिन्न वडाहरूलगायत नवदुर्गा गाउँपालिकामासमेत बृहत् आलु खेती तर्फ किसानहरू व्यवसायिक बनेका छन्।

जोशी जिल्लाका विभिन्न ठाँउमा बाँभाmे रहेको ३ सय हेक्टर जमिनमा आलु खेती गराउन सफल भएको बताइएको छ। प्रधानमन्त्री कृषि आधुनिकीकरण परियोजना आलु सुपरजोन डडेल्धुराका प्रमुख जोशीकाअनुसार चालुवर्षमा आलु खेती गर्ने किसानहरूको संख्या विगतभन्दा तेब्बरले वृद्धि भएको छ।

 जोशीले रास्ट्रपति बाट प्रबल जनसेवा श्री पदक समेत पाएका छन् ।
 

]]>
http://dhangadhikhabar.com/uploads/283352017_1015711705736575_6187005833557046205_n_20220523115939.jpg आलु खेती तर्फ किसानहरू लाई व्यवसायिक बनाउने कृषि अधिकृत जोशीलाई ३० किलोको माला ले अभिनन्दन http://dhangadhikhabar.com/news/46977
नवनिर्वाचित मेयर हमाल द्वारा पदभार ग्रहण http://dhangadhikhabar.com/news/46976 Mon, 23 May 2022 11:31:08 +0545 http://dhangadhikhabar.com/news/46976 धनगढीका नवनिर्वाचित मेयर गोपाल हमाल द्वारा पदभार ग्रहण गरिएको छ । धनगढी । धनगढी उपमहानगरपालिकाका नवनिर्वाचित नगर प्रमुख गोपाल हमालले पदभार ग्रहण गरेका छन । 
ज्योतिष शास्त्र अनुसार पुजाआजा गर्दै हमालले पदभार ग्रहण गरेका हुन । उनले आजै मुख्य निर्वाचन अधिकृत जयानन्द पनेरु बाट पद तथा गोपनियताको सपथ समेत लिएका हुन । 
यस भन्दा पुर्व उनले आजै बिहान धार्मिक स्थल बेहडाबाबामा समेत पुजा तथा दर्शन गरेका हुन । 

]]>
http://dhangadhikhabar.com/uploads/received_1693628187638640_20220523113058.jpeg नवनिर्वाचित मेयर हमाल द्वारा पदभार ग्रहण http://dhangadhikhabar.com/news/46976
किन जोगाउने नदीमा कछुवा , के छ महत्व ? http://dhangadhikhabar.com/news/46975 Mon, 23 May 2022 09:24:41 +0545 http://dhangadhikhabar.com/news/46975 कछुवा नदीमा हुनु भनेको नदीहरुमा बग्ने पानी स्वच्छ छ भन्ने संकेत हो। कछुवाको महत्व

कछुवा नदीमा हुनु भनेको नदीहरुमा बग्ने पानी स्वच्छ छ भन्ने संकेत हो। जसरी जमीनमा रहने अस्वस्थ्य जीवहरुलाई बाघ, चितुवाले खाएर पर्यावरण स्वच्छ राख्छन त्यसरी नै नदीभित्रका स–सानाजीवहरु र वनस्पति खाएर जलिय पर्यावरण स्वच्छ सन्तुलन कायम राख्नमा कछुवाहरुले मद्दत पुर्‍याउँछन्। यस्ता जीवहरुको अभावमा प्राकृतिक रुपमै पनि नदी अस्वस्थ्य हुन्छ।

