Dhangadhi Khabar http://dhangadhikhabar.com Dhangadhi Khabar - Nepal's top news portal from Far west Nepal en-US hourly 1 Copyright 2021 Sun, 28 Nov 2021 13:26:05 +0545 भीम, सुवास र विष्णुलाई उपाध्यक्षमा बस्न ओलीको प्रस्ताव http://dhangadhikhabar.com/news/40360 Sun, 28 Nov 2021 13:19:50 +0545 http://dhangadhikhabar.com/news/40360 बन्दसत्रले आइतबार राति ओलीलाई सर्वसम्मत नेतृत्वको प्रस्ताव गर्ने अधिकार दिएपछि रावलको असहमतिका बीच ओली आकांक्षी नेताहरूसँग एकल र सामूहिक भेटवार्ता गरिरहेका छन् । १०औं महाधिवेशनमा सर्वसम्मत नेतृत्वको नाम प्रस्ताव गर्ने अधिकार पाएका केपी ओलीले अध्यक्षको दाबी गरिरहेका भीम रावल, वरिष्ठ उपाध्यक्षको दाबी गरिरहेका सुवास नेम्वाङ र महासचिवको दाबी गरिरहेका विष्णु पौडेललाई उपाध्यक्ष पदमा सहमतिमा आउन आग्रह गरेका छन् ।

बन्दसत्रले आइतबार राति ओलीलाई सर्वसम्मत नेतृत्वको प्रस्ताव गर्ने अधिकार दिएपछि रावलको असहमतिका बीच ओली आकांक्षी नेताहरूसँग एकल र सामूहिक भेटवार्ता गरिरहेका छन् ।

भेटका क्रममा उनले आकांक्षी नेताहरूलाई व्यवस्थापन गर्न विभिन्न विकल्पमा मनाउने प्रयास गरिरहेका छन् । तर अहिलेसम्म रावलसँग ओलीले संवाद गरेका छैनन् । ओलीलाई लाइनमा गएर नभेट्ने अडान राख्दै रावल भेट्न नगएका हुन् ।

रावल निकट एक नेताका अनुसार ओलीले आफूलाई भेट्न पालो कुरिरहेका नेता सकिएपछि मात्र रावलसँग कुरा गर्ने बताएका कारण रावलले भने चुनावी प्रचार थालेका छन् ।

आफ्नै टिम मिलाउन सकस परिरहेका वेला ओलीले नेताहरूलाई विभिन्न विकल्पसमेत दिएका छन् ।

राष्ट्रपति बनाउने आश्वासन नमानेपछि ओलीले नेम्वाङलाई उपाध्यक्षमै बस्न प्रस्ताव गरे पनि सो पदका अन्य आकांक्षीलाई कसरी व्यवस्थापन गर्ने भन्ने समस्या छ ।

उपाध्यक्षको दाबी गरिरहेका नेतालाई उपमहासचिवमा व्यवस्थापन गर्ने भनिए पनि माओवादी खेमाबाट आएका नेताहरूमध्ये एकजनालाई उपाध्यक्ष र एकजनालाई सचिव दिनैपर्ने दबाबमा ओली छन् ।

दबाबमा परेपछि ओलीले १० बुँदे पक्षधर नेताहरूलाई पदाधिकारीका लागि सर्वसम्मत नाम दिने विकल्प अघि सारे पनि सो समूहका सबैजसो नेता उम्मेदवार भएका कारण आन्तरिक छलफल हुन नसकेको एक नेताले बताए । तर, आइतबार बिहान उपाध्यक्षद्वय युवराज ज्ञवाली र अष्टलक्ष्मी शाक्य भने ओलीसँग भेट गरे फर्केका छन् ।

सहमति नभएसम्म बन्दसत्र हलमा नजाने अडानमा रहेका ओलीका कारण कतिपय प्रतिनिधि भने अधिवेशन लम्बिने चिन्तामा छन् ।

]]>
http://dhangadhikhabar.com/uploads/kp-oli1-09_20211128131945.jpg भीम, सुवास र विष्णुलाई उपाध्यक्षमा बस्न ओलीको प्रस्ताव http://dhangadhikhabar.com/news/40360
सुनको मूल्य बढ्यो, कतिमा हुँदैछ कारोबार ? http://dhangadhikhabar.com/news/40359 Sun, 28 Nov 2021 13:17:21 +0545 http://dhangadhikhabar.com/news/40359 नेपाली बजारमा आज सुनको मूल्य बढेको छ । नेपाली बजारमा आज सुनको मूल्य बढेको छ । साताको पहिलो कारोबार दिन आज छापावाल सुनको मूल्य प्रतितोला दुई सय रुपैयाँले बढेर ९२ हजार १०० पुगेको छ ।

शुक्रबार प्रतितोला ९१ हजार ९०० मा कारोबार भएको थियो । नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको आजको मूल्य प्रतितोला ९१ हजार ६०० रुपैयाँ कायम भएको छ ।

त्यस्तै चाँदीको मूल्य अघिल्लो कारोबार मूल्यका तुलनामा प्रतितोला रु १५ ले घटेर रु एक हजार २१० तोकिएको महासङ्घले जनाएको छ । अन्तर्राष्ट्रिय बजारमा आज सुन प्रतिऔँस एक हजार ७९२ डलर आसपास कारोबार भइरहेको छ ।

]]>
http://dhangadhikhabar.com/uploads/gold-sun_20201130112141.jpg सुनको मूल्य बढ्यो, कतिमा हुँदैछ कारोबार ? http://dhangadhikhabar.com/news/40359
छलफलमा अध्यक्ष ओली र नेता रावल http://dhangadhikhabar.com/news/40358 Sun, 28 Nov 2021 13:09:36 +0545 http://dhangadhikhabar.com/news/40358 नेकपा एमालेको जारी १० औं महाधिवेशनमा विभिन्न पदमा उम्मेदवारी दिने आकांक्षीहरुको डेलिगेसन सकिएसँगै अध्यक्ष केपी शर्मा ओली नेता भीम रावल छलफल गर्दै छन् । नेकपा एमालेको जारी १० औं महाधिवेशनमा विभिन्न पदमा उम्मेदवारी दिने आकांक्षीहरुको डेलिगेसन सकिएसँगै अध्यक्ष केपी शर्मा ओली नेता भीम रावल छलफल गर्दै छन् ।

नेकपा एमालेको जारी १०औं महाधिवेशनमा सर्वसम्मत रुपमा नेतृत्व चयनको प्रयास गरिरहँदा नेता भीम रावलले एक्लै भएपनि अध्यक्षको उम्मेदवारी दिने अडान राख्दै आएका छन् ।

आइतबार बन्दसत्र सुरु हुनुअघि नै उनका समर्थक प्रतिनिधिहरूले भीम रावलको पक्षमा भोट अपिल गर्दै पर्चासमेत बाँडिसकेका छन् । ओली समूहभित्र शीर्ष नेताहरूबीच वरिष्ठ उपाध्यक्ष, महासचिव लगायत पदमा आकांक्षा धेरै हुँदा कुरा नमिलेपछि बन्दसत्र सुरु हुन सकेको छैन ।

आइतबार मध्याह्न १२ बजेतिर नेता लेखराज भट्टसहित पूर्वमाओवादीको टोली अध्यक्ष ओलीसँग छलफल गरेर बाहिरिएको छ । बन्दसत्र सुरु हुनुअघि नै उनीहरूले आफ्नो पक्षका माग लिएर छलफलका लागि गएका हुन् ।

अध्यक्ष ओली र प्रदेशहरुका नेताबीचको छलफल सकिएको छ । केहीबेर अघि मात्रै सुदूरपश्चिम र प्रदेश २ का नेताहरु छलफलबाट बाहिरिएका छन् ।

]]>
http://dhangadhikhabar.com/uploads/bhim-oli_20210719142254.jpg छलफलमा अध्यक्ष ओली र नेता रावल http://dhangadhikhabar.com/news/40358
भीम रावलको पर्चा बाँड्ने कार्यकर्तालाई एमाले स्वयंसेवकले बाहिर पठाए http://dhangadhikhabar.com/news/40357 Sun, 28 Nov 2021 12:00:13 +0545 http://dhangadhikhabar.com/news/40357 नेकपा (एमाले) को १० औं राष्ट्रिय महाधिवेशनमा एमाले स्वयंसेवकहरुले भीम रावल पक्षका कार्यकर्तालाई रावलको पर्चा वितरण गरेको भन्दै बन्दसत्रको मुख्यद्वारबाट बाहिर निकालिएको छ । नेकपा (एमाले) को १० औं राष्ट्रिय महाधिवेशनमा एमाले स्वयंसेवकहरुले भीम रावल पक्षका कार्यकर्तालाई रावलको पर्चा वितरण गरेको भन्दै बन्दसत्रको मुख्यद्वारबाट बाहिर निकालिएको छ ।

भीम रावलको पर्चा वितरण गर्दै बन्दसत्रको मूल गेटसम्मै पुगेका रावल पक्षका कार्यकर्ताहरुलाई एमाले स्वयंसेवकहरुले झन्डै एक सय मिटर बाहिर पठाइदिएका हुन् ।

नेकपा एमालेका उपाध्यक्ष भीम रावलले ३२ पेजको मिनी बुकु निलाकेर शनिबार अध्यक्षको लागी मत मागेका थिए। महाधिवेशनको बन्दसत्र हलमा अध्यक्ष केपी शर्मा ओलीले सम्बोधन गरिरहँदा उनी बाहिर भोट मागिरहेका थिए।

आजपनि बन्दसत्रको हलभित्र प्रवेश गर्न लामबद्ध भएका प्रतिनिधिहरुलाई रावलका कार्यकर्ताहरुले ‘मेरो उम्मेदवारी किन’ लेखिएको पर्चा वितरण गरेका थिए ।

]]>
http://dhangadhikhabar.com/uploads/bhim-rawal-211_20211128120006.jpg भीम रावलको पर्चा बाँड्ने कार्यकर्तालाई एमाले स्वयंसेवकले बाहिर पठाए http://dhangadhikhabar.com/news/40357
तराईमा मङ्सिरमै मुटु काम्ने जाडाे ! http://dhangadhikhabar.com/news/40356 Sun, 28 Nov 2021 11:55:33 +0545 http://dhangadhikhabar.com/news/40356 यसपालि मध्य मङ्सिरअघि नै चिसो बढेकाे छ । यसपालि मध्य मङ्सिरअघि नै चिसो बढेकाे छ । महोत्तरीसहितका मध्यपूर्वी तराईमा यसपालि मध्य मङ्सिरअघि नै चिसोको कहर बढेको हो ।

विगत वर्षमा पुस लागेपछि बढ्ने गरेको चिसो हावा बहने क्रम यसपालि भने मङ्सिर मध्यपूर्व नै ह्वात्तै बढेको छ । मङ्सिरको दोस्रो हप्ता सुरु भएसँगै एकाबिहानैदेखि बाक्लो हुस्सु लागेर चिसो हावा बहिरहेपछि महोत्तरीसहितका मध्यपूर्वी तराईमा जनजीवन कष्टकर बनेको छ ।

