कोरोनाभाइरसको संक्रमणलाई आधार बनाएर ह्याकरहरुले पैसा चोर्ने खतरा उच्च भएको खुलेको छ ।कोरोनाभाइरस (कोभिड–१९) लाई ट्रयाक गर्नका लागि विश्वभरका विभिन्न अर्गानाइजेशनहरुले रियलटाइम म्याप्स वा ड्याशबोर्ड बनाएका छन ।
यसैको फाइदा उठाउँदै ह्याकरहरुले यूजरहरुको जानकारीलाई चोर्न लागि परेको रिजन ल्याव्स्को सेक्योरिटी रिर्सचर शाई अल्फासीले जनाएको छ । ह्याकरहरुले यस प्रकारका म्याप्सलाई अरुको जानकारीहरु चोर्नका लागि प्रयोग गरिरहेको अल्फासीले दावी गरेको छ ।
यस तरिकाबाट ह्याकरहरुले युजरहरुको प्राईभेट जानकारीहरु जस्तो यूजर नेम, पासवर्ड, क्रेडिट कार्ड नम्वर र ब्राउजर हिस्ट्री चोर्न सक्नेछन्। ह्याकरहरुले भाइरसको सहारा लिएर यूजरहरुलाई टार्गेट गरेको यो पहिलो घटना भने होइन । यसअघि पनि यस्तै प्रकारको घटनाहरु भएका थिए ।
सामान्य रुपमा ह्याकरहरुले कोरोनाभाइरससँग जोडिएको वेबसाइट तयार गर्ने गर्दछन र युजरलाई रियल टाइम ट्रयाकिंग गर्ने बाचा गर्ने गर्दछन । उनिहरुले यस्ता वेबसाइटको कारणले यूजरहरुले आफ्नो सिस्टममा म्याप्स डाउनलोड गर्नुपर्ने आवस्यकता नै पर्दैन । यसले सिधै यूजरको कोभिड–१९ फैलिएको म्याप देखाउँछ ।
कोरोनाभाइरसको लागी बनाइएको म्याप्सको सहायतामा अट्याकरहरुले बाइनरी फाइल्स जेनेरेट गर्ने गर्दछन र यूजरको कम्प्युटरमा इन्स्टल गर्दछन । टिएनडब्ल्युको एक रिर्पोट अनुसार यी वेबसाइटहरु कोरोनाभाइरस ट्रयाक गर्ने टूल जस्तो नै देखिने गर्दछन ।