पृथ्वीलाई स्वच्छ हराभरा र स्वस्थ्य राख्न पृथ्वीमा सिर्जना भएका सबै जीव–जीवात्माको आ–आफ्नो भूमिका र महत्व छ र तिनको संरक्षण भएमात्र मानवको संरक्षण हुन्छ। कछुवाले पनि यही महत्व राख्दछ। न त नदीमा माछा, कछुवा घडियाल गोही एक्लै रहन सक्छन्, न त सुक्ष्म जलीय जीवलगायतका जलचरहरु एक्ला–एक्लै बस्नरबाँच्न सक्छन्। यि जीवहरु अल्पकालीन समयको लागि भने चिडियाखाना जस्ता स्थानमा घेराभित्र मानवीय पालनपोषणबाट बाँच्न सक्लान् तर त्यसले पर्यावरणको स्वच्छता निर्माणमा भने कुनै भूमिका खेल्न सक्ने देखिदैन। यसरी प्रकृतिबाट श्रृजित जीव संरचनाहरु विनास भएपछि अन्तमा गएर मानिस पनि यस पृथ्वीमा एक्लै बाँचिरहन सम्भव होला ररु वनजङ्गल र सीमसारमा पाइने कछुवाले इकोसिस्टमलाई बचाई राख्नमा मूख्य भूमिका खेल्ने भएकाले कुनै पनि कछुवाका प्रजातिलाई संकटमा पार्नु हुदैन।

नदीय चक्र

जलीय वनस्पति लेऊ भनेको नदीको लागि मानिसको फोक्सोजस्तै हो। फोक्सोले शरीरका लागि जसरी काम गर्छ, त्यसरी नै जलीय वनस्पतिले जलीय इकोसिस्टमका लागि काम गरेको हुन्छ। नदीमा विभिन्न प्राकृतिक समुदायका लाखौ जीवप्रजाति–पानीमा हुने सुक्ष्म जीवाणुहरुदेखि माछा, भ्यागुता, सर्प, कछुवा, गोही, सोंस र जलियवनस्पति समेत० एक आपसमा मिलेर पर्यावरणीय स्वच्छता कायम गर्न मद्दत गर्दछ। भनिन्छ, जलीय वनस्पतिले छोडेको अक्सिजन जलीय जीवहरुले लिने र यिनीहरुले निस्कासन नगर्ने कार्बनडाइअक्साईड वनस्पतिले लिन्छन्। यिनीहरुबीच एक आपसमा माकुराको जालोजस्तो प्राकृतिक रुपमै संतुलित खाद्य आहार सञ्जाल ९एकले अर्कोलाई खाने जस्तैः वनस्पतिलाई किरा, माछा र कछुवाले खाने, किरालाई भ्यागुता र सर्पले खाईदिने र अन्तमा माछालाई कछुवा,गोहीले खाने० चलेको हुन्छ। खाद्य सञ्जाल चक्रमा विभिन्न प्रकारका सुक्ष्म जलीय वनस्पतिदेखि विभिन्न सुक्ष्म जलजीवहरु, माछाहरु र अन्तमा कछुवा र गोहीसमेत जोडिएको हुन्छ। यस्तो खाद्य श्रृंखला नदी तथा तालहरुमा सधैं सञ्चालनमा रहेको हुन्छ र यसैको सेराफेरोमा स्वच्छ जलीय पर्यावरण कायम भएको हुन्छ। यतिमात्रै कहाँ हो र१ जलीय वनस्पतिले जाडो याममा पानीलाई तातो र गर्मी याममा चिसो बनाएर राख्नाले यसमा आश्रित जलचरहरुलाई समयअनुसार बाँच्न ठूलै सहयोग पुग्दछ।

अब सौचौं, विचारै नगरी मनिसहरुले नदीका श्रोतहरु दोहन गरिरहनु आफ्नै खुट्टामा बन्चरो हानेजस्तै होइन तरु

अन्तमा, नदी भन्नाले प्रकृतिले सिर्जना गरिदिएका पानीमा पाईने सबै किसिमका जीवहरु माछा, कछुवा, गोही सोंसको अलवा जलीय वनस्पतिहरु र कैयौं प्रकारका सुक्ष्म जीवहरुको साझाघर हो भन्ने कुरा पनि बुझ्न, बुझाउन सके मानव जातिको पनि कल्याण हुने थियो कि ?

