‘कामप्रतिको लगाव र परिश्रमले जुनसुकै क्षेत्रमा सफल भइन्छ’ भन्ने उदाहरण युवा देउडा गायिका रेखा जोशी बनेकी छन्। उनी आफूलाइ सुदूरपश्चिमको देउडा क्षेत्रमा अब्बल सावित गराउन सफल भएकी छन्।
पाँच वर्षअघि मात्रै देउडा गायन क्षेत्रमा उनले प्रवेश गरेकिेहुन्। कञ्चनपुरको भीमदत्तनगरपालिका–७ हल्दुखा निवासी उनको कर्णप्रिय देउडा गीत सुन्न श्रोता तथा दर्शक औधि मनपराउँछन्। उनी यहाँका देउडा पारखीको मनमनमा पस्न सफल भएकी छिन्। पाँच वर्षको अवधिमा सात सय भन्दा बढी देउडा, लोक तथा सुदूरपश्चिमको ठाँडी भाकामा स्वर उनले दिएकी छिन्।
विसं २०७१ मा ‘घुटुक्क बाडुली लाग्या’ बोलको गीतमा पहिलोपटक स्वर दिएकी जोशीका देउडा गीत बजारमा आउने क्रम रोकिएको छैन। “तीन वर्षअघि बजारमा आएको ‘मैना’ एल्बमले सुदूरपश्चिमको देउडा क्षेत्रमा मलाई परिचित गरायो।” , “मैना गीत युटुबमा समेत २६ लाखभन्दा बढीले हेरे”, उनले भनिन ।
काठमाडाँैको शङ्करदेव क्याम्पसमा स्नाकोत्तर तहको अध्ययन गायिका जोशी यतिबेला सुदूर र कर्णाली प्रदेशका भइरहेका मेला महोत्सवको कार्यक्रममा व्यस्त छन्। “देउडाले पनि सुदूरपश्चिमलाई मुलुकभर चिनाएको छ।” उनले भनिन, “विदेशमा पनि नेपाली देउडा भन्नासाथ हुरुक्कै हुन्छन्।” प्रदेशको पीडा, सुदूरपश्चिमको कला, संस्कृतिलाई संरक्षण एवं सम्वद्र्धनमा समेत देउडा गीत सहयोग बन्दै आएको र आफू यहाँका पर्यटकीयस्थलको समेत साङ्गीतिक यात्रामार्फत प्रचारप्रसारमा जुटिरहेको उनले बताएकी छिन्।
“भारतको दिल्ली, बैंग्लोर, मुम्बैदेखि कतार, दुबई, कोरियासम्म देउडा गायनका क्रममा पुगेको छ।” उनले भनिन्, “गायनबाट अध्ययनलाई प्रभावित हुन दिएको छैन्।” हाल सुदूरपश्चिम प्रदेशको लोकदोहरी प्रतिष्ठानको सदस्यसमेत रहनुभएकी गायिका जोशीले आफू स्कूले समयदेखि नै गायनमा बुबाआमासँगै लागेको बताईन्।
“बुवा र आमा पनि देउडा गीत राम्रै गाउनुहुन्थ्यो।” उनले भनिन्, “दुवै दाजुहरुले पनि गायनका क्रममा स्टुडियो पु¥याउनसम्म ठूलो सहयोग गरे।” करिब तीन वर्ष यहाँको स्थानीय रेडियोमा कामसमेत गरेकि जोशीलाई विगत केही वर्षयता यहाँका हरेक साङ्गीतिक तथा सांस्कृतिक कार्यक्रममा स्थान दिँदै आइएको छ। “बंैकिङ क्षेत्रमा जाने ठूलो चाहना थियो।” उनले भनिन्, “देउडा यहाँको संस्कृति भएकाले पनि हामी युवा पुस्ता यसको जगेर्नामा लाग्नुपर्छ।”
पछिल्लो समय यहाँको देउडा गायन क्षेत्रमा निकै सक्रिय र व्यस्त रहेकी जोशीले लोप हुन लागेको देउडामा नयाँ क्रेज थपिएको उनले बताईन्। “युवापुस्ता पनि देउडामा नयाँपन ल्याउँदा झुम्मिरहेको देख्छु।” गयिका जोशीले भनिन्, “गायनबाटै सम्मान र दामसमेत पाएकै छु।”
पछिल्लो समय युवापुस्तामाझ निकै लोकप्रिय बनेका देउडा गायक लालबहादुर धामी (अछामी बड्डा)े ले गायिका रेखा जोशी छोटो समयमै सफल कलाकारका रुपमा लिन्छन्। “देउडामा थोरै समयमा रेखाले राम्रो प्रगति गरिँन।” धामीले भने, “उनलाई यहाँका अग्रजको पनि साथ र सहयोग छ।”