जिल्लाको मध्य र दक्षिणी भेगमा बिहान हुस्सुले ढाक्दै आएको छ । मध्याह्नसम्म घाम देखिँदैन । यसपछि झल्याकझुलुक देखिने घाम मधुरो हुने र चिसो सिरेटो लगातार चलेपछि यसपालि मङ्सिरमै जाडो निकै बढेको हो ।

जिल्लाको उत्तरी भेगको पूर्वपश्चिम राजमार्ग वरपर बिहानै घाम झुल्के पनि तुसारोसँगै सिरेटो चल्ने क्रमले चिसो निकै बढाएको छ । मध्य र दक्षिणी भेगमा त मङ्सिर दोस्रो हप्ता लागेसँगै एकाबिहानैदेखि  बाक्लो हुस्सुले ढाक्दै आएको छ । मध्याह्नपछि देखिने घाम पनि मधुरो हुँदा यसपालि मध्य मङ्सिरअघि नै जाडो बढेको जलेश्वर नगरपालिका–५ पर्साका रामनारायण राउत जानकारी दिनुभयो । 

एक्कासी बदलिएको मौसमले व्यापार व्यवसायमात्र नभएर कृषि कार्य पनि प्रभावित छन् । मङ्सिर मध्यपूर्व नै यस्तो चिसो भएपछि यस भेगका बूढापाका पुस, माघ झन् कस्तो होला भन्दैछन् । 'खै उमेरले ६० वर्ष टेक्न लागियो, मङ्सिरमै यसरी लगलगी कमाउने जाडो त त्यति भोगेको सम्झनै छैन', भङ्गाहा नगरपालिका–४ रामनगरका ५९ वर्षीय किसान सत्यनारायण यादवले भन्नुभयो।

बढ्दो जाडोले यस भेगका गरिब र दलित बस्ती बढी जोखिममा परेका छन् । दैनिक ज्यालादारी गरेर गुजारा गर्नु पर्ने श्रमिक काममा जान नपाएपछि भोकभोकै बस्नपर्ने अवस्था बनेको छ ।'जाडो त सबैलाई हो ता नि..... हुनेखाने जाडोबाट बच्ने सरजाम (बन्दोबस्त) घरमै जुटाउँलान्, हामी बनीबुतो गरेर गुजारा गर्नेको चाहिँ के हविगत हुने हो अब', जिल्लाको बलवा नगरपालिका–१० को मुसहरीटोलका पलट माझी मुसहरले चिन्ता व्यक्त गर्नुभयो ।

चिसो बढ्दै जाँदा वृद्धवृद्धा, सुत्केरी र स–साना नानीहरूको स्याहार, सम्भार कठिन भएको छ । घरमा पोषणयुक्त ताजा खाना, न्यानो लुगा र घर वरपर सरसफाइमा कमी हुँदा पराले झुप्राका बस्ती बढ्दो जाडोले बढी प्रभावित भएका देखिन्छन् ।

यसैबीच जिल्लाका स्वास्थ्य संस्थाहरूले धमाधम सूचना प्रसारण गराएर चिसोमा आफ्नो घरपरिवारको स्याहार सम्भारमा ध्यान दिन आग्रह गरेका छन् । घरमा आफ्नै वरपर पाइने सागपात र गेडागुडीको झोल खान, अत्यन्त जरुरी काम नपरि बाहिर ननिस्कन, न्यानो ठाउँमा बस्न र घर वरपरको सरसफाइमा ध्यान दिन स्वास्थ्य संस्थाको तर्फबाट सूचना जारी गरिएका छन् ।

यसबाहेक फोहर कपडा, मिल्किएका कसिङ्गर, झुत्रा प्लाष्टिक र चिसो झ्यास सल्काएर आगो नबाल्न आग्रह गरिएको स्वास्थ्य कार्यालय महोत्तरीले जनाएको छ । यस्तो आगो बालिएको ठाउँबाट निस्कने धुवाँले पुराना बिरामीको श्वासप्रश्वासको समस्या झनै बढाउने र नयाँमा थपिने कार्यालयका जनस्वास्थ्य निरीक्षक गिरेन्द्रकुमार झाले बताउनुभयो ।

चिसोले जनजीवन कष्टकर बनाउन थालेपछि गरिब र दलित बस्तीमा तत्काल आगो बाल्न काठका सुकेका मुडा, खानपिनका सामग्री र न्यानो लुगाको सहयोग जुटाउने कार्यमा पहलकदमी लिन पालिकासँग सामाजिक सङ्घसंस्थाले आग्रह गरेका छन् । 'क्षति हुन थालेपछि मात्र राहतका पोका बोक्ने बानी छ हाम्रो, अब पालिकाको नेतृत्व चनाखो हुनुपर्छ', प्रयासका अध्यक्ष प्रवीण कर्णले भन्नुभयो,'अहिलेको तदारुकताले क्षति हुन कम सकिन्छ ।'

मङ्सिरमै चिसो बढेपछि पुस र माघ झनै चिसो बढ्ने अड्कलले गरिब बस्तीमा चिन्ता बढेको छ । गरिब बस्तीका बासिन्दाले जाडोबाट बचाउने उपायका लागि आ–आफ्ना बस्तीका पालिकाका प्रतिनिधि गुहार्न थालेका छन् ।

यसैबीच जिल्ला समन्वय समितिको कार्यालयले जिल्लाका १५ वटै पालिका र जिल्ला दैवी प्रकोप उद्धार समितिसँग चिसोबाट बर्सेनि हुँदै आएको जनधनको क्षति यसपालि हुन नदिन पूर्व सतर्कता र आवश्यक तयारीका लागि आग्रह गरेको छ ।

]]>
http://dhangadhikhabar.com/uploads/chiso_20201220083719.jpg तराईमा मङ्सिरमै मुटु काम्ने जाडाे ! http://dhangadhikhabar.com/news/40356
बन्दसत्र दुई घण्टा सरेपछि देउडा खेल खेल्दै प्रतिनिधि http://dhangadhikhabar.com/news/40355 Sun, 28 Nov 2021 11:50:55 +0545 http://dhangadhikhabar.com/news/40355 नेकपा (एमाले)को दशौं महाधिवेशनअन्तर्गत आज पनि बन्दसत्र हुँदैछ। नेकपा (एमाले)को दशौं महाधिवेशनअन्तर्गत आज पनि बन्दसत्र हुँदैछ। सर्वसम्मतिबाट नेतृत्व छनोट गर्ने भनिए पनि केही नेताले उम्मेदवारी दिने भएपछि बन्द सत्र केही समय पछाडि सारिएको छ।

आइतबार बिहान १० बजे हुने भनिएको बन्द सत्र दुई घण्टा पछि सारिएपछि प्रतिनिधिहरूले सर्वसम्मतबाट छनोट गर्न दबाब दिँदै आएका छन्।

कर्णाली प्रदेशका प्रतिनिधिहरुले देउडा नाचेर रमाइलो गरिरहेका छन्। उनीहरुले देउडा गीतबाट अध्यक्ष केपी शर्मा ओलीको समर्थन गरेका छन्।

]]>
http://dhangadhikhabar.com/uploads/deuda-khel1_20211128115155.jpg बन्दसत्र दुई घण्टा सरेपछि देउडा खेल खेल्दै प्रतिनिधि http://dhangadhikhabar.com/news/40355
यूएईविरुद्ध नेपाली महिला टोलीले पहिला बलिङ गर्ने http://dhangadhikhabar.com/news/40354 Sun, 28 Nov 2021 11:40:54 +0545 http://dhangadhikhabar.com/news/40354 नेपाली राष्ट्रिय महिला क्रिकेट टोलीले आज आईसीसी ट्वान्टी–२० विश्वकप एसियाली छनोटको जित्नैपर्ने खेलमा युनाइटेड अरब इमिरेट्स (यूएई) विरुद्ध पहिला बलिङ गर्ने भएको छ । नेपाली राष्ट्रिय महिला क्रिकेट टोलीले आज आईसीसी ट्वान्टी–२० विश्वकप एसियाली छनोटको जित्नैपर्ने खेलमा युनाइटेड अरब इमिरेट्स (यूएई) विरुद्ध पहिला बलिङ गर्ने भएको छ ।

दुबईस्थित आईसीसी क्रिकेट एकेडेमीको मैदानमा नेपालले टस जितेर बलिङ गर्ने निर्णय गरेको हो । पहिलोपटक ग्लोबल क्वालिफायरमा स्थान बनाउन आज नेपाललाई जित्नैपर्नेछ, त्यो पनि राम्रो रनरेटमा ।

आजै हङकङले पनि तुलनात्मक रूपमा कमजोर कुवेतविरुद्ध खेल्दै छ । हङकङले कुवेतलाई फराकिलो अन्तरमा पराजित गरे नेपालले यूएईलाई हराए पनि अगाडिको यात्रा कठिन हुनसक्छ । त्यसैले आज नेपाल जितसँगै राम्रो रनरेटसहित जित्ने लक्ष्यमा छ ।  

]]>
http://dhangadhikhabar.com/uploads/nepali-cricket-woman-national-team_20211126182620.jpg यूएईविरुद्ध नेपाली महिला टोलीले पहिला बलिङ गर्ने http://dhangadhikhabar.com/news/40354
माओवादी केन्द्र चौरपाटी गाउँपालिकाको अध्यक्षमा साउँद सर्वसम्मत निर्वाचित http://dhangadhikhabar.com/news/40353 Sun, 28 Nov 2021 11:28:54 +0545 http://dhangadhikhabar.com/news/40353 नेपाल कम्युनिष्ट पार्टी (माओवादी केन्द्र) चौरपाटी गाउँपालिकाको अध्यक्षमा जीवन विक्रम साउँद सर्वसम्मत निर्वाचित भएका छन । अछाम । नेपाल कम्युनिष्ट पार्टी (माओवादी केन्द्र) चौरपाटी गाउँपालिकाको अध्यक्षमा जीवन विक्रम साउँद सर्वसम्मत निर्वाचित भएका छन । शनिबार भएको प्रथम गाउँपालिका अधिवेशनबाट साउँद सर्वसम्मत अध्यक्षमा निर्वाचित भएका हुन ।

माओवादी केन्द्र जिल्ला कमिटी सदस्य समेत रहेका साउँदलाई सर्वसम्मत गाउँपालिकाको अध्यक्षमा निर्वाचित गरिएको हो । पार्टीका गाउँपालिका कमिटी अध्यक्ष शंकरमान बोहराको अध्यक्षतामा भएको कार्यक्रमका प्रमुख अतिथिमा नेकपा माओवादी केन्द्रका प्रभावशाली युवा नेता तथा सुदूरपश्चिम प्रदेश कमिटी सदस्य दिपक साउद रहेका थिए ।

यस्तै कार्यक्रममा जिल्ला सचिवालय सदस्य तथा चौरपाटी गाउँपालिका इञ्चार्ज राम बहादुर थापा, जिल्ला सचिवालय सदस्य सुरत भुल, वडा नम्बर १ का वडा अध्यक्ष सालिभान साउद, नेकपा एमालेका पार्टी प्रतिनिधि, नेपाली काँग्रेसका पालिका सभापति धर्म बहादुर साउदले शुभकामना दिएका थिए ।