#पहिलोपोस्ट

]]>
http://dhangadhikhabar.com/uploads/maxresdefault_20220523092408.jpg किन जोगाउने नदीमा कछुवा , के छ महत्व ? http://dhangadhikhabar.com/news/46975
काठमाडौंमा बालेनको फराकिलो अग्रता कायमै, सिर्जनाले र केशव कति मतले पछि ? http://dhangadhikhabar.com/news/46974 Mon, 23 May 2022 09:05:52 +0545 http://dhangadhikhabar.com/news/46974 महानगरपालिकाको मेयर पदमा स्वतन्त्र उम्मेदवार बालेन साहले फराकिलो मतान्तरसहितको अग्रता कायमै राखेका छन्। काठमाडौं ।  महानगरपालिकाको मेयर पदमा स्वतन्त्र उम्मेदवार बालेन साहले फराकिलो मतान्तरसहितको अग्रता कायमै राखेका छन्। 

सोमबार बिहान सार्वजनिक भएको मतपरिणाम अनुसार बालेन ४३ हजार ७ सय ५७ मतसहित अग्रता फराकिलो पारेका छन्।

दोस्रो स्थानमा नेपाली कांग्रेसकी उम्मेदवार सिर्जना सिंह छिन्। उनले २५ हजार ६ सय ८० मत पाएकी छन्। बालेनले सिर्जनाको भन्दा १८ हजार ७७ मत धेरै पाएका छन् । 

तेस्रो स्थानमा धकेलिएका एमालेका केशव स्थापितले २४ हजार ५८८ मत पाएका छन् । सिर्जना र स्थापितको मतान्तर १ हजार ९२ छ। 

काठमाडौंमा हालसम्म १ लाख २४ हजार ५४४ मत गणना भइसकेको छ। यहाँ १ लाख ९० हजार ९८४ मत खसेको थियो । 
 

]]>
http://dhangadhikhabar.com/uploads/balendra-shah-supporterarrests_20220516162935.jpg काठमाडौंमा बालेनको फराकिलो अग्रता कायमै, सिर्जनाले र केशव कति मतले पछि ? http://dhangadhikhabar.com/news/46974
भरतपुर - रेनु दाहाल अग्रताको अपडेट http://dhangadhikhabar.com/news/46973 Mon, 23 May 2022 08:50:08 +0545 http://dhangadhikhabar.com/news/46973 भरतपुर महानगरपालिकामा पाँच दलीय गठबन्धनका प्रमुख र उपप्रमुखका उम्मेदवार जित नजिक पुगेका छन् । चितवन । भरतपुर महानगरपालिकामा पाँच दलीय गठबन्धनका प्रमुख र उपप्रमुखका उम्मेदवार जित नजिक पुगेका छन् ।

मतगणना अन्तिम चरणमा पुग्दै गर्दा नेकपा माओवादी केन्द्र का प्रमुख पदका उम्मेदवार रेनु दाहाल र नेपाली कांग्रेसका उपप्रमुख चित्रसेन अधिकारी जित नजिक छन् ।

अब महानगरमा २१ हजार ६१४ मत मात्रै गन्न बाँकी छ । महानगरमा एक लाख २७ हजार ८३९ मत खसेको थियो । आज बिहानसम्म एक लाख ६ हजार २२५ मत गणना भइसकेको छ ।

प्रमुखमा माओवादी केन्द्रकी दाहाल ९ हजार ९३० र कांग्रेसका अधिकारी १८ हजार ३२५ मतले अगाडि छन् । प्रमुखमा दाहालले ४३ हजार ७४३, एमालेका विजय सुवेदीले ३३ हजार ८१३ मत ल्याएका छन् । स्वतन्त्र उम्मेदवार जगन्नथ पौडेलले अहिलेसम्म १३ हजार ३७७ मत पाए ।

उपप्रमुखमा अधिकारीले ४५ हजार ७४, राप्रपाका हिमला गुरुङले २६ हजार ७४९ मत ल्याएका छन् । हाल वडा नम्बर २३ र २५ को मत गणना भइरहेको छ । महानगर पालिकामा २९ वडा छन् । यी दुई वडाको मत गणना पछि चार वडा मात्र गणना गर्न बाँकी रहन्छ ।

