नेपाल कम्युनिष्ट पार्टी (नेकपा) का बरिष्ठ नेता माधवकुमार नेपालले अमेरिकी परियोजना मिलिनियम च्यालेन्ज कर्पोरेसन (एमसीसी) नेपालको हित बिपरीत भएको बताएका छन् ।
पुष्पलाल मञ्च नेपाल धनगढीले गरेको अन्तरक्रियामा नेता नेपालले एमसीसीका केही बुँदा सच्याउनुपर्ने बताए । नेता नेपालले भने, “एमसीसी जस्ताको त्यस्तै बिपरीत पारित गर्न सकिदैन, केही बुँदा सच्याउनुपर्छ ।”
नेता नेपालले पार्टीभित्रको गुटउपगुट बनाई कार्यकर्तालाई हेप्ने र पछाडि पार्ने प्रवृत्ति देखिएको समेत बताए । उनले योग्यता र क्षमता भएका व्यक्तिमाथि अपमान भइरहेको बताए ।
नेता नेपालले पार्टीमा हाटहुटे व्यक्ति हावी भएमा पार्टी सकिने बताउँदै सबै नेता तथा कार्यकर्तालाई समान व्यवहार गरेर अघि बढ्नाको विकल्प नभएकामा जोड दिए ।
“पार्टीमा एउटै गल्ती गर्दा कसैलाई फसाउने, कसैलाई पूजा गर्ने प्रवृत्ति बढेको छ, नियमकानून सबैलाई बराबर लागू हुनुपर्छ, कसैलाई पाखा त कसैलाई काखी गरिनुहुन्न”, उनले भने ।