]]>
http://dhangadhikhabar.com/uploads/jiwan-saud12_20211128113350.jpg माओवादी केन्द्र चौरपाटी गाउँपालिकाको अध्यक्षमा साउँद सर्वसम्मत निर्वाचित http://dhangadhikhabar.com/news/40353
एमाले महाधिवेशन : नामावली तयार गर्दै ओली http://dhangadhikhabar.com/news/40352 Sun, 28 Nov 2021 11:04:53 +0545 http://dhangadhikhabar.com/news/40352 नेकपा एमालेको दशौँ महाधिवेशनको बन्दसत्रमा नेतृत्व चयनका लागि सहमतिको प्रयास भइरहेको छ । नेकपा एमालेको दशौँ महाधिवेशनको बन्दसत्रमा नेतृत्व चयनका लागि सहमतिको प्रयास भइरहेको छ ।सर्वसम्मत रुपमा नाम प्रस्ताव गर्ने जिम्मेवारी पाएका पार्टी अध्यक्ष केपी शर्मा ओलीले नामावली तयार गर्ने काम गरिरहनुभएको नेताहरुको भनाइ छ ।

तर पदाधिकारी र केन्द्रीय सदस्यमा आकाङ्क्षी धेरै भएपछि नामावली तयार गर्न सकस भएको छ । बन्दसत्र सुरु हुनुअघि नै ओलीले सर्वसम्मत रुपमा नेतृत्वको प्रस्ताव तयार पार्ने नेताहरूले बताएका छन् ।

हिजो बेलुका बन्द सत्रमा अध्यक्ष ओलीलाई नाम सिफारिसका लागि सबै अधिकार दिने प्रस्ताव भएअनुसार आज बिहानैदेखि सहमतिको प्रयास चलिरहेको छ । तर नामावली तयार गरी घोषणा गर्ने प्रस्तावमा अध्यक्षका दाबेदार भीम रावल र उपाध्यक्षका आकाङ्क्षी घनश्याम भुसालको असहमति छ ।

दुई नेताको असहमति रहे पनि बन्दसत्रले नामावली पास गरेपछि निर्वाचन कमिटीले औपचारिक रुपमा सार्वजनिक गर्ने तयारी छ । कुनै पदमा कसैको असहमति रहेमा मनोनयन दर्ता गरेर चुनावमा जाने तयारी छ ।

एमालेमा अबको ५ वर्षका लागि नेतृत्व छान्न देशभरिबाट २ हजार १ सय ७५ प्रतिनिधि चितवनको सौराहामा जम्मा भएका छन् । गएको शुक्रवारदेखि सुरु भएको दशाैँ महाधिवेशन नयाँ नेतृत्व चयन गर्दै आज सक्ने कार्यतालिका छ ।

]]>
http://dhangadhikhabar.com/uploads/Kp_olil_BEjTgeTDpZ_20210713112347.jpg एमाले महाधिवेशन : नामावली तयार गर्दै ओली http://dhangadhikhabar.com/news/40352
बस दुर्घटना अपडेट : मृतक पाँचै जनाको सनाखत http://dhangadhikhabar.com/news/40351 Sun, 28 Nov 2021 10:56:34 +0545 http://dhangadhikhabar.com/news/40351 बस दुर्घटना हुँदा मृत्यु भएका पाँच जनाको सनाखत भएको छ । जाजरकोटमा बस दुर्घटना हुँदा मृत्यु भएका पाँच जनाको सनाखत भएको छ ।

मृत्यु हुनेमा रुकुम पश्चिमकी ४ वर्षीया विद्या शाही, उनकी आमा चन्द्रा मल्ल शाही, जाजरकोटकी अनिला नेपाली, शेरबहादुर परियार र सप्तरीका गंगाप्रसाद यादव रहेको जिल्ला प्रहरी कार्यलय जाजरकोटले जानकारी दिएको छ। 

नेपालगन्जबाट जाजरकोटको राडिबजार जाँदै गरेको को ना ७ ख २७५७ नम्बरको रात्रि बस गएराति २ बजे कुदु बराहचौक नजिक दुर्घटना हुँदा ५ जनाको घटनास्थलमै मृत्यु भएको थियो।  जाजरकोटका डीएसपी मधुकुमार थापाका अनुसार बसमा ३२ यात्रु सवार थिए। घाइते २७ जनाको जिल्ला अस्पताल जाजरकोटमा उपचार भइरहेको छ।

]]>
http://dhangadhikhabar.com/uploads/Bus_Accident_20211128080142.jpg बस दुर्घटना अपडेट : मृतक पाँचै जनाको सनाखत http://dhangadhikhabar.com/news/40351
बझाङमा आगो तापिरहेका बेला भनाभन हुँदा अगुल्टाले हानेर मृत्यु http://dhangadhikhabar.com/news/40350 Sun, 28 Nov 2021 10:51:41 +0545 http://dhangadhikhabar.com/news/40350 जयपृथ्वी नगरपालिका–७ ज्वाडाका ४७ वर्षीय पिरु भण्डारीको कुटपिटबाट मृत्यु भएको छ । बझाङ । जयपृथ्वी नगरपालिका–७ ज्वाडाका ४७ वर्षीय पिरु भण्डारीको कुटपिटबाट मृत्यु भएको छ ।

सोही वडाका दीपेन्द्र थापाले कुलीबाँध घाटमा आगो तापिरहेका बेला एकआपसमा भनाभन हुँदा भण्डारीलाई आगोको अगुल्टाले हान्दै कुटपिट गरेका जनाइएको छ ।

घाइते भण्डारीलाई शनिबार राति उपचारका लागि जिल्ला अस्पताल ल्याइएको र उपचारका क्रममा नै मृत्यु भएको जिल्ला प्रहरी कार्यालयले जनाएको छ ।

थापालाई नियन्त्रणमा लिई अनुसन्धान भइरहेको प्रहरी नायब उपरीक्षक ज्ञानबहादुर विष्टले बताए।

]]>
http://dhangadhikhabar.com/uploads/dead-body-file-photo_20210207125341.jpg बझाङमा आगो तापिरहेका बेला भनाभन हुँदा अगुल्टाले हानेर मृत्यु http://dhangadhikhabar.com/news/40350
कोरोनाको नयाँ भेरियन्ट ‘ओमिक्रोन’ को जोखिम बढेपछि नेपालमा पनि उच्च सतर्कता http://dhangadhikhabar.com/news/40349 Sun, 28 Nov 2021 10:45:04 +0545 http://dhangadhikhabar.com/news/40349 दक्षिण अफ्रिकामा देखिएको कोरोनाको नयाँ भेरियन्ट ‘ओमिक्रोन’ को जोखिम बढेपछि नेपालमा पनि उच्च सतर्कता अपनाइने भएको छ । दक्षिण अफ्रिकामा देखिएको कोरोनाको नयाँ भेरियन्ट ‘ओमिक्रोन’ को जोखिम बढेपछि नेपालमा पनि उच्च सतर्कता अपनाइने भएको छ ।

दक्षिण अफ्रिका, हङकङलगायतका देशमा देखिएको भेरियन्ट नेपालमा पनि आउन सक्ने उच्च जोखिम रहेको विज्ञले बताएका छन् । नयाँ भेरियन्टको रोकथाम तथा पूर्वतयारीका लागि सरकारले सीमा नाकामा कडाइ तथा सुरक्षित हवाई उडानबारे आज आवश्यक निर्णय गर्ने भएको छ ।

सीमा नाकामा कडाइ तथा अन्तर्राष्ट्रिय उडानबारे निर्णय गर्न आज बिहान कोभिड–१९ सङ्कट व्यवस्थापन समन्वय समिति सीसीएमसीसीको बैठक बस्दैछ । बैठक बिहान ११ बजे सिंहदरबारमा बस्ने सीसीएमसीसीका प्रवक्ता सुनिता नेपालले जानकारी दिनुभयो ।

पछिल्लो समय दक्षिण अफ्रिकामा देखिएको कोरोना भाइरसको नयाँ भेरियन्ट नेपालमा पनि आउन सक्ने भन्दै स्वास्थ्य तथा जनसङ्ख्या मन्त्रालयले जनस्वास्थ्यका मापदण्ड पूर्ण रुपमा पालना गर्न सबैसँग आग्रह गरेको छ ।  नयाँ भेरियन्टको जोखिमका कारण दक्षिण अफ्रिका हुँदै नेपाल आउने यात्रुलाई अनिवार्य रुपमा क्वरेण्टीन राख्ने विषयलाई मन्त्रालयले कडाइका साथ कार्यान्वयन गर्ने भएको छ ।

मन्त्रालयका सहप्रवक्ता डा. समिरकुमार अधिकारीले विश्वको जुनसुकै कुनामा नयाँ भेरियन्ट देखापर्दा नेपालमा पनि उत्तिकै जोखिम हुने भएकाले स्वास्थ्य सावधानी अपनाउन आवश्यक रहेको बताउनुभयो।

दक्षिण अफ्रिकामा भेटिएको कोरोना भाइरसको नयाँ भेरियन्टलाई विश्व स्वास्थ्य सङ्गठनले ‘भेरियन्ट अफ कन्सर्न’ घोषणा गरेपछि अफ्रिका हुँदै नेपाल आउने यात्रुका लागि स्वास्थ्य तथा जनसङ्ख्या मन्त्रालयले अनिवार्य क्वरेण्टीनको व्यवस्था गरेको उहाँको भनाइ छ ।

नयाँ भेरियन्ट अहिलेसम्म नेपालमा नदेखिएकाले आत्तिनु नपर्ने तर सावधानी भने पूर्ण रुपमा अपनाउनुपर्नेमा उहाँको जोड दिनुभएको छ । नेपालमै भेरियन्ट पहिचान गर्न सक्ने भएकाले कोरोना सङ्क्रमण देखिएका यात्रुको विवरणको आधारमा जिन सिक्वेसिङ गरिरहेको सहप्रवक्ता अधिकारीले बताउनुभयो।

]]>
http://dhangadhikhabar.com/uploads/minister-of-health-1_20210526170116.jpg कोरोनाको नयाँ भेरियन्ट ‘ओमिक्रोन’ को जोखिम बढेपछि नेपालमा पनि उच्च सतर्कता http://dhangadhikhabar.com/news/40349
कञ्चनपुरमा लागुऔषधसहित तीनजना पक्राउ http://dhangadhikhabar.com/news/40348 Sun, 28 Nov 2021 10:34:16 +0545 http://dhangadhikhabar.com/news/40348 पुनर्वास नगरपालिका–६, मिलनबजार क्षेत्रबाट सशस्त्र प्रहरीले आज लागुऔषध नेट्राभेट–१० सहित तीनजनालाई पक्राउ परेको छ । कञ्चनपुर । पुनर्वास नगरपालिका–६, मिलनबजार क्षेत्रबाट सशस्त्र प्रहरीले आज लागुऔषध नेट्राभेट–१० सहित तीनजनालाई पक्राउ परेको छ ।