महानगरपालिकामा जित नजिक पुगेकी दाहाल निवर्तमान मेयरसमेत हुन् । उनलाई कांग्रेससहित पाँच दलीय गठबन्धनको सहयोग रहेको छ। निकट मत रहेका सुवेदी बागमती प्रदेश सदस्यबाट राजीनामा दिएर उम्मेदवार बनेका हुन् । उनलाई राप्रपाको साथ रहेको छ ।

]]>
http://dhangadhikhabar.com/uploads/renu-dahal_20220422145201.jpg भरतपुर - रेनु दाहाल अग्रताको अपडेट http://dhangadhikhabar.com/news/46973
बैतडीको डिलाशैनीका जनप्रतिनिधिले लिए शपथ http://dhangadhikhabar.com/news/46972 Mon, 23 May 2022 08:43:14 +0545 http://dhangadhikhabar.com/news/46972 बैतडीको डिलाशैनी गाउँपालिकाका जनप्रतिनिधिले शपथ ग्रहण गरेका छन्। धनगढी । बैतडीको डिलाशैनी गाउँपालिकाका जनप्रतिनिधिले शपथ ग्रहण गरेका छन्। 

नवनिर्वाचित उपाध्यक्ष, वडा अध्यक्ष र सदस्यहरुले पद तथा गोपनियताको शपथ ग्रहण गरेका हुन्।

डिलाशैनी गाउँपालिकाका अध्यक्ष सन्तोषप्रकाश जोशीले उपाध्यक्ष, वडा अध्यक्ष र सदस्यहरुलाई शपथ ग्रहण गराएका हुन्। अध्यक्ष जोशी स्वतन्त्रबाट निर्वाचित भएका थिए। 
 

]]>
http://dhangadhikhabar.com/uploads/dilasini11653213513_20220523084254.jpg बैतडीको डिलाशैनीका जनप्रतिनिधिले लिए शपथ http://dhangadhikhabar.com/news/46972
एनआईसी एशिया बैंकले शनिवार पनि सेवालाई प्रदान गर्ने , बैंकिङ्ग सेवा उपलब्ध हुने समय ? http://dhangadhikhabar.com/news/46971 Mon, 23 May 2022 08:37:56 +0545 http://dhangadhikhabar.com/news/46971 सरकारले जेठ १ गतेदेखि लागू हुनेगरी सातामा एक दिन बिदा थप गरेको छ । काठमाडौं । सरकारले जेठ १ गतेदेखि लागू हुनेगरी सातामा एक दिन बिदा थप गरेको छ । यसअघि शनिवार सार्वजनिक बिदा दिँदै आएको सकारले एक दिन थप गरेर आइतबार पनि बिदा दिने निर्णय गरेको हो । जसअनुसार अब शनिवार र आइतबार गरि २ दिन सार्वजनिक बिदा दिने भएको हो ।

तर एनआईसी एशिया बैंकले भने शनिवार पनि आफ्नो सेवालाई प्रदान गर्ने भएको छ । बैंकले ३६५ दिन नै देशभरिका विभिन्न शाखाबाट आफ्नो बैंकिङ्ग कारोबार उपलब्ध गराउने जानकारी गराएको छ ।

बैंकले एक सूचना जारी गर्दै बैंकले आफ्ना सेवाग्राहीहरुको बैंकिङ्ग सेवा–सुविधा सम्बन्धी आवश्यकतालाई मध्यनजर गर्दै जेठ १ गतेबाट शनिबार, आइतबार तथा अन्य सार्वजनिक विदाहरुमा पनि बैंकिङ्ग कारोबार उपलब्ध गराउने छ ।

बैंकको उक्त दिन बिहान ११ बजेदेखि दिउँसो ३ बजेसम्म बैंकिङ्ग सेवा उपलब्ध हुने बैंकले जनाएको छ । बैंकका अनुसार ३६५ दिन नै खुला रहने शाखाहरुको सूची पनि सार्वजनिक गरेको छ ।

