कोरोना भाइरसको त्रास विश्वभर फैलिएको छ । जसका कारण विश्व स्वास्थ्य संगठनले यस संक्रमणलाई महामारको घोषणा गरेको छ ।
कोरोनाको संक्रमणबाट बच्न हेल्थ एक्सपर्टहरु स्वच्छतामा विशेष ध्यान दिन सल्लाह दिन्छन् । दैनिक १५ पटकभन्दा बढि हात धुने वा बारम्बार स्यानिटाइजरको प्रयोग गर्न चिकित्सकको सुझाव छ ।
न्यूयोर्क यूनिर्भसिटीको लैंगोन मेडिकल सेन्टरकी एलर्जी तथा इन्फेक्शियस स्पेशलिस्ट पूर्वी पारिखले कोरोना संक्रमणको जोखिम कम गर्न केहि खराब आचरणमा सुधार ल्याउनु पर्ने बताएकी छन् । पूर्वी पारिखका अनुसार मानिसहरुमा रहने केहि खराब आचरणले कोरोना भाइरसको जोखिम निम्त्याउँछ । जसका कारण ति आचरण तत्काल छाड्नुपर्ने हुन्छ ।
१. नङ चपाउने बानी छ भने तत्काल त्यस आचरणलाई त्याग्नु पर्छ । अन्यथा नङमा रहने कोरोनाका भाइरस सहजै मानिसको शरीरमा प्रवेश गर्न सक्छ ।
२. बिना कारण आफ्नो अनुहार, नाक, मुख वा आखाँ छोइरहने स्वभाव भएका मानिसले यो आचरण त्याग्नु पर्दछ । यसले संक्रमणको जोखिम उच्च पार्दछ ।
३. मुखमा हात लगाइरहने बानी पनि कोरोना सर्ने कारण बन्न सक्छ । त्यसैले सेचत बन्नुहोस् । जुनसुकै बेलामा मुखमा हात नहाल्नुहोस् । मुखमा हात लगाउनुअघि साबुनपानीले मज्जाले धुनुहोस् ।
४. जथाभावी जिउ कन्याउने, छुने वा कपाल चलाइरहने र मुख तर्फ लानेमा पनि कोरोना भाइरसको संक्रमण हुने जोखिम रहन्छ । जसका कारण जति नै स्वच्छताको ख्याल राखेपनि यहि आचरणबाट पनि कोरोनाको संक्रमण हुनसक्छ ।
५. चुइगम चपाउने बानी भएका कतिपय मानिसमा बीचमा केहि खानु परे चपाउदै गरेको चुइगम कागज वा केहिमा बाहिर निकालेर राख्ने बानि हुन्छ । यसमा पनि कोरोनाको जोखिम उच्च रहन्छ । हेल्थलाइनबाट