से४प ३३००८ नम्बरको मोटरसाइकलमा भारततर्फबाट आउँदै गरेका कैलाली उपमहानरपालिका–१, एलएनचोक बस्ने २० वर्षीय रोहित पार्की र सोही मोटरसाइकलको पछाडि बस्ने गोदावरी नगरपालिका–१०, मालाखेती बस्ने २१ वर्षीय आशिष भाट तथा ओलानी बस्ने २१ वर्षीय नीरज बडैलालाई नेट्राभेट–१० नामक लागुऔषध ३० ट्याबलेटसहित पक्राउ गरिएको सशस्त्र प्रहरी बल शैलेश्वरीका सशस्त्र प्रहरी उपरीक्षक वीरेन्द्र ऐरले जानकारी दिए ।

उनका अनुसार तीनैजनाले लागुऔषधसमेत सेवन गरेको अवस्थामा रहेका थिए । लागुऔषधसहित तीनैजनाको साथबाट तीनथान मोबाइल, एक हजार ४०० रुपैयाँसमेत बरामद गरिएको छ । लागुऔषधसहित पक्राउ परेका तीनैजनालाई इलाका प्रहरी कार्यालय त्रिभुवनबस्तीमा बुझाइएको छ ।

]]>
http://dhangadhikhabar.com/uploads/pakrau-group1_20210902133342.jpg कञ्चनपुरमा लागुऔषधसहित तीनजना पक्राउ http://dhangadhikhabar.com/news/40348
सामुदायिक विद्यालय अदुवा बेचेर आर्थिक अभाव टार्दै http://dhangadhikhabar.com/news/40347 Sun, 28 Nov 2021 09:31:19 +0545 http://dhangadhikhabar.com/news/40347 विद्यालय चलाउन अदुवाखेती गरेको रोल्पाको एक सामुदायिक विद्यालयले उत्पादित अदुवा बिक्री गर्न थालेको छ । विद्यालय चलाउन अदुवाखेती गरेको रोल्पाको एक सामुदायिक विद्यालयले उत्पादित अदुवा बिक्री गर्न थालेको छ ।

रोल्पा नगरपालिका–२ देउरालीमा रहेको सरस्वती आधारभूत विद्यालयले विद्यालय परिसरमा उत्पादित अदुवा बिक्री वितरण गर्न थालेको हो ।

‘आर्थिक अभावका कारण विद्यालय सञ्चालनमा समस्या देखिएपछि अघिल्लो वर्ष रोपिएको अदुवा बिक्री वितरण गर्दै हिँडेका छौं,’ विद्यालय व्यवस्थापन समितिका अध्यक्ष जगबहादुर वलीले भने । उनका अनुसार उत्पादित अदुवामध्ये आधा कोसेलीको रूपमा वितरण र आधा बजारमा बिक्री गरिने जनाइएको छ । 

‘यस वर्ष १० क्विन्टल अदुवा उत्पादन हुने अनुमान गरेका छौं,’ विद्यालयका शिक्षक होमबहादुर खड्काले भने, ‘उत्पादितमध्ये ५ क्वीन्टल निकालिसकेका छौं, अरु निकाल्न बाँकी छ ।’

विद्यालयले उत्पादित अदुवा सदरमुकाम लिवाङमा रहेका शिक्षण संस्था, अन्य सरकारी तथा गैरसरकारी कार्यालय र व्यापारीलाई कोसेलीस्वरूप वितरण गरिरहेको जनाएको छ ।

विद्यालय आफैंले अदुवा उत्पादन गरेको प्रचारप्रसार गर्न र आर्थिक सहयोग संकलन गर्न कोसेलीस्वरूप वितरण गर्दै हिँडेको शिक्षक खड्काको भनाइ छ ।

कोसेली वितरणपछि बचेको अदुवा बजारमा बिक्री वितरण गर्ने योजना बनाएको विद्यालयले स्थायी आयस्रोतको रूपमा अदुवाखेती गरेको जनाएको छ । निजी स्रोतमा काम गर्ने शिक्षकहरूको तलब व्यवस्थापनमा समस्या परेपछि विद्यालयले यस्तो योजना अघि बढाएको छ ।

]]>
http://dhangadhikhabar.com/uploads/aduwa_20210626081756.jpg सामुदायिक विद्यालय अदुवा बेचेर आर्थिक अभाव टार्दै http://dhangadhikhabar.com/news/40347
कैलालीमा पूर्वपश्चिम राजमार्ग अवरुद्ध, क्षेती पूर्ति पाउनु पर्ने माग http://dhangadhikhabar.com/news/40346 Sun, 28 Nov 2021 09:04:40 +0545 http://dhangadhikhabar.com/news/40346 कैलालीमा ट्रकको ठक्करबाट मोटरसाइकल चालक बसन्तराज शर्माको मृत्यु भएपछि पूर्वपश्चिम राजमार्ग अवरुद्ध गरिएको छ। कैलालीमा ट्रकको ठक्करबाट मोटरसाइकल चालक बसन्तराज शर्माको मृत्यु भएपछि पूर्वपश्चिम राजमार्ग अवरुद्ध गरिएको छ।

मृतकका आफन्तले टायर बालेर बिहान ८ बजेबाट सडक अवरुद्ध गरी क्षेती पूर्ति पाउनु पर्ने माग गरेको प्रहरीले बताएको छ। ट्रक चालकको पहिचान नभएको र उनी फरार रहेको प्रदेश ट्राफिक प्रहरी कार्यालय अत्तरियाले जनाएको छ। उनको खोजी कार्य भइरहेको बताइएको छ।

शनिबार जिल्लाको घोडाघोडी नगरपालिका ५ डोकेबजारमा पश्चिमबाट पूर्वतर्फ गइरहेको सु.प.प्र.०१ ००८ प ५४७५ नम्बरको मोटरसाइकललाई विपरीत दिशाबाट आइरहेको लु १ ख ४६६६ नम्बरको ट्रकले ठक्कर दिएको थियो। 

]]>
http://dhangadhikhabar.com/uploads/Jaam_20211128090429.jpg कैलालीमा पूर्वपश्चिम राजमार्ग अवरुद्ध, क्षेती पूर्ति पाउनु पर्ने माग http://dhangadhikhabar.com/news/40346
आगोको अगुल्टाले हान्दै कुटपिट, एकको मृत्यु http://dhangadhikhabar.com/news/40345 Sun, 28 Nov 2021 08:55:38 +0545 http://dhangadhikhabar.com/news/40345 बझाङको जयपृथ्वी नगरपालिका–७ ज्वाडाका ४७ वर्षीय पिरु भण्डारीकोे कुटपिटबाट मृत्यु भएको छ । बझाङको जयपृथ्वी नगरपालिका–७ ज्वाडाका ४७ वर्षीय पिरु भण्डारीकोे कुटपिटबाट मृत्यु भएको छ ।

सोही वडाका दीपेन्द्र थापाले कुलीबाँध घाटमा आगो तापिरहेका बेला एकआपसमा भनाभन हुँदा भण्डारीलाई आगोको अगुल्टाले हान्दै कुटपिट गरेको जनाइएको छ ।

घाइते भण्डारीलाई शनिबार राति उपचारका लागि जिल्ला अस्पताल ल्याइएको र उपचारका क्रममा नै मृत्यु भएको जिल्ला प्रहरी कार्यालयले जनाएको छ । थापालाई नियन्त्रणमा लिई अनुसन्धान भइरहेको प्रहरी नायब उपरीक्षक ज्ञानबहादुर विष्टले बताए ।  

]]>
http://dhangadhikhabar.com/uploads/news/Kutpit34.jpg आगोको अगुल्टाले हान्दै कुटपिट, एकको मृत्यु http://dhangadhikhabar.com/news/40345
लिभरपुलको सानदार जित, लिभरपुल १३ खेलबाट २८ अंक जोड्दै दोस्रो स्थानमा http://dhangadhikhabar.com/news/40344 Sun, 28 Nov 2021 08:48:24 +0545 http://dhangadhikhabar.com/news/40344 इंग्लिस प्रिमियर लिगमा लिभरपुलले सानदार जित हात पारेको छ। इंग्लिस प्रिमियर लिगमा लिभरपुलले सानदार जित हात पारेको छ। शनिबार राति भएको खेलमा लिभरपुलले साउथह्याम्टनलाई ४-० गोलले पराजित गर्‍यो।

लिभरपुलका लागि जोटाले दोस्रो र ३२ मिनेटमा गरी दुई गोल गरे। थियागोले ३७ मिनेट र भान डाइकले ५२ मिनेटमा एक एक थपेका थिए।

त्यसअघि आर्सनलले न्युकासललाई २-० गोलले हरायो। आर्सनलका लागि साका र मारटिनेलिलीले एक एक गोल गरे।लिगमा लिभरपुल १३ खेलबाट २८ अंक जोड्दै दोस्रो स्थानमा उक्लिएको छ। शीर्ष स्थानको चेल्सीको १२ खेलबाट २९ अंक छ।

तेस्रो स्थानको म्यानचेस्टर सिटीको १२ खेलबा६ २६ र चौथो स्थानको वेस्ट हामको २३ अंक छ। पाँचौ स्थानको आर्सनलको १३ खेलबाट २३ अंक नै छ।

]]>
http://dhangadhikhabar.com/uploads/Football_20211128084816.jpg लिभरपुलको सानदार जित, लिभरपुल १३ खेलबाट २८ अंक जोड्दै दोस्रो स्थानमा http://dhangadhikhabar.com/news/40344
ट्रकले मोटरसाइकललाई ठक्कर दिँदा एक जनाको मृत्यु http://dhangadhikhabar.com/news/40343 Sun, 28 Nov 2021 08:39:08 +0545 http://dhangadhikhabar.com/news/40343 ट्रकले मोटरसाइकललाई ठक्कर दिँदा एक जनाको मृत्यु भएको छ। कैलालीमा ट्रकले मोटरसाइकललाई ठक्कर दिँदा एक जनाको मृत्यु भएको छ। घोडाघोडी नगरपालिका वडा नम्बर ५ डोकेबजारमा पश्चिमबाट पुर्व तर्फ गइरहेको सु प प्र ०१ ००८ प ५४७५ नम्बरको मोटरसाइकललाई विपरीत दिशाबाट आइरहेको लु १ ख ४६६६ नम्बरको ट्रकले ठक्कर दिँदा एक जनाको मृत्यु भएको हो।

मृत्यु हुनेमा मोटरसाइकल चालक कञ्चनपुरको बेलौरीका ५० वर्षीय बसन्तराज शर्मा रहेको छन्। उनी ट्रकको ठक्कर पछि घाइते भएको र उनको घोडाघोडी अस्पतालमा उपचारका क्रममा मृत्यु भएको प्रदेश ट्राफिक प्रहरी कार्यालय अत्तरियाले जनाएको छ। ट्रक चालक फरार रहेको र खोजी कार्य भइरहेको प्रहरीले बताएको छ।

]]>
http://dhangadhikhabar.com/uploads/death-dead_20211121105410.jpg ट्रकले मोटरसाइकललाई ठक्कर दिँदा एक जनाको मृत्यु http://dhangadhikhabar.com/news/40343
एमाले महाधिवेशन : ओलीले पदाधिकारी र केन्द्रीय सदस्यको सूची तयार पारे http://dhangadhikhabar.com/news/40342 Sun, 28 Nov 2021 08:30:36 +0545 http://dhangadhikhabar.com/news/40342 नेकपा एमालेमा अध्यक्ष केपी शर्मा ओलीले चितवनमा जारी पार्टीको १० औं महाधिवेशनमा आज पदाधिकारी र केन्द्रीय सदस्यको सूची सार्वजनिक गर्ने भएका छन् । नेकपा एमालेमा अध्यक्ष केपी शर्मा ओलीले चितवनमा जारी पार्टीको १० औं महाधिवेशनमा आज पदाधिकारी र केन्द्रीय सदस्यको सूची सार्वजनिक गर्ने भएका छन् । 