]]>
http://dhangadhikhabar.com/uploads/Nic-asia-bank_20220523083745.jpg एनआईसी एशिया बैंकले शनिवार पनि सेवालाई प्रदान गर्ने , बैंकिङ्ग सेवा उपलब्ध हुने समय ? http://dhangadhikhabar.com/news/46971
चुनावमा असहयोग गर्ने ९ जनालाई राप्रपा बझाङले गर्यो कारबाही http://dhangadhikhabar.com/news/46970 Mon, 23 May 2022 08:29:17 +0545 http://dhangadhikhabar.com/news/46970 राष्ट्रिय प्रजातन्त्र पार्टी बझाङले स्थानीय तह सदस्य निर्वाचनका बेला असहयोग गरेको भन्दै पार्टीका ९ जनालाई कारबाही गरेको छ। धनगढी । राष्ट्रिय प्रजातन्त्र पार्टी बझाङले स्थानीय तह सदस्य निर्वाचनका बेला असहयोग गरेको भन्दै पार्टीका ९ जनालाई कारबाही गरेको छ। 

आइतबार पार्टीको जिल्ला कार्यसमितिले एक विज्ञप्ति निकाल्दै पार्टीमा रहेका ९ जनालाई साधारण सदस्य समेत नरहने गरी ५ वर्षका लागि निलम्बन गरेको जनाएको हो।

राप्रपा केन्द्रीय कार्यालय धुम्बाराही र सर्वसाधारणको जानकारी लागि भन्दै पार्टीका पूर्व पार्टी सहअध्यक्ष विश्वप्रकाश जेठारा, पूर्व पार्टी सल्लाहकार लालबहादुर खड्का, पूर्व पार्टी सचिव जनकबहादुर ओली, पूर्व कोषाध्यक्ष्य सुरतबहादुर च्वाँन, पूर्व पार्टी सदस्य जगतबहादुर सिंह जरोबर, पूर्व पार्टी उपाध्यक्ष जुनादेवी सिंह, वर्तमान पार्टी उपमेयर मनादेवी सिंह, वर्तमान महिला उपाध्यक्ष जानकीदेवी खाती र वर्तमान पार्टी सदस्य कर्णबहादुर रोकायालाई कम्तिमा ५ वर्ष साधारण सदस्य नरहने गरी निलम्बन गरिएको जिल्ला कार्यसमितिका अध्यक्ष धिरजविक्रम सिंहद्धारा हस्ताक्षरित विज्ञप्तीमा उल्लेख गरिएको छ।

]]>
http://dhangadhikhabar.com/uploads/raprapa-1_20211122103808.jpg चुनावमा असहयोग गर्ने ९ जनालाई राप्रपा बझाङले गर्यो कारबाही http://dhangadhikhabar.com/news/46970
कञ्चनपुरको भीमदत्तको मेयरमा काँग्रेसका पदम बोगटी निर्वाचित http://dhangadhikhabar.com/news/46969 Mon, 23 May 2022 08:23:28 +0545 http://dhangadhikhabar.com/news/46969 कञ्चनपुरको भीमदत्त नगरपालिकामा नेपाली काँग्रेसका पदम बोगटी विजयी भएका छन् । धनगढी । कञ्चनपुरको भीमदत्त नगरपालिकामा नेपाली काँग्रेसका पदम बोगटी विजयी भएका छन् । उनी १५ हजार ८ सय ८२ मत का साथ विजयी भएका हुन् । 

उनका निकटतम प्रतिद्वन्द्वी नेकपा एमालेका महेशप्रसाद पन्तले ८१७९ मत प्राप्त गरे। 

उपमेयरमा पनि काँग्रेसकै निलम जोशी निर्वाचित भएकी छिन्। उनले १२ हजार २ सय १६ मत प्राप्त गरिन्। उनका निकटतम प्रतिद्वन्द्वी नेकपा माओवादी केन्द्रका कृष्णदत्त जोशीले १० हजार ५ सय ९६ मत गरे।
 

