पोखरामा कुनै पनि नयाँ संक्रमित फेला नपरेको स्वास्थ्य मन्त्रालयले जानकारी दिएको छ। मन्त्रालयले आयोजना गरेको मिडिया ब्रिफिङमा प्रवक्ता डा विकास देवकोटाले यस्तो जानकारी गराएका हुन्।
पोखरामा सातौं संक्रमित देखिएको समाचार बाहिरिएपछि मन्त्रालयले यस्तो स्पष्ट पारेको हो। 'पोखरामा आजसम्म कुनै पनि संक्रमित फेला परेका छैनन्,' डा देवकोटाले भने।
उनका अनुसार शुक्रबार सवा ४ बजेसम्म १२ सय ७७ जनाको कोरोना परीक्षण गरिएको छ।