शनिबार पदाधिकारी र केन्द्रीय सदस्य छान्ने जिम्मा पाएका ओलीले आज बिहान १० बजे बन्द सत्रमा सूची सार्वजनिक गर्ने भएका हुन् । 

पदाधिकारी र केन्द्रीय सदस्य थप्ने जिम्मा अध्यक्ष ओलीलाई दिने प्रस्ताव महाधिवेशनको दोस्रो बन्द सत्रले पारित गरेपछि पार्टी उपाध्यक्ष भीम रावल र उपमहासचिव घनश्याम भुसालले भने असन्तुष्टि जनाएका थिए । १९ पदाधिकारी थपिएसँगै अब एमाले केन्द्रीय कमिटी ३०१ सदस्यीय बनेको छ । 

स्रोतका अनुसार वरिष्ठ उपाध्यक्ष ईश्वर पोखरेल बन्ने सम्भावना छ । ओलीले वरिष्ठ उपाध्यक्षमा आफूनिकट पोखरेललाई पहिलो रोजाइमा राखेका छन् । त्यस्तै, ओलीले उपाध्यक्षको सूचीमा विष्णु पौडेल, अष्टलक्ष्मी शाक्य, भीम रावल, सुवासचन्द्र नेम्वाङ, रामबहादुर थापा बादल, लालबाबु पण्डित, रघुवीर महासेठ, घनश्याम भुसालको नाम राखेका छन् ।  

महासचिवमा शंकर पोखरेलको चर्चा छ । उनलाई महासचिव बनाउनुपर्ने प्रस्ताव आएपछि विष्णु पौडेलले भने असन्तुष्टि जनाएका छन् । 

उपमहासचिव पदमा प्रदीप ज्ञवाली, पृथ्वी सुब्बा गुरुङ र योगेश भट्टराईको चर्चा रहेको छ । पार्टी विभाजन हुँदा एमालेमै रहेकाले ओलीले भट्टराईको नाम महासचिवमा राखेका हुन् । 

एमालेमै रहेपछि ओलीले भट्टराईलाई प्रचार विभाग प्रमुखको जिम्मेवारी पनि दिएका थिए । 

]]>
http://dhangadhikhabar.com/uploads/KPOli_ws5w2NnSFp_20210705103040.jpg एमाले महाधिवेशन : ओलीले पदाधिकारी र केन्द्रीय सदस्यको सूची तयार पारे http://dhangadhikhabar.com/news/40342
बस दुर्घटना : पाँच जनाको मृत्यु, २७ जना घाइते http://dhangadhikhabar.com/news/40341 Sun, 28 Nov 2021 08:01:52 +0545 http://dhangadhikhabar.com/news/40341 जाजरकोटमा आज बिहान बस दुर्घटना भएको छ। जाजरकोटमा आज बिहान बस दुर्घटना भएको छ। दुर्घटनामा परी पाँच जनाको मृत्यु भएको जाजरकोटका डीएसपी मधुकुमार थापाले जानकारी दिए। 

उनका अनुसार  दुर्घटनामा थप २७ जना घाइते भएका छन्। घाइते सबैको जिल्ला अस्पताल जाजरकोटमा उपचार भइरहेको छ।

नेपालगन्जदेखि जाजरकोटको राडिबजार जाँदै गरेको ना६ख २७५७ नम्बरको रात्रि बस राति साढे २ बजेतिर कुदु बराहचोक नजिक दुर्घटना भएको हो। घटनाको थप विवरण आउन बाँकी छ।

]]>
http://dhangadhikhabar.com/uploads/Bus_Accident_20211128080142.jpg बस दुर्घटना : पाँच जनाको मृत्यु, २७ जना घाइते http://dhangadhikhabar.com/news/40341
भोकमरी हुने अवस्था आएपछि स्थलमार्ग भएर कैलालीबाट चामल पठाइयो http://dhangadhikhabar.com/news/40340 Sun, 28 Nov 2021 07:53:09 +0545 http://dhangadhikhabar.com/news/40340 भोकमरी हुने अवस्था आएपछि हुम्ला जिल्लाका लागि धनगढीबाट स्थलमार्ग भएर खाद्यान्न ढुवानी गर्न थालिएको छ । भोकमरी हुने अवस्था आएपछि हुम्ला जिल्लाका लागि धनगढीबाट स्थलमार्ग भएर खाद्यान्न ढुवानी गर्न थालिएको छ । खाद्य व्यवस्था तथा व्यापार कम्पनी लिमिटेडको धनगढी मोहनपुरस्थित गोदामबाट शुक्रबार हुम्लाका लागि ९० क्वीन्टल चामल पठाइएको छ । कम्पनीका क्षेत्रीय प्रमुख एन्जिला बस्नेतले हुम्ला सदरमुकाम सिमकोटका लागि ट्रकबाट ९० क्वीन्टल चामल पठाइएको जानकारी दिइन् । हुम्लामा चामल ढुवानीको ठेक्का पाएको गणेश ढुवानी सेवाले शुक्रबार बिहान चामल लगेको हो ।

उक्त ढुवानी सेवाले आइतबार पनि चामल लैजाने जानकारी गराएको बस्नेतले बताइन् । ‘ढुवानीको ठेक्का पाएका व्यवसायीले थप चामल यही आइतबार उठाउने भनेको छ ।’ बस्नेतले भनिन्, ‘हुम्लाका लागि निर्धारण गरिएको कोटाको चामल हामीसँग मौजदात छ ।’ खाद्य व्यवस्था तथा व्यापार कम्पनी लिमिटेड धनगढीबाट ढुवानी हुने गरी यस वर्ष सिमिकोट र हुम्लाकै श्रीनगर डिपोका लागि सात÷सात सय क्वीन्टल चालको कोटा निर्धारण गरिएको छ ।उक्त चामल ढुवानी हुन सकेको छैन ।

मोहनपुर गोदाममा १६ हजार क्वीन्टल चामल मौजदात रहेकाले केन्द्रले अनुमति दिए हुम्लामा आवश्यकताअनुसार चामल पठाउन सकिने क्षेत्रीय कार्यालयले जनाएको छ । खाद्यान्न अभावले भोकमरी हुने अवस्था आएपछि हुम्लाको नाम्खा गाउँपालिकाको लिमि क्षेत्रका स्थानीय खाद्यान्नको माग गर्दै काठमाडौँ पुगेका छन् । खाद्यको धनगढी डिपोमा भने खाद्यान्न मौजदात छ । खाद्यको धनगढी डिपोबाट सुदूरपश्चिमका पहाडी जिल्लाका साथै स्थल मार्गबाट हुम्ला, मुगु र सुर्खेतमा पनि चामल ढुवानी हुने गरेको छ । 

]]>
http://dhangadhikhabar.com/uploads/Khadhyanna_Dhuwani_20211128075116.jpg भोकमरी हुने अवस्था आएपछि स्थलमार्ग भएर कैलालीबाट चामल पठाइयो http://dhangadhikhabar.com/news/40340
विश्वभर ४ लाख ७४ हजार थपिए, ३ लाख ६५ हजार ४५८ संक्रमित निको http://dhangadhikhabar.com/news/40339 Sun, 28 Nov 2021 07:43:50 +0545 http://dhangadhikhabar.com/news/40339 विश्वभर ४ लाख ७४ हजार ६८३ जनामा कोरोना संक्रमण पुष्टि भएको छ । विश्वभर ४ लाख ७४ हजार ६८३ जनामा कोरोना संक्रमण पुष्टि भएको छ । ओल्डोमिटरको पछिल्लो विवरणअनुसार यही अवधिमा ३ लाख ६५ हजार ४५८ संक्रमित निको भएका छन् भने ५ हजार २९५ जना संक्रमितको मृत्यु भएको छ ।

थपिने संक्रमितको संख्या प्रायजसो युरोपका मुलुकहरुमा धेरै छ । तीमध्ये जर्मनीमा ४९ हजार ३११, अमेरिकामा ३९ हजार ५६७, फ्रान्समा ३७ हजार २१८, रुसमा ३३ हजार ९४६, पोल्याण्डमा २६ हजार १८२, नेदरल्याण्डमा २२ हजार ३१ र बेल्जियममा २१ हजार ७७२ जना थपिएका हुन् ।

मृत्यु हुनेमा पनि युरोपकै मुलुकहरुमा धेरै देखिएको छ । सबैभन्दा धेरै रुसमा एक हजार २३९, युक्रेनमा ५६८, पोल्याण्डमा ३७८, जर्मनीमा १७० र जर्मनीमा १३१ जना रहेका छन् ।

संक्रमणमुक्त हुनेमा अमेरिकामा ३९ हजार ४०९, रुसमा ३६ हजार ४९४, जर्मनीमा २७ हजार ८००, युक्रेनमा २२ हजार ९४६, पोल्याण्डमा २२ हजार ६३० र अस्ट्रियामा ११ हजार ६९७ जना छन् ।

यस्तै एसियामा टर्कीमा २५ हजार १०३ जना संक्रमणमुक्त भएका छन् भने २३ हजार ७५९ जना संक्रमित थपिएका छन् । मलेसियामा ५ हजार ९७ जना थपिँदा ५ हजार बढी निको भएका छन् ।

]]>
http://dhangadhikhabar.com/uploads/corona-boy_At8dOyQMiz_20210709170909.jpg विश्वभर ४ लाख ७४ हजार थपिए, ३ लाख ६५ हजार ४५८ संक्रमित निको http://dhangadhikhabar.com/news/40339
देशका पहाडी भू(भागहरूमा आंशिक बदली,देशभर चिसो वढ्ने क्रममा रहेकोले आवश्यक सतर्कता अपनाउन अनुरोध http://dhangadhikhabar.com/news/40338 Sun, 28 Nov 2021 07:39:15 +0545 http://dhangadhikhabar.com/news/40338 नेपालको पूर्वी भू-भागमा बंगलादेशको आसपासमा रहेको न्यून चापीय प्रणालीको आंशिक प्रभाव रहेको छ। नेपालको पूर्वी भू-भागमा बंगलादेशको आसपासमा रहेको न्यून चापीय प्रणालीको आंशिक प्रभाव रहेको छ।

देशका पहाडी भू-भागहरूमा आंशिक बदली रहेको छ भने बाँकी भू-भागमा मौसम सामान्यतया सफा रहेको मौसम पूर्वानुमान महाशाखाले जनाएको छ ।

साथै आगामी २४ घण्टामा प्रदेश नं १, बागमती, गण्डकी र कर्णाली प्रदेशको उच्च पहाडी तथा हिमाली भू-भागहरुका एक वा दुई स्थानहरुमा हल्का हिमपातको सम्भावना रहेको र देशभर चिसो वढ्ने क्रममा रहेकोले आवश्यक सतर्कता अपनाउन पनि महाशाखाले अनुरोध छ ।