]]>
http://dhangadhikhabar.com/uploads/padam-bogati_20211128171722.jpg कञ्चनपुरको भीमदत्तको मेयरमा काँग्रेसका पदम बोगटी निर्वाचित http://dhangadhikhabar.com/news/46969
कञ्चनपुरको पुनर्वास नगरपालिकाको मेयर र उपमेयरमा काँग्रेसको जित http://dhangadhikhabar.com/news/46968 Mon, 23 May 2022 08:10:01 +0545 http://dhangadhikhabar.com/news/46968 कञ्चनपुरको पुनर्वास नगरपालिकाको मेयर र उपमेयरमा नेपाली काँग्रेसले जित निकालेको छ । धनगढी । कञ्चनपुरको पुनर्वास नगरपालिकाको मेयर र उपमेयरमा नेपाली काँग्रेसले जित निकालेको छ । 

मेयरमा काँग्रेसका तोयप्रसाद शर्मा विजयी भएका छन्। उनी १० हजार ६ मत प्राप्त गर्द विजयी भएका हुन्। उनका निकटतम प्रतिद्वन्द्वी नेकपा एमालेका पदमबहादुर पुजाराले ४६७४ मत प्राप्त गरे।

उपमेयरमा  काँग्रेसकै भुलियाकुमारी राना विजयी भएकी छिन्। उनी ७३४५ मत प्राप्त गर्दै विजयी भएकी हुन्। उनका निकटतम प्रतिद्वन्द्वी नेकपा माओवादी केन्द्रका धोखे रानाले ५४९२ मत प्राप्त गरेको पुनर्वासका निर्वाचन अधिकृत किरण जोशीले बताए। 
 


 

]]>
http://dhangadhikhabar.com/uploads/Congress-yada_20220305083055_20220501083943.jpg कञ्चनपुरको पुनर्वास नगरपालिकाको मेयर र उपमेयरमा काँग्रेसको जित http://dhangadhikhabar.com/news/46968
देशका विभिन्न स्थानमा आजको मौसम अवस्था http://dhangadhikhabar.com/news/46967 Mon, 23 May 2022 07:59:35 +0545 http://dhangadhikhabar.com/news/46967 हाल नेपालमा स्थानीय वायु, भारतको उत्तर प्रदेश, बिहार, पश्चिम बंगाल आसपास रहेको न्यून चापीय रेखा र पश्चिमी वायुको प्रभाव रहेको छ। धनगढी ।  हाल नेपालमा स्थानीय वायु, भारतको उत्तर प्रदेश, बिहार, पश्चिम बंगाल आसपास रहेको न्यून चापीय रेखा र पश्चिमी वायुको प्रभाव रहेको छ।

हाल  बागमती प्रदेश र गण्डकी प्रदेशमा सामान्य देखि पुर्ण बदली रही देशका अन्य भूभागमा आंशिक देखि सामान्यता सफा रहेको छ ।साथै बागमती प्रदेश र गण्डकी प्रदेशका एकदुई स्थानमा मेघ गर्जन र चट्याङ्ग  सहित हल्का देखि मध्यम वर्षा भइरहेको छ। 

दिउँसो देशभर आंशिक देखि  सामान्य बदली  रहनेछ। देशका केही  स्थानहरुमा र मेघ गर्जन र चट्याङ्ग  र  हावा हुरी सहित हल्का देखि मध्यम वर्षाको सम्भावना रहेको छ।

राती लुम्बिनी प्रदेश लगायत गण्डकी प्रदेश, कर्णाली प्रदेश र सुदूर पश्चिम प्रदेशको पहाडी भूभागमा आंशिक देखि  सामान्य बदली  रही देशका  बाँकी  भूभागमा आंशिक बदली देखि मौसम सामान्यतया सफा रहनेछ। लुम्बिनी प्रदेशका केही स्थानहरूका साथै कर्णाली प्रदेशका पहाडी भूभागका एकदुई स्थानमा मेघ गर्जन र चट्याङ्ग र हावा हुरी सहित हल्का देखि मध्यम वर्षाको सम्भावना छ।

]]>
http://dhangadhikhabar.com/uploads/Mausam_DK_20210427081859.jpg देशका विभिन्न स्थानमा आजको मौसम अवस्था http://dhangadhikhabar.com/news/46967