]]>
http://dhangadhikhabar.com/uploads/mausam-1536x865_20210529064544.jpeg देशका पहाडी भू(भागहरूमा आंशिक बदली,देशभर चिसो वढ्ने क्रममा रहेकोले आवश्यक सतर्कता अपनाउन अनुरोध http://dhangadhikhabar.com/news/40338
आजको दिन कस्तो रहनेछ हेरौ रापशिफल http://dhangadhikhabar.com/news/40337 Sun, 28 Nov 2021 07:03:23 +0545 http://dhangadhikhabar.com/news/40337 मेष : कृषि कार्यमा सफलता प्राप्त हुनेछ । मेष : कृषि कार्यमा सफलता प्राप्त हुनेछ । अध्ययन अध्यापनमा रुची बढ्नेछ । मानसिक तनाब यथावत रहने छ । धन सञ्चित गर्ने अवसर प्राप्त हुनेछ।

वृष : आकस्मिक धनप्राप्ति हुनेछ । महत्वपूर्ण कार्यमा सफलता मिल्नेछ । सुख प्राप्त हुनेछ । साथीभाइबाट धोका हुनसक्छ । शत्रुहरु पराजित हुनछन।

मिथुन :  प्रेममा सफलता मिल्नेछ । मनमा हर्ष बढ्नेछ । जागिरमा पदोन्नति हुनेछ । शैक्षिक क्षेत्रमा सुधार हुनेछ । अनावस्यक खर्च बढ्ने देखिन्छ ।

कर्कट : चन्चलता बढ्नेछ । अध्ययन अध्यापनमा आंशिक सुधार आउनेछ । स्वास्थ्यमा कफको समस्या बढ्नेछ । पारिवारिक सुखप्राप्ति हुनेछ ।

सिंह सन्तानबाट सहयोग मिल्नेछ । महत्वपूर्ण काम सफल हुनेछन् । महत्वपूर्ण व्यक्तिहरुसँग भेटघाट हुनेछ । राजनैतिक व्यस्तता बढ्नेछ ।

कन्या : ब्यापार व्यवसायमा लगानी बढ्नेछ । मानसिक बिचलन रहनेछ । महत्वपूर्ण कार्यमा अवरोध आउनेछ । अध्ययन अध्यापनमा सफलता मिल्नेछ ।

तुला : इच्छा शक्ति बढ्नेछ । सोचेको आटेको काममा सफलता मिल्नेछ । राजनैतिक क्षमताको विकास हुनेछ । नेतृत्व क्षमता वृद्धि हुनेछ । मानसिक तनाब बढ्नेछ।

वृश्चिक : मेहनत गरे काममा सफलता मिल्नेछ । आलस्यता बढ्नेछ । पद प्रतिष्ठा प्राप्त हुनेछ । पढाई लेखाइमा प्रगति हुनेछ । स्वास्थ्यमा सुधार आउनेछ।

धनु : धार्मिक र सामाजिक काममा रुची बढ्नेछ । पारिवारिक सद्भाव कायम रहनेछ । स्वास्थ्यमा सुधार आउनेछ । मन प्रसन्न रहनेछ।

मकर : मेहनत गरे महत्वपूर्ण कार्य बन्नेछन् । सामाजिक कार्यमा सफलता मिल्नेछ । आय आर्जनका स्रोत फेला पर्नेछन् । पारिवारिक सम्बन्धमा सुधार आउनेछ।

कुम्भ : ब्यापार व्यवसायमा सफलता प्राप्त हुनेछ । साथीभाईसंग भेटघाटमा मन प्रसन्न रहनेछ । अध्ययन अध्यापनमा प्रगति हुनेछ।

मीन  साथीभाईको सहयोग प्राप्त हुनेछ । सामाजिक मानसम्मान र प्रतिष्ठामा वृद्धि हुनेछ । स्वास्थ्यमा समस्या देखा पर्नेछ । सामाजिक कार्य बढ्नेछन्।

]]>
http://dhangadhikhabar.com/uploads/news/aajako-rashifal-themcnepal.jpg आजको दिन कस्तो रहनेछ हेरौ रापशिफल http://dhangadhikhabar.com/news/40337
जयपृथ्बी नगरपालीकाका ६ वडामा नेकपा माओवादी केन्द्रकोे वडा सम्मेलन सम्पनन http://dhangadhikhabar.com/news/40336 Sat, 27 Nov 2021 21:03:09 +0545 http://dhangadhikhabar.com/news/40336 जयपृथ्बी नगरपालिकाका ६ वडामा नेकपा माओवादी केन्द्रको वडा सम्मेलन सम्पन्न  भएको छ । जयपृथ्बी नगरपालिकाका ६ वडामा नेकपा माओवादी केन्द्रको वडा सम्मेलन सम्पन्न  भएको छ । जयपृथ्बी नगरपालिकाका २, ३ ,५ ,६, ७ र ८ वडामा वडा सम्मेलन सम्पन्न भएको हो ।  वडा नम्बर २ मा अध्यक्ष शेर बहादुर खड्काको अध्यक्षतामा २९ सदस्य वडा कमिटी गठन गरिएको छ । जसमा उपाध्यक्ष जमनी देवी खड्का ,कोषाध्यक्ष ललिता देवी ओली मतारा , सचिव किशोर जोशी , सहसचिव निरा देवी खड्का रहेका छन् । 

यस्तै वडा नम्बर ३ मा अध्यक्ष शँकरानन्द पाण्डेको अध्यक्षतामा २९ सदस्य वडा कमिटी गठन गरिएको छ । जसमा उपाध्यक्ष बम्म बहादुर ओली ,जुना देवी वड , कोषाध्यक्षमा गुनमती देवी खड्का ,सचिव गोपाल वड , सह सचिव यशोदा खड्का विष्ट रहेका छन् । 

वडा नम्बर ५ मा भएको सम्मेलनबाट अध्यक्ष अफी सार्की , उपाध्यक्ष धन बहादुर दहनी , कोषाध्यक्ष राधिका देवी उपाध्याय , सचिव डम्मर बहादुर सीह , सहसचिव नन्दा कुमारी मल्ल सीह सहित २९ सदस्य वडा कमिटी गठन गरिएको छ । जनक गिरिको अध्यक्षतामा सञ्चालन भएको कार्यक्रममा अनेरास्बियु क्रान्तिकारी पूर्व केन्द्रीय सदस्य रामचन्द्र रोकाया प्रमुख अतिथि रहनुभएको थियो भने  अतिथि अखिल क्रान्तिकारीका जिल्ला अध्यक्ष देबीजँग बहादुर सीह रहनुभएको थियो । 

भने वडा नम्बर ६ मा राम चन्द्र सीहको अध्यक्षतामा २९ सदस्य वडा कमिटी गठन गरिएको छ । जसमा उपाध्यक्ष प्रकाश बहादुर सीह , सचिव दीपेन्द्र बहादुर सीह , सह सचिव  मनोज बहादुर सीह , कोषाध्यक्षमा विनीता देवी सीह रहेका छन् । यस्तै नेकपा माओवादी केन्द्रको भातृ सङ्गठन समेत गठन गरिएको छ ।  जसमा अध्यक्ष दीपेन्द्र बहादुर सीह र सचिव ईश्वर बहादुर सीह रहेका छन् ।

वडा नम्बर ७ मा समेत  नेकपा माओवादी केन्द्रको वडा सम्मेलन सम्पन्न भएको छ । जसमा अध्यक्ष ओमसँग बम , उपाध्यक्षमा हर्क बिक , सचिव दिर्घराज जोशी , कोषाध्यक्ष डम्मता देवी जोशी , सहसचिव प्रेम चनारा रहेका छन् । 
यस्तै वडा नम्बर ८ मा शिव प्रसाद जोशी अध्यक्ष ,उपाध्यक्ष  प्रेम कोइराला , सचिव देवेन्द्र प्रसाद कोइराला , कोषाध्यक्ष कमला देवी कामी , सहसचिव मदन राज कोइराला रहेको नगर कमिटी अध्यक्ष कवि बहादुर विष्टले बताउनुभयो ।

]]>
http://dhangadhikhabar.com/uploads/260957791_431706921773681_5040909413388860137_n_20211127210256.jpg जयपृथ्बी नगरपालीकाका ६ वडामा नेकपा माओवादी केन्द्रकोे वडा सम्मेलन सम्पनन http://dhangadhikhabar.com/news/40336
दक्षिण अफ्रिका हुँदै नेपाल आउने यात्रुलाई एक हप्ता क्वरेण्टीन अनिवार्य http://dhangadhikhabar.com/news/40335 Sat, 27 Nov 2021 19:10:36 +0545 http://dhangadhikhabar.com/news/40335 सरकारले दक्षिण अफ्रिका हुँदै नेपाल आउने यात्रुहरुलाई एक हप्ता अनिवार्य क्वरेण्टीन राख्ने निर्णय गरेको छ । सरकारले दक्षिण अफ्रिका हुँदै नेपाल आउने यात्रुहरुलाई एक हप्ता अनिवार्य क्वरेण्टीन राख्ने निर्णय गरेको छ ।दक्षिण अफ्रिकामा भेटिएको कोरोना भाइरसको नयाँ भेरियन्ट ओमिक्रोनलाई विश्व स्वास्थ्य सङ्गठनले भेरियन्ट अफ कन्सर्न घोषणा गरेपछि स्वास्थ्य तथा जनसङ्ख्या मन्त्रालयले अनिवार्य क्वरेण्टीनको व्यवस्था गरेको स्वास्थ्य मन्त्रालयका प्रवक्ता कृष्ण पौडेलले जानकारी दिनुभयो ।

नेपालले अहिले खोप नलगाइ आउने यात्रुहरूलाई एक हप्ताको क्वरेण्टीन अनिवार्य गरे पनि पूर्ण मात्रामा खोप लगाइसकेका यात्रुहरूलाई होटेल क्वरेण्टीन अनिवार्य गरेको छैन । विदेशबाट आउने यात्रुहरूलाई विमानस्थलमा एन्टिजेन परीक्षण गर्ने गरिएको छ ।

नयाँ भेरियन्टलाई लिएर उडानहरु कसरी गर्ने लगायतका विषयमा भोलि बस्ने कोभिड सङ्कट व्यवस्थापन समन्वय समितिको बैठकमा छलफल गरी थप निर्णय गर्ने प्रवक्ता पौडेलले बताउनुभयो । नयाँ भेरियन्ट ओमिक्रोन नेपालमा नदेखिएको आत्तिन नपर्ने तर सावधानी भने अपनाउनुपर्ने स्वास्थ्य मन्त्रालयका सह–प्रवक्ता डा समिरकुमार अधिकारीले बताउनुभयो ।

नेपालमै भेरियन्ट पहिचान गर्न सक्ने भएकोले कोरोना सङ्क्रमण देखिएकाहरुको यात्रु विवरणको आधारमा जिन सिक्वेसिङ गरिरहेको अधिकारीले बताउनुभयो । डाक्टर अधिकारीले दक्षिण अफ्रिका, हङकङ लगायतका ठाउँमा देखिएको भेरियन्ट हाम्रो आउन सक्ने सम्भावना रहेकोले सावधानी अपनाइने बताउनुभयो ।

नयाँ भेरियन्टको असर र खोपलाई जित्न सक्नेबारेमा पनि थप अनुसन्धान भैरहेको र अहिले विश्व स्वास्थ्य संगठनले नै सङ्क्रमणको उच्च जोखिम भनेकाले सबैले सावधानी अपनाउनुपर्ने उहाँले बताउनुभयो ।

]]>
http://dhangadhikhabar.com/uploads/minister-of-health-1_20210526170116.jpg दक्षिण अफ्रिका हुँदै नेपाल आउने यात्रुलाई एक हप्ता क्वरेण्टीन अनिवार्य http://dhangadhikhabar.com/news/40335
ट्रकको ठक्करबाट बाबुछोराको मृत्यु http://dhangadhikhabar.com/news/40334 Sat, 27 Nov 2021 19:01:29 +0545 http://dhangadhikhabar.com/news/40334 ट्रकको ठक्करबाट बाबुछोराको आज मृत्यु भएको छ। सिद्धार्थ राजमार्गअन्तर्गत भैरहवाको बर्मेली चोकमा ट्रकको ठक्करबाट बाबुछोराको आज मृत्यु भएको छ।ट्रकले मोटरसाइकललाई ठक्कर दिँदा स्याङ्जाको चापाकोट नगरपालिका-४ का ५३ वर्षीय गीतानाथ खनालसहित उनका १३ वर्षीय छोरा सुदीपको मृत्यु भएको हो।

बुटवलबाट बेलहियातर्फ जाँदै गरेको ना३ख ३८६० नं.को ट्रकले खनाल सवार ग११प ५४४४ नं.को मोटरसाइकललाई ठक्कर दिएको जिल्ला प्रहरी कार्यालयका प्रवक्ता नवरत्न पौडेलले जानकारी दिए।

ट्रकको ठक्करबाट घाइते भएका दुवैजनाको भैरहवास्थित युनिभर्सल कलेज अफ मेडिकल साइन्सेजमा उपचारका क्रममा दिउँसो १ः३५ बजे मृत्यु भएको हो। ठक्कर दिने ट्रक र चालक प्रहरीको नियन्त्रणमा छन्।   

]]>
http://dhangadhikhabar.com/uploads/truck-vs-bike1_20211008113211.jpg ट्रकको ठक्करबाट बाबुछोराको मृत्यु http://dhangadhikhabar.com/news/40334
अपाङ्गता समावेशी स्वास्थ्य र पुनर्स्थापना सम्बन्धी अन्तरक्रिया कार्यक्रम धनगढीमा सम्पन्न http://dhangadhikhabar.com/news/40333 Sat, 27 Nov 2021 18:56:25 +0545 http://dhangadhikhabar.com/news/40333 धनगढीमा प्रदेश स्तरीय अपाङ्गता समावेशी स्वास्थ्य र पुनर्स्थापना सम्बन्धी अन्तरक्रिया कार्यक्रम सम्पन्न भएको छ । धनगढी । धनगढीमा प्रदेश स्तरीय अपाङ्गता समावेशी स्वास्थ्य र पुनर्स्थापना सम्बन्धी अन्तरक्रिया कार्यक्रम सम्पन्न भएको छ । शनिवार राष्ट्रिय अपाङ्ग महासङ्घ सुदूरपश्चिम प्रदेशको आयोजनामा सो कार्यक्रम गरिएको हो ।

अपाङ्गता भएका व्यक्तिहरूलाई सक्रिय जीवन निर्वाह गर्न सक्षम हुने गरी प्रदान गरिने चिकित्सकीय सेवा, जीवन उपयोगी सीप तथा व्यावसायिक तालिम, सहायक सामग्री, औषधी उपचार, नियमित परामर्श सेवामा पहुँच पु¥याउन आवश्यक पूर्वाधारहरूको जानकारी गराउने उद्देश्यका साथ कार्यक्रमको आयोजना गरिएको थियो ।

कार्यक्रमका सहभागीहरूले समावेशी स्वास्थ्य अझै पनि सहज रूपमा पाउन नसकेको गुनासो गरेका छन् । राष्ट्रिय अपाङ्ग महासङ्घका केन्द्रीय सचिवालय सदस्य रमेश पोखरेलले आफूहरूका समस्या कागजमा मात्रै समाधान भएको बताएका छन् । संविधानले सपाङ्गता भएका व्यक्तिहरूका अधिकार सुनिश्चित गरे पनि कार्यान्वयन नभएको उनको गुनासो छ ।

निर्माण भएका सरकारी संरचनामा पहुँचयुक्तता र मैत्रीपूर्ण व्यवहार समेत नभएको उनले बताए । “सरकारी भौतिक संरचनाहरू समेत अपाङ्गता मैत्री छैनन्,’उनले भने,‘अब निर्माण हुने संरचनाहरू अपाङ्ग मन्त्री बनाउनु पर्छ ।” कुनै सेवा लिनको लागि सरकारी कार्यालय जानु पर्दा अपाङ्गता भएका व्यक्तिहरूलाई समस्या हुने गरेको छ । सरकारी संरचना अपाङ्गमैत्री बनाउन उनले माग गरेका हुन ।

यस्तै स्वास्थ्यमा पनि आफूहरूले सहजै रूपमा सेवा पाउन मुस्किल हुने गरेको उनीहरूको गुनासो छ । सरकारले निःशुल्क रूपमा उपलब्ध गराउने औषधी पनि आफूहरूले नपाएको कतिपय अपाङ्गता भएका व्यक्तिहरू बताउँछन् । स्थानीय पालिकाहरूमा अपाङ्गताका लागि हेल्प डेस्क समेत नभएको राष्ट्रिय अपाङ्ग महासङ्घका केन्द्रीय सचिवालय सदस्य पोखरेलले बताए ।

अपाङ्गता भएका व्यक्तिहरूको स्वास्थ्यमा विशेष गरी स्थानीय सरकार र स्वास्थ्य कार्यालयहरूले सहयोग गर्नु पर्ने उनको माग छ । जिल्ला स्वास्थ्य कार्यालय कैलालीका निमित्त प्रमुख लाल बहादुर धामीले अपाङ्गता भएका व्यक्तिहरूको स्वास्थ्यको सवालमा आफूहरू सधैँ सचेत र सजक रहेको बताए । “समन्वयको अभाव हुँदा मात्रै समस्या भएको हो,’उनले भने, ‘आफूहरूले सधैँ अपाङ्गता भएका व्यक्तिको पक्षमा काम गर्दै आएका छौँ ।”

यस्तै सुदूरपश्चिम प्रदेशको सामाजिक विकास मन्त्रालयका स्वास्थ्य महाशाखा प्रमुख नरेन्द्र सिंह कार्कीले अपाङ्गता भएका व्यक्तिहरूको अधिकारका लागि प्रशस्त कानुहरू बनेको जानकारी दिए । साथै सुदूरपश्चिम प्रदेश सरकारले पनि अपाङ्गता सम्बन्धी प्रादेशिक नीतिको मस्यौदा अन्तिम छलफलको क्रममा रहेको उनको भनाई छ ।

प्रदेश सरकारले अपाङ्गताको क्षेत्रमा आर्थिक वर्ष २०७८–०८९ को लागि मात्रै प्रत्यक्ष करिब २ करोड ९७ लाख ५० हजार बजेट विनियोजन गरेको उनले बताए ।

]]>
http://dhangadhikhabar.com/uploads/antarkriyaa_20211127185620.jpg अपाङ्गता समावेशी स्वास्थ्य र पुनर्स्थापना सम्बन्धी अन्तरक्रिया कार्यक्रम धनगढीमा सम्पन्न http://dhangadhikhabar.com/news/40333
जयपृथ्वी नगरपालिका वडा नम्बर ४,५ र११ मा नेकपा (एस) को वडा कमिटी गठन http://dhangadhikhabar.com/news/40332 Sat, 27 Nov 2021 18:42:57 +0545 http://dhangadhikhabar.com/news/40332 बझाङको जयपृथ्वी नगरपालिका वडा नम्बर ४,५ र ११ मा नेकपा (एकीकृत समाजवादी) को वडा कमिटी गठन गरिएको छ । बझाङ । बझाङको जयपृथ्वी नगरपालिका वडा नम्बर ४,५ र ११ मा नेकपा (एकीकृत समाजवादी) को वडा कमिटी गठन गरिएको छ । शनिवार  जयपृथ्वी नगरपालिका वडा नम्बर ५  मा नेकपा (एकीकृत समाजवादी) का बझाङ जिल्ला इन्चार्ज दिल बहादुर सिंह को प्रमुख आतिथ्यतामा र नैन बहादुर सिंहको अध्यक्षतामा भएको कार्यक्रममा गोरख बहादुर कामी अध्यक्ष रहने गरी २१ सदस्य  वडा कमिटी गठन गरिएको छ। 

उपाध्यक्षमा मनवीर सार्की र पदमा सार्की, सचिव मा आयुस सिंह  र सह-सचिवमा इन्द्र जला जोशी, अम्मर दहनि र प्रबिन सिंह ।  त्यस्तै वडा न ४ मा अध्यक्ष  जनक उपाध्याय, उपाध्यक्षमा उमा कुमारी  उपाध्याय  सचिव सुमन उपाध्याय सह सचिव मा देवकी उपाध्याय रहने गरी २१ सदस्य  जिल्ला  कमिटी गठन गरिएको छ र जयपृथ्वी नगरपालिका वडा न ११ मा पनि वडा कमिटी गठन गरिएको छ ।

जसमा अध्यक्ष  शङ्कर बोहरा  उपाध्यक्षमा अग्नि  राज जोशी र दिपा देवी नेपाली  सचिव मा  खगेन्द्र  जोशी  सहसचिव मा  धर्मेन्द्र सार्की  देवकी सार्की खडक अएडि रहने गरी ५१ सदस्य  बडा कमिटी गठन गरिएको जिल्ला कमिटी सदस्य  देवेन्द्र रोकाया ले बताउनु भएको छ। कार्यक्रम मा  पार्टी  नेता तथा कार्यकर्ता  हरू को बाक्लो  उपस्थित  रहेको थियो। 

त्यस्तै हिजो जयपृथिवी नगरपालिका  को वडा न १० मा पनि वडा कमिटी गठन गरिएको थियो । यस अघि केदारस्यु गाउँपालिका र बुङल नगरपालिका  का वडाहरू मा पनि नेकपा (एकीकृत समाजवादी) को वडा कमिटी गठन गरिएको थियो । नेकपा ९एस०ले बझाङ  जिल्ला मा पालिका तथा वडा स्तरमा अधिवेशन मार्फत कमिटी गठनलाई तीव्रता दिएको जिल्ला कमिटी सचिव लक्ष्मीराज जोशीले जानकारी दिए ।

]]>
http://dhangadhikhabar.com/uploads/woda-velaa_20211127184242.jpg जयपृथ्वी नगरपालिका वडा नम्बर ४,५ र११ मा नेकपा (एस) को वडा कमिटी गठन http://dhangadhikhabar.com/news/40332
एमाले अध्यक्ष पदका लागि भोट माग्दै भीम रावल http://dhangadhikhabar.com/news/40331 Sat, 27 Nov 2021 17:41:12 +0545 http://dhangadhikhabar.com/news/40331 नेकपा एमालेको जारी १०औं महाधिवेशनमा अध्यक्ष पदमा उम्मेदवारी दिने तयारी गरेका उपाध्यक्ष भीम रावलले मत माग्न थालेका छन् । नेकपा एमालेको जारी १०औं महाधिवेशनमा अध्यक्ष पदमा उम्मेदवारी दिने तयारी गरेका उपाध्यक्ष भीम रावलले मत माग्न थालेका छन् । शनिबार बन्द सत्र सुरु हुँदै गर्दा नेता रावलले आफूलाई मतदान गरी जिताउन प्रतिनिधिहरू समक्ष आग्रह गरेका छन् ।

यद्यपि अध्यक्ष केपी ओलीसहित नेताहरूले महाधिवेशनमा सर्वसम्मत रुपमा नेतृत्व चयनका लागि पहल गरिरहेका छन् । सौराहास्थित बन्द सत्र भइरहेको होटेल सेभेन स्टारमा सभागी प्रतिनिधिहरूलाई भेटेर नेता रावलले आफू अध्यक्षको पदको उम्मेदवार भएको बताएका छन् ।

शुक्रबार राति नेता रावलले कान्तिपुरसित कुरा गर्दै शनिबार उम्मेदवारी दिने बताएका थिए । शनिबार दिउँसो उम्मेदवारी दिनुअघि नै उनले प्रतिनिधिहरूलाई भेट्दै भोट मागिरहेका हुन् ।

]]>
http://dhangadhikhabar.com/uploads/bhim-mat_20211127174109.jfif एमाले अध्यक्ष पदका लागि भोट माग्दै भीम रावल http://dhangadhikhabar.com/news/40331
नेपालमा २१३ कोरोना संक्रमित थपिए, ३ को मृत्यु http://dhangadhikhabar.com/news/40330 Sat, 27 Nov 2021 17:00:04 +0545 http://dhangadhikhabar.com/news/40330 नेपालमा पछिल्लो २४ घण्टामा २१३ जनामा कोरोना भाइरसको संक्रमण पुष्टि भएको छ । नेपालमा पछिल्लो २४ घण्टामा २१३ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको ४ हजार ९०७ जनाको पीसीआर परीक्षणमा १९७ र १ हजार ७२५ जनाको एन्टिजेन विधिबाट गरिएको परीक्षणमा १६ जनामा कोरोना पुष्टि भएको छ ।

पछिल्लो २४ घण्टामा थप ३ जना कोरोना संक्रमितको मृत्यु भएको छ। सोही अवधिमा मुलुकका विभिन्न अस्पतालबाट ३२५ जना कोरोना संक्रमणमुक्त भएको मन्त्रालयले जानकारी दिएको छ ।

निको हुने दर ९७ दशमलब ७ प्रतिशत रहेको मन्त्रालयले जानकारी दिएको छ ।

]]>
http://dhangadhikhabar.com/uploads/DHNGCorona_Covid_19_Update_20200629122456.png नेपालमा २१३ कोरोना संक्रमित थपिए, ३ को मृत्यु http://dhangadhikhabar.com/news/40330
एमाले महाधिवेशनको बन्द सत्र सुरू http://dhangadhikhabar.com/news/40329 Sat, 27 Nov 2021 14:25:39 +0545 http://dhangadhikhabar.com/news/40329 नेकपा एमालेको दशाैँ महाधिवेशनकाे बन्द सत्र सुरू भएको छ । नेकपा एमालेको दशाैँ महाधिवेशनकाे बन्द सत्र सुरू भएको छ । बिहान ८ बजेदेखि बन्द सत्र सुरू गर्ने कार्यतालिका भए पनि ढिलो गरी दिउँसो साढे एक बजेदेखि सुरु भएको हो । एमाले अध्यक्ष केपी शर्मा ओली सौराहाको बन्द सत्र हुने हलमा पुग्नुभएको छ । बन्द सत्रमा विभिन्न देशबाट आएका दलका प्रतिनिधिले सम्बोधन गर्ने कार्यक्रम छ ।

त्यस्तै, गएराति केन्द्रीय कमिटी बैठकले गरेका निर्णय पनि अनुमोदन गर्नेछ । केन्द्रीय कमिटी बैठकले २ उपाध्यक्ष र २ उपमहासचिव पद थप गरेको थियो । त्यस्तै पदाधिकारी संख्या बढाउने निर्णय गरेको थियो ।

बैठकले दुई सय २५ सदस्यीय केन्द्रीय कमिटीलाई ३०१ सदस्यीय बनाउने प्रस्ताव बन्दसत्रमा पेश गर्ने निर्णय गरेको थियो ।  बन्द सत्रबाटै नयाँ नेतृत्व चयन हुनेछ ।

आज पनि पार्टीका अध्यक्ष ओलीले सर्वसम्मतिमा नेतृत्व चयनका लागि नेताहरूसँगकाे छलफललाई निरन्तरता दिनुभएको छ । सकेसम्म सबै पदाधिकारी सहमतिमा टुंगो लगाउने नभए नेतृत्वमा सहमति जुटाउने प्रयास भए पनि उपाध्यक्ष भीम रावलले अध्यक्षमा दाबी गरेपछि सहमति जुट्न सकेको छैन ।

सहमति नभए चुनाव गराउन पार्टीको केन्द्रीय निर्वाचन आयोगले तयारी गरेको छ । आज बेलुका ६ बजेसम्म उम्मेदवारी दर्ता, दाबी विरोध र फिर्ताको समय रहेको छ ।

आजै बेलुका साढे ६ बजे उम्मेदवारको अन्तिम नामावली प्रकाशन गरिनेछ । भोलि मतदान गर्ने कार्यक्रम तय भएको छ । एमाले सचिव योगेश भट्टराईले पार्टीको आन्तरिक व्यवस्थापनका लागि सहमतिको प्रयास भइरहेको र त्यो आवश्यक रहेको प्रतिक्रिया दिनुभएको छ ।

सर्वसम्मत नेतृत्व चयनको माग गर्दै प्रतिनिधि तथा युवा–विद्यार्थी नेताले सौराहामा प्रदर्शन गरेका छन् । उनीहरुले पार्टीमा एकताबद्ध र सर्वसम्मत नेतृत्व हुनुपर्ने माग गरेका छन् । महाधिवेशनको बन्दसत्रमा मनोनितसहित दुई हजार दुई सय ७५ प्रतिनिधि छन् । एमाले महाधिवेशनको उद्घाटनसत्र हिजो नारायणी नदी किनारमा भएको थियो ।

]]>
http://dhangadhikhabar.com/uploads/madhibesan1_20211127142525.jpg एमाले महाधिवेशनको बन्द सत्र सुरू http://dhangadhikhabar.com/news/40329
सेती प्रयोगशालामा थप ४ जनामा कोरोना पुष्टि http://dhangadhikhabar.com/news/40328 Sat, 27 Nov 2021 14:12:02 +0545 http://dhangadhikhabar.com/news/40328 धनगढीस्थित सेती प्रादेशिक अस्पतालको प्रयोगशालामा गरिएको परिक्षणमा शनिबार थप ४ जनामा कोरोना पुष्टि भएको छ । धनगढी । धनगढीस्थित सेती प्रादेशिक अस्पतालको प्रयोगशालामा गरिएको परिक्षणमा शनिबार थप ४ जनामा कोरोना पुष्टि भएको छ ।

पछिल्लो २४ घण्टामा ५४ नमुना परिक्षण गर्दा थप ४ जनामा संक्रमण पुष्टि भएको अस्पतालका सुचना अधिकारी दिलीप कुमार श्रेष्ठले जानकारी दिए ।

उनका अनुसार २४ घण्टामा १ जना नयाँ संक्रमित अस्पताल भर्ना भएका छन । हाल अस्पतालमा ४ जना संक्रमित विरामीको उपचार भइरहेको छ । 

]]>
http://dhangadhikhabar.com/uploads/1596366499corona-test-sudurpashim_20210523165236.jpg सेती प्रयोगशालामा थप ४ जनामा कोरोना पुष्टि http://dhangadhikhabar.com/news/40328
माओवादी केन्द्रको गोदावरी नगरपालिका अध्यक्षमा धर्म सिंह कुँवर http://dhangadhikhabar.com/news/40327 Sat, 27 Nov 2021 14:06:30 +0545 http://dhangadhikhabar.com/news/40327 नेकपा माओवादी केन्द्रको कैलालीको गोदावरी नगरपालिकाको अध्यक्षमा धर्म सिंह कुँवर निर्वाचित भएका छन् । धनगढी । नेकपा माओवादी केन्द्रको कैलालीको गोदावरी नगरपालिकाको अध्यक्षमा धर्म सिंह कुँवर निर्वाचित भएका छन् । नेकपा माओवादी केन्द्रको प्रथम नगर सम्मेलनबाट कुँवर अध्यक्षमा निर्वाचित भएका हुन् ।

त्यस्तै कमिटीको उपाध्यक्षमा तिलक चौधरी, दिनेश शाह, कमला कैनी चयन भएका छन्। सचिवमा मदन कठायत, सह–सचिवमा तुलसी  जोशी, कोषाध्यक्षमा शेरबहादुर बिष्ट चयन भएको नेकपा माओवादी केन्द्रका प्रदेश कमिटी सदस्य उद्धव भटराईले जानकारी दिए । उनले ६५ सदस्यीय नगर कमिटी गठन गरिएको बताए ।

]]>
http://dhangadhikhabar.com/uploads/nagar1_20211127140612.jpg माओवादी केन्द्रको गोदावरी नगरपालिका अध्यक्षमा धर्म सिंह कुँवर http://dhangadhikhabar.com/news/40327
लागुऔषधसहित कैलालीमा एक जना पक्राउ http://dhangadhikhabar.com/news/40326 Sat, 27 Nov 2021 14:00:46 +0545 http://dhangadhikhabar.com/news/40326 कैलालीमा प्रहरीले लागुऔषधसहित एक जनालाई पक्राउ गरेको छ। धनगढी । कैलालीमा प्रहरीले लागुऔषधसहित एक जनालाई पक्राउ गरेको छ।

जिल्लाको घोडाघोडी नगरपालिका -१ सिमतडी घर भई हाल टीकापुर नगरपालिका १ जमरापारीमा घोडाघोडी वर्कसप सञ्चालन गर्दै आएका २६ वर्षीय उमेश चौधरीलाई पक्राउ गरिएको जिल्ला प्रहरी कार्यालय कैलालीले जनाए । 

उनलाई ५ ग्राम ७६० मिलिग्राम लागु औषध ९खैरो हिरोईन० सहित इलाका प्रहरी कार्यालय टीकापुरबाट खटिएको प्रहरी टोलीले पक्राउ गरेको हो । उनलाई लागुऔषध शिर्षकमा मुद्दा दर्ता गरी थप अनुसन्धान भइरहेको प्रहरीले जनाएको छ । 

]]>
http://dhangadhikhabar.com/uploads/laaguausadh_20211127140042.jpg लागुऔषधसहित कैलालीमा एक जना पक्राउ http://dhangadhikhabar.